The Throne(ရာဇပုလ္လင်)
အပိုင်း-၁၉
ဝမ်ယောလ် ဘတ်ဂျယ်မင်းကြီးကိုဓားစာခံလုပ်ပြီး အလဲအလှယ်လုပ်ခဲ့သောကြောင့် ဒိုင်းမိုခံတပ်အပြင် ရွှေတုံး များနှင့် ပိုးထည်များသာမက စားနပ်ရိက္ခာတွေပါ ထပ်ပြီး ရရှိခဲ့သည်။
ဝမ်အွန်း က လောလောဆယ်မှာ အိုးအိမ်ဌာနကို ချုပ်ကိုင်ထားသောကြောင့် စားနပ်ရိက္ခာနှင့် ပိုးထည်များကိုသိမ်းလိုက်ပြီး ရွှေတုံးများကိုလည်း ဘဏ္ဌာတိုက်ထဲ သွင်းခဲ့သည်။
ဒီကြားထဲကုန်သွယ်ရေးလုပ်ငန်းကပြန်အဆင်ပြေနေသောကြောင့် မန်ချူးကုန်သည်တွေပါ ပြည်တွင်းကိုရောက်နေပြီး ကျောက်မျက်ရတနာများလည်း ဈေးပေါပေါနှင့်ဝယ်ကြရသည်။
ဈေးထဲတွင်လည်း ကလေးလူကြီးများဖြင့်ပြန်စည်ကားနေပြီး ဆူညံလျက်ရှိနေသည်။
ဝမ်အွန်း ကတော့ ရေကန်လယ်က ဇရပ်လေးမှာ ထိုင်နေပြီး ငါးစာကျွေးနေသည်။
ဝမ်ယောလ် နန်းတော်ကိုပြန်ရောက်နေပြီဖြစ်ပြီး ပြန်ရောက်ပြီး နောက်နေ့မှာပဲ နန်းတော်ကကိစ္စတွေကို ပြန်ပြီးစစ်ဆေးနေသည်။
'ကြင်ယာတော်မင်းသား ညီလာခံကိုတစ်ကယ်ပဲ မသွားဘူးလား'
'သွားစရာမှမလိုတာ'
'ဒါပေမဲ့ ကုန်သွယ်ရေးကိစ္စတွေက မင်းသား တာဝန်ယူထားတာမဟုတ်ဘူးလား'
ဂျောင်ဆူး တစ်ကယ်ကိုနားမလည်စွာမေးလိုက်မိသည်။
ဒီတစ်လအတောအတွင်းမှာ ဝမ်အွန်း နန်းတော်က ကိစ္စအသေးအမွှားနှင့် အိုးအိမ်ဌာနကိုသာ စီမံနေပြီး ဘာဆို ဘာမှ မလုပ်ခဲ့ပေ။
ဝမ်အွန်း ပန်းကန်လုံးလေထဲမှာရှိနေတဲ့ အနီရောင်အလုံးငယ်လေးတွေကို လက်တစ်ဆုပ်ယူလိုက်ပြီး ငါးကန်ထဲပစ်ချလိုက်သည်။
အနီနှင့်အဖြူရောင်စပ်ထားသော ရွှေငါးပေါင်းများစွာက ဝမ်အွန်း ခြေထောက်နားတွင် ရစ်ဝဲနေပြီး အစာတောင်းခံနေသည်။
'ကြင်ယာတော်မင်းသား'
အထိန်းတော် ယန်း ရောက်လာပြီဖြစ်သည်။
