Unicode
The Throne(ရာဇပုလ္လင်)
အပိုင်း-၂၅
ဝမ်အွန်း သူ့အတွက်နေ့လည်စာပြင်ဆင်ပေးနေသော နန်းတွင်းသူတွေကိုကြည့်ရင်း
'ယောလ် ကော'
'မင်းကြီးက ဒီနေ့ မိဖုရားနန်းဆောင်မှာ နေ့လယ်စာသုံးဆောင်ပါတယ် ကြင်ယာတော်မင်းသား'
'ဘာပြောတယ်'
'မင်းကြီးက မိဖုရားအဆောင်မှာ......'
ဒုန်း!!!ခွမ်း!!!!
ဝမ်အွန်း စားပွဲပေါ်က ပန်းကန်တွေအားလုံးကို လက်ဖြင့် တွန်းချလိုက်သည်။
ပြင်ဆင်ပေးနေသော နန်းတွင်းသူတွေအားလုံး ဒူးထောက်ပြီး မြေပြင်ပေါ်ဝပ်တွားသွားကြသည်။
'ဒါက ဘာအချိုးချိုးတာလဲ'
ဝမ်အွန်း စိတ်တိုနေသည်မှာ အသက်ရှူသံပင် တရှူးရှူးကြားရသည်အထိ ဒေါသထွက်နေသည်။ဟင်းရည်အပူက လက်ပေါ်ကျသွားသေးတာကြောင့် လက်ဖမိုးပြင်လေးနီရဲနေသည်ကိုတောင် မခံစားမိလောက်အောင် ဝမ်အွန်း စိတ်တိုနေသည်။
'ယောလ် မလာရင် ငါလည်းဘာမှမစားဘူး'
'မင်းသား'
ခေါင်းမော့ပြီး တားလာသည့် အပျိုတော်လေးကို ဝမ်အွန်း မဲ့ပြုံးလေးပြုံးပြလိုက်ပြီး
'သတင်းပို့လိုက်'
ဝမ်အွန်း အခန်းထဲကထွက်သွားသည်။
ဒူးထောက်လျက်ရှိနေသေးသော အပျိုတော်တွေနှင့် ကြမ်းပြင်တွင် ပွပြဲနေသော ထမင်းဟင်းတို့သာ အခန်းထဲတွင်ကျန်နေခဲ့သည်။
~~~~~~~~
ဝမ်အွန်း အဆောင်ထဲကနေ စိတ်တိုတိုနဲ့ထွက်လာပြီး ဘယ်သွားလို့သွားရမလဲမသိပေ။
နန်းတော်ထဲမှာ သူ့အလုပ်က ဘာမှမရှိပေ။ဝမ်ယောလ် က ဝမ်ဆောနို တွင် ကိုယ်ဝန်ရှိကတည်းက သူကိုင်တွယ်ရသည့်အသေးစားစီရင်မှုတို့ကိုတောင် မလုပ်ခိုင်းတော့ပေ။
အမြဲတမ်း ဝမ်အွန်း ကိုစောင့်ကြည့်နေတတ်ပြီး မမွေးဖွားလာသေးသော ကလေးငယ်ကို ဝမ်အွန်း တစ်ခုခုလုပ်ပစ်မှာကို တော်တော်စိုးရိမ်နေပုံရသည်။
