Princess's Stylist

Chapter 19 ( Unicode & Zawgyi )

ရိုက်ကူးရေးအချိန်ရောက်လာပြီမို့ Aurora ထွက်သွားတာကြာပါပြီ ။ Hannah ကတော့ ရောက်လာခါစက နေရာလေးမှာပဲ ထိုင်ကာ Aurora ကို ငေးကြည့်နေပါသည်။ သူမကတော့ ညွှန်ကြားတဲ့အတိုင်းတသွေမသိမ်း လိုက်နာကာ ပျော်ပျော်ရွှင်ရွှင် ရှိနေတာ မြင်ရတော့ အနည်းငယ် စိတ်အေးရသည်။

" ဘာတွေ ပြုံးနေတာလဲ, Hannah "

" အော် မန်နေဂျာ John.... Aurora နဲ့ အတူတူရှိနေရမှာ မဟုတ်ဘူးလား "

မန်နေဂျာ John က Hannah ဘေးရှိ ခုံမှာ ဝင်ထိုင်ကာ-

"အွန်း...Aurora က သူအဆင်ပြေပါတယ်...ဂျာကြီးသွားနားပါလို့ပြောလို့လေ "

ဂျာကြီးက သက်ပြင်းတစ်ချက်ချကာ-

"သူက အရွယ်နဲ့မလိုက်အောင် ဒုက္ခတွေတသီကြီး ခံစားခဲ့ရတာ။ လူရော စိတ်ရော ပင်ပန်းရလောက်တဲ့အထိ..."

မန်နေဂျာ John ပြောတာကို သေချာနားစွင့်ကာ-

" ဒီလောက်ထိ ကြံ့ကြံ့ခံနိုင်တာကိုပဲ ကျေးဇူးတင်လှပါပြီ။
ဒီလိုမျိုး ပြုံးပြုံးရွှင်ရွှင်မြင်နေရတော့ စိတ်အေးရပါတယ်။ ပြီးတော့ Hannah မင်းကို ကျေးဇူးတင်ပါတယ် "

"မဟုတ်တာ...."

" တစ်နှစ်ခွဲကျော်အထိ သူမဘေးမှာ တောင်ခံထားနိုင်တဲ့အတွက် ကျေးဇူးတင်ပါတယ် ။ သူက မင်းမတိုင်ခင်က ဘယ်သူနဲ့မှ အဆင်မပြေဘူး ။ အခု မင်းနဲ့မှ... သူပိုပြီး ပျော်ရွှင်လာရသလိုပဲ ။ ကျေးဇူးပါ....နောက်လည်းမင်းနဲ့အတူတူ လက်တွဲလုပ်ချင်ပါတယ် ။ Aurora က နောက်တစ်နှစ်ဆို စာချုပ်သပ်တမ်းပြည့်ပြီ ။ သူဘယ်လိုဆက်လုပ်မလဲတော့ မသိသေးဘူး။ "

" ကျွန်မလည်း Aurora နဲ့အတူတူ အလုပ်ဆက်လုပ်မယ်လို့ စဉ်းစားပြီးသားပါ ။ ကျွန်မလည်း မန်နေဂျာ John ကိုကျေးဇူးတင်ပါတယ်။ "

မန်နေဂျာ John က နွေးထွေးတဲ့ အပြုံးတွေနဲ့ ပြုံးပြသည်။
တအောင့်ကြာတော့ Hannah က Aurora ဆီ ရေဘူးသွားပို့ရန် ထသွားလေသည်။ ရင်ထဲမှာလည်း အမည်မသိတဲ့ ပျော်ရွှင်မှုတွေနဲ့အတူတူ.....

===================================

ရိုက်ကူးရေးတအောင့်နားတော့ Aurora ရေကူးကန်အစပ်နားလေးမှာ ထိုင်ကာ ခြေထောက်ရေစိမ်နေသည်။ Hannah ကို လှမ်းကြည့်တော့လည်း ဂျာကြီးနဲ့စကားတွေပြောနေသည်။ ဒါကြောင့် ရေကူးကန်မှာပဲ ကြာကြာထိုင်နေမိသည်။