Princess's Stylist

New Year Special

Background Music

{ ဒီ New Year Special Chapter လေးက အရင်အပိုင်းတွေနဲ့ ဆက်စပ်မှု မရှိပါဘူး။ Aurora နဲ့ Hannah ရည်းစားဘဝတုန်းက အကြောင်းကိုရေးထားတာပါ။ one shot လို ပုံစံမျိုးလေးပေါ့ }

နံနက်ခင်းအလင်းရောင်တို့ ဖြာကျနေပြီ။ ဌက်ကလေးတွေလည်း မနက်ခင်းသီချင်းတွေကို သီဆိုနေကြပြီ။ မနက်ခင်းနေရောင်စူးစူးတို့ Hannah မျက်နှာပေါ်ကျရောက်လာသောကြောင့် မထချင်ပဲ ထရတော့မည်။ အကြောဆန့်ကာ ထလာသည်နှင့် ဘေးဘီကိုကြည့်တော့ အိမ်မောကျနေလေရဲ့ ကိုယ့်ချစ်သူ။ ချစ်ရသူနှင့် အတူဖြတ်သန်းရတဲ့ နေ့ရက်တွေလောက် ပျော်စရာကောင်းတဲ့အရာမရှိ။

Aurora ရဲ့ နဖူးပေါ်ကို Morning Kiss ပေးလိုက်တော့ နိုးသွားသည်ထင်သည်။ ခန္ဓာကိုယ်တို့ လှုပ်ရှားလာသည်။ နာရီကြည့်မိတော့ မနက်7 နာရီခွဲနေပြီ။ မနေ့ညက နောက်ကျမှ လေယာဉ်ဆိုက်တော့ ဟိုတယ်ရောက်တာလည်း နောက်ကျသည်။ မနိုးတော့ဘဲ ရေမိုးချိုးပြီးကာမှ နိုးလိုက်တော့မည်။

ကျွန်မကောင်မလေးက New Year ကို ပြည်ပမှာ ဖြတ်သန်းချင်တယ်ပြောတာ လွန်ခဲ့တဲ့တစ်လလောက်ကပါ။ သူမက အရမ်းသွားချင်တော့ ကိုယ်လည်းမငြင်းတော့ဘဲ သူမသွားချင်သည့် ဂျပန်ခရီးစဉ်ကို သဘာတူလိုက်သည်။ အရင်တုန်းက ပြည်ပခရီးစဉ်တွေ တူတူသွားဖူးတာမှန်ပေမဲ့လည်း ဒီလို သမီးရည်းစား နှစ်ယောက်တည်း ထွက်ရတာ မဟုတ်ဘဲ အများနဲ့ သွားရတော့ ချိန်းတွေ့တာနှင့်မတူ။ အခုတော့ နှစ်ယောက်တည်း အတူတူထွက်လာရသည်မို့ စိတ်ထဲကတော့ အနည်းငယ် ရင်ခုန်မိသည်။

ရေချိုးပြီးထွက်လာတော့ Aurora မျက်နှာမသစ်သေးဘဲ တီဗီ အစီအစဉ်တွေ ထိုင်ကြည့်နေသည်။ အိပ်ချင်မူးတူး ဖြစ်နေတဲ့မျက်နှာလေးရယ် ၊ ဆံပင်မဖြီးရသေးတာကြောင့် ထိုးထိုးထောင်ထောင်ဖြစ်နေတဲ့ ဆံစလေးတွေရယ်။အားးးးးးးတကယ်ပါပဲ ချစ်ဖို့ကောင်းလိုက်တာ။

ကျွန်မကောင်မလေးကို ငေးလို့မဝသေး။ ဟိုတယ်ဝန်ထမ်းက တံခါးလာခေါက်တော့ ကိုယ်က အင်္ကျီ မဝတ်ရသေးတာကြောင့် Auroraကပဲ တံခါးသွားထဖွင့်သည်။