| هفوات الحياة | ' باللهجة العراقية '

البارت الثالث

#هفوات الحياة
#بقلم : الراوية
#البارت الثالث

بسم الله الرحمن الرحيم ❤

صلوا على النبي ❤

.

زينب..

بقيت مصدومه من كلامه و تمنيت لو اگدر انهزم.. و اجيت ابچي من خوفتي و صدمتي من گال..

- شو انزعي حمامتي شو گبل نمتي

فتحت عيوني على وسعهن و اني احاول استوعب كلامه..شنو حقوقي و شنو حقوقچ..
چنت طفله و ما فاهمه شنو يصير بين الرجال و المرأة..
هو ضحك من شافني بقيت ساكته.. و گال

- دقيقه هسا اجي

حچاها و طلع و اني فزيت من مكاني.. بسرعة لبست حجابي على راسي.. و طلعت عبايه من الكنتور و لبستها.. چنت مقرره ما ابقى دقيقه هنا.. السالفة صارت بيها اشياء منحرفه لو اموت ما ابقى اني وياه بغرفة وحده

لحظات و دخل هو و امي.. الي بس شافتني و اني متحظره حتى اطلع گالت

- هاا زينب بنتي وين تريدين؟؟

- نروح للبيت ما ابقى هنا ويا انسان ما يستحي..

حچيتها و هو طگها ضحكه.. باوعتله و اني اريد ابچي من اتذكر كلامه.. چان گاعد على طرف الچربايه و يضحك.. من شافني اباوعله سكت بس بعده يوزع ابتسامات وراها گال بابتسامه

- ها هي اجت عدله صرت ما استحي

- اي والله ما تستحي.. و اذا هسا ما سكتت اروح اگول ل عمو عليك

اني حچيت هيچ لو انفجر من الضحك و ضرب على گصته بيده

- يا فضيحتنا بين الناس اذا صارت بحلگ ابويه

عگدت حاجبي و اني حسيت بزعل منه..
امي لزمتني من ايدي و سحبتني على جهه.. تنهدت و گالت

- يمه اهدي و لا تنفعلين ترا هو زوجچ

- بس يا ماما هو يگول انزعي

حچيتهت بصوت شوية مرتفع.. و هي گالت بصوت ناصي فاتحه اذاني على وسعهن بس حتى اگدر افتهم منها.. حتى مراد ما يسمع..

- زينب ماما.. هاي الشغله عادي بين الرجال و مرته

- هاا

حچيتها بعدم استيعاب.. و گامت اطمن بيه
و تگول هالشي مباح بين الزوج و زوجته.. و لازم اسمع كلامه و ما اعارضه ب أي شي.. حتلو راد يتقرب مني..

طلعت و تركتني وي مراد.. و اني بعدني حايره و ما فاهمه شي
و هي ما انطتني كل الاجوبة.. و بنفس الوقت خجلانه

باوعت ل مراد الي تقدملي و هو يخلي إيده جوه حنچي رفع راسي و باسني من گصتي و گال

- والله يا زينب انتي دره ثمينه.. تعالي نسولف

راح گعد على الچربايه.. و گعدت بصفة.. لزم ايدي
و گال

- زينب..هسا انتي صرتي مرتي.. ادري بيچ اكو اشياء ما تعرفينها ل صغر سنچ.. بس هسا لازم تعرفينها