| هفوات الحياة | ' باللهجة العراقية '

البارت الحادي عشر

#هفوات الحياة
#بقلم : الراوية
#البارت الحادي عشر

بسم الله الرحمن الرحيم ❤

صلوا على النبي ❤

.

زينب..

نطق كلمته و هو يبتسم..دنگ راسه
و اني تمنيت لو الگاع تنشگ و تبلعني بهاي اللحظه

من صغري اعرف اسامة صاحب لسان و الي بداخله ما يظمه..بس گلت يمكن كبر و تغير
بس شكله بقى هو هو..

استأذنت منهم و طلعت للمطبخ..او بالأحرى شردت من نظراته و هو كل شوية يبتسم و يباوعلي

لحظات بالمطبخ بقيت گاعده و بصراحه متوتره..
دخلت مرت خالي و بدت تحظر بالكيك و اني حظرت العصير..شلت هم بس لا هماتين يذب حچايه بس گلت ما يگدر يحچي اكثر من هيچ لأن گاعدين اهلي
بديت اضيف بيهم..و من صرت قريبه منه تمنيت انهزم

قدمت اله العصير و هو اخذ الگلاص و گال و هو يسوي نفسه مدايباوعلي

- هاا زنيبه مو گلتچ اخذچ ؟

تحركت الصينيه بيدي..و الحمدلله ما ذبيته بحظنه
چان صارت فشله يظل يضحك بيها سنتين ل يگدام

كلش توترت و بنفس الوقت ضجت بس ما بينت هالشي
گعدت بصف امي..و كل ما ارفع راسي و تصير عيني بعينه يغمز و يبتسم..و لهذا بقيت اغلب وقت الگعده مدنگه راسي..
شوية و استأذن خالي و امي و زوجته و اخوه و راحوا گعدوا بغرفة الگعده.. بس قبلها گال ابو محمد اخذوا راحتكم بالكلام و تفاهموا

طگطگت اصابعي و اني اباوع للباب الي شوية مفتوح
و رجعت باوعت اله و هو گال بابتسامة و يأشر بصفة

- تعالي هنا يمي اگعدي

گمت و گعدت بصفة...مو بصفه كلش يعني بيناتنا متر و نص و هو من شاف المسافة گال

- تتقربين لو اتقرب !

- لا لا كلمن يبقى بمكانه

حچيتها بتوتر و هو گال و يرفع تك حاجب

- هاا خوش..اني ضامهن و هاي هماتين اضيفها وياهن..و ان شاء الله اطلعهن منچ وحده وحده

صح توترت من كلامه.. بس ما اگدرت الا ابتسم
و هو من شافني ضحكت ابتسم و گال

- تتذكرين مو ؟

هزيت راسي ب اي و گلت

- اي اتذكر

سكت لحظات و اني باوعتله من كمل كلامه

- انتي تعرفين طبيعة شغلي و وضعي حچه الكم ابو محمد

هزيت راسي و گلت

- اي

تنهد و ورا لحظات گال

- و توافقين بيه ؟

صح چنت متوتره و خايفه..بس ما ادري شلون كلمة موافقه طلعت من عندي
و هو من سمعها ابتسم و گال