| هفوات الحياة | ' باللهجة العراقية '

البارت الرابع

#هفوات الحياة
#بقلم : الراوية
#البارت الرابع

بسم الله الرحمن الرحيم ❤

صلوا على النبي ❤

چان اكو خلل هسا اعدت نشره و كمل البارت
.

وج الشتا بگلبي وصبر ايوب
وبروحي سواجي احزان من يعگوب
والليل و وحشته وفزعت الحسبات
و وشالة عمر وگليب دوم يلوب
ودواليب الليالي تفرني صار سنين
مو بالعدل تفتر بيه بالمگلوب
ومكابري وضحك شفايف الشمات
يعلگني مثل شمعه بصبرها تذوب
لم عمري التطشر خرز سبحة
هذا آنه وهذن ثياب حزني السود
مايوم الفرح حن وجساني بثوب
علي كركد زماني هموم
كل الناس وانه بگلب داوي
وكتر مصيوب شلت شما علي حمل زماني
هموم جن برضاي اشيل الضيم مو مغصوب
ماهمك الهمني ولا حزنت وياي
ترفل بالسعاده وما تهتم فدنوب
ما جرحتك نيبان الدهر فد يوم وانه
جروحي صارن ب الدليل نكوب
وعدك وين يالكتلي الوفه مريود اشو
كل وعد منك طلع من خرنوب

زينب..

كملت العشا و من صار وقت النوم.. كل راحد راح لغرفته..

بقيت ضايجه و كلام عمتي قهرني.. حتى عشا گوه اكلت من ورا سمومها..

انتظرت مراد يحچي و يگول حچيت ويا امي.. بس بقى ساكت و ما ابدا اي ردة فعل..

باوعتله من غير ملابسه و مدد و سحبني ل حظنه.. بس بقيت جامده بمكاني و لا حچيت كلمه..

الصبح چان يوم جمعة.. گعدت و سويت الريوگ
و گعدنا نتريگ.. اندگ الباب و راح فتحه شهاب شوية فات هو و اخته الصغيره.. شلت هم بس شفتها و من سلمت علينا
بوستني بس نظرات عيونها تشع حقد و كره.. نسخة من امها بالضبط..

گعدت ويانا و وياها اطفالها الاثنين.. و گعدت تحچي و تذم بعيالها.. اني سكتت و ما تدخلت

شلت المواعين و غسلتهن.. من كملت دخلت هي و عمتي.. و عمتي صاحت بيه و گالت

- يلا عيوني خفي ايدچ و حظري الغدا

- ان شاء الله عمه

حچيتها و گمت احظر الغدا و اني ساكته
گعدت عمتي و بنتها بالمطبخ و مرة تصيح عليه و مرة تگعد تحچي على فلان و علان

كملت الغدا و خليته على الطباخ.. و فتت للغرفة حتى ارتبها
شوية و دخل مراد.. ما اهتميت و اني بعدني ا حس بالقهر من سالفة البارحه
چنت الم بالملابس الوصخه من اجا و حظني من ورا و گال بصوت ناصي

- زينب شبيچ من البارحه انتي مو على بعضچ

باوعتله بطرف عيني.. و اني اسأل بيني و بين نفسي
يعني بهالسرعة نسيت؟

- ما بيه شي

- لا تگولين علمود سالفة البارحه بخصوص امي؟

- مراد انت شفتها شلون صاحت عليه.. و انت ما حچيت شي