| هفوات الحياة | ' باللهجة العراقية '

البارت الخامس عشر

#هفوات الحياة
#بقلم : الراوية
#البارت الخامس عشر

بسم الله الرحمن الرحيم ❤

صلوا على النبي ❤

.

زينب..

بالليل على العشا ملتمين
باوعت ل موسى رجع طبيعي و گعد يسولف وي ابوه..و كل شوية يگول ماما اريد هالشي..

نومتهم و بقيت لحظات گاعده يمهم و رحت للغرفتي

ثاني يوم چان جمعة ماما اتصلت و گالت تعالوا على الغدا
چان أسامة گاعد بالصالة رحت عليه
و گلت

- أسامة

- ها عمري

حچاها و هو مركز بالتلفزيون على الاخبار

- ماما اتصلت بيه تگول تعالوا على الغدا

التفت عليه و گال بابتسامه

- ميخالف نروح

وراها رجعت اتصلت ب أمي و گلتلها راح نجي
حظرت الاولاد و رحنا لأهلي.. استقبلونا بالباب و فتنا جوه
و اجا حسوني يركض عليه و حظنته و بوسته
و اخذه أسامة و گعده بحظنه و هو يلاعب بي..

و تركتهم و رحت يم امي بالمطبخ اساعد بيها..
چنت اسوي بالزلاطه و التفتت لأمي من گالت

- يمه زنوبة

- ها يمه

- بيچ شي ؟

عگدت حاجبي و گلت

- لا ما بيه..ليش ؟

- لا احس بيج شي ؟مريضه

ضحكت و گلت

- لا ماما مو مريضه

بقت ساكته لحظات قبل لا تگول

- أخاف حامل

حچت هيچ و اني بقيت اباوعلها و ساكته..ما عرفت شنو اجاوبها
لأن ما منتبه لهل الشي..بس فكرة انو اني حامل فرحتني..بس من تذكرت الي صار بيه من ولدت حسين شويو خفت

- ما اعرف ماما..

-  باچر سب ماكو عيادات الأحد اخذچ و نسوي تحاليل زين الشهريه غابت ؟

حكيت طارف حاجبي و گلت

- اي

ابتسمت و گالت

- ان شاء الله حامل..و الأحد نتأكد

هزيت راسي ب اي و اني كملت شغلي وياها..
صبينا الغدا و اجتمعنا كلنا حول السفرة..
و خليت حسوني بحظني و اطعم بي و فرحانه

من اجينا نروح گال اسامة خلي ناخذه ويانا حسوني يبات
ما گلت لا و الأطفال فرحوا لأن يلعبون و يتونسون وياه..

غيرت اله ملابسه و شلت اله تبديله و سلمنا و رجعنا للبيت..

چانت الساعة بال3 تقريباً خليتهم بالصالة يلعبون و شغلت الهم التلفزيون
و رحت للغرفة..چان أسامة طالع من الحمام و ينشف بشعره يريد ينام
باوعلي و گال