| هفوات الحياة | ' باللهجة العراقية '

البارت الواحد و العشرون

#هفوات الحياة
#بقلم : الراوية
#البارت الواحد و العشرون

بسم الله الرحمن الرحيم ❤

صلوا على النبي ❤

.

زينب..

ثاني يوم رحت لأهلي..و أسامة اخذ الاولاد لـ بيت اوس
من وصلت لأهلي ما چان ابوية و حسوني بالبيت
من سألت امي گالت اخذه للحلاق

وگفت اني وياهتدا بالمطبخ و مصطفى و سارة يمنا..
چنت اغسل بالمخضر حتى نسوي دولمة..اغسل على السنگ و ما ادري بنفسي من صفنت

حسيت على ايد والدتي و هي تگول

- زنوبة وين صافنة ؟

التفتت عليها و گلت بتنهيده

- ما بيه شي ماما بس دافكر

- خوما صاير شي ؟

تنهدت و باوعتلها و گلت الها سبب شرودي

- البارحة اجا صديق أسامة من أيام الكلية

- اي ؟

حثتني حتى احچي..و اني بقيت لحظات ساكته
و گمت اسولفلها كلشي صار..الصدمة چانت واضحه على ملامحها و هي تسمع الي داگوله
كملت كلامي و اني اختمه بـ

- كلامه لحد هسا ما راح من بالي..
كلش خوفني

بلوعتلها سكتت كتفت أيديها لصدرها و گالت

- ما ادري والله..بس
بس انتي متأكده انطاچ موصفات نسوان عمامچ

- ماما والله مواصفاتهن..شبيه ما اعرفهن

انفتح باب البيت الخارجي دخل بابا و وياه حسوني
التفتت ل ماما الي گالت

- لا تحچين هالشي گدام ابوچ..بعدين نكمل حچينا

هزيت راسي بـ اي
انداريت للباب و رحت تلگيت بابا سلمت عليه و دنگت ل حسوني و حظنته و أني امسح على خده و گلت بضحكة

- يمه عمري نعيماً..

وراها فتنا جوه.. اخذته للحمام و سبحته و بدلت اله بالغرفة
چنت البسه بملابسه و اباوعله و بلحظات تذكرت من ولدته و اغلب ذكرياتي بيت عمي ابو مراد.. شلون اول ما جبته مراد ما يخليه بحظنه
و عمتي تحچي و ما تريده و لا عبالك ابن ابنها..
بسته من راسه و طلعنا من الغرفة
كملت الغدا وي امي و ما گدرنا نكمل كلامنا لأن بابا قرر يجي و يگعد يمنا بالمطبخ يگول مشتاق الچ و لسوالفچ

كملنا الغدا و تغدينا و العصر اجا أسامة اخذني
سلم على اهلي و طلعنا و من وصلنا يم بيتنا بس قبلها رجنا لبيت اوس اخذنا موسى و اخوانه..

طبگ السيارة عند الباب و گال

- اني راح اروح للسوگ محتاجين شي

چنت شايلة ابني مصطفى بحظني و لزمت ايد سارة و نزلتها

- اي عمري ادزهن الك برسالة