Unicode
ရှန်းအယ်မှာ မိုးတွေသဲကြီးမဲကြီးရွာချနေတယ်။
ကွင်းပြင်ထဲမှာရွံ့အိုင်တွေတောင် ပေါ်ကုန်ပြီ။ရာသီဥတုကလဲ ဖောက်လွဲဖောက်ပြန်...
ဆိုပေမယ့်လို့ ရိပေါ်ရဲ့ ရာသီဥတုကတော့ကိုကို့အပေါ်မူတည်တယ်။
ကိုကို့ဆီက မျက်စောင်းလေးတောင်မရတဲ့နေ့ တစ်ရက်တာလုံးအုံ့ဆိုင်းနေလို့..
ကိုကိုပြုံးပြသွားတဲ့နေ့ဆို နွေဉီးရာသီလေးလို အရာရာက လှပနေလို့....။
နေ့တိုင်းစက်ချုပ်ခန်းထဲ logoထိုင်တပ်နေရတာပျင်းလာပြီမို့ တခြားအခန်းဘက်သွားကာ စပ်စုလိုက်တယ်။
"ကော ငါ ၅ထည်တပ်ဖို့ ကျန်သေးတယ်၊ တပ်ထားပေး၊ ဟိုဘက်သွားကြည့်လိုက်ဦးမယ်။ "
စက်ချုပ်ခန်းရဲ့ ဘယ်ဘက်မှာ handmadeပစ္စည်းလေးတွေလုပ်တဲ့အခန်းရှိတယ်။
လက်ပတ်လေးတွေ၊ ဆွဲကြိုးလေးတွေ၊ postcardလေးတွေ မျိူးစုံပဲ။
တံခါးခေါက်ကာ ဝင်သွားလိုက်ပြီး သင်ပေးနေတဲ့ဆရာကိုနှုတ်ဆက်လိုက်တယ်။
"၂၀၃၅က ဒီအခန်းမဟုတ်ဘူးမလား.."
"ဟုတ်ကဲ့ ၊ ဟိုလေ ဆရာ ကျွန်တော်ရောဒီမှာသင်လို့ရမလားဟင်.."
"ဟေ ရတာက ရပါတယ်၊ မင်းချုပ်ရမယ့်အထည်တွေေရော ပြည့်ရဲ့လား။ "
"ပြည့်ပါတယ်၊ ကျွန်တော်တစ်ခါတစ်လေမှ လာသင်ပါ့မယ်"
"ကောင်းပြီ၊ လာလေ ဘာသင်ချင်လဲ..."
ရိပေါ် လျှောက်ကြည့်လိုက်ပြီးနောက် ပို့စကတ်လုပ်တာလေးကို စိတ်ဝင်စားသွားတယ်။
"ပို့စကတ်လုပ်တာ သင်ချင်တယ်ဆရာ။ "
"လာထိုင် သား "
ဆရာက ပစ္စည်းအချိူ့ကိုသယ်လာပြီး ရိပေါ်ဘေးဝင်ထိုင်တယ်။
"ပို့စကတ်လုပ်ပြီးရင် ပေးချင်တဲ့သူရှိလား။"
ရိပေါ်ဦးနှောက်ထဲဝင်လာတဲ့ ပထမဆုံးသူက ကိုကိုပဲ..
ကိုကို့ကိုပေးချင်တယ်။
"ရှိတယ် ဆရာ..."
"ဒါဆို သူအကြာင်းစဉ်းစားပြီး သူ့နဲ့လိုက်မယ့်အရောင်တွေရွေးလိုက်"
