Unicode
"၂၀၃၅ စခန်းမှူးကရုံးခန်းထဲ လာခိုင်းတယ်။ "
"ဟုတ်ကဲ့။ "
ဖန်းရှင်းကောနဲ့အတူ အားကစားလုပ်နေတုန်း အစောင့်ရဲတစ်ယောက်ကလာခေါ်တာမို့ ချွေးသုတ်ပြီး ကိုကို့ရုံးခန်းဆီ သုတ်ခြေတင်ရပါတယ်။
"ဒေါက် ဒေါက် "
"ဝင်ခဲ့ပါ၊ "
ရိပေါ်ဝင်သွားတဲ့အခါ Jumpsuitဝတ်ထားတဲ့ကိုကိုက ဆက်တီခုံတွင်ထိုင်နေလေရဲ့။
တီရှပ်နဲ့ဘောင်းဘီကို ရိပေါ်လက်ထဲထည့်ပေးပြီး
"သန့်စင်ခန်းရှိတယ် ဝင်လဲလိုက်။ "
တီရှပ်အမဲနဲ့ဂျင်းဘောင်းဘီက ရိပေါ်နဲ့အံခွင်ဝင်ကျ၊
ဘောင်းဘီဆိုခါးဆိုဒ်ကအစ ကွက်တိ။
"ငါနဲ့အပြင်ထွက်မယ် "
"ဟုတ် "
စခန်းက ယုံကြည်ရတဲ့ကလေးအချိူ့ကို လိုအပ်ရင်စခန်းအပြင်ခေါ်ခွင့်ရှိတယ်။ရိပေါ်အရှေ့မှာလဲ အပြင်ခေါ်သွားတဲ့ကလေးတွေရှိပါတယ်။
ခုကလှည့်ကတော့ ရိပေါ်ပေါ့။
"စခန်းကနေ ဌာနပြောင်းရမယ့်ဝန်ထမ်းရှိတယ်။
သူ့အတွက် နှုတ်ဆက်ပါတီလုပ်ပေးဖို့ ဝယ်စရာရှိတာဝယ်ရမယ်။ "
ရိပေါ်ကတော့ စတီယာရင်ကိုကျွမ်းကျွမ်းကျင်ကျင်လှည့်နေတဲ့ ကိုကို့ကိုပဲ ငေးနေမိတယ်။ အညိုနုရောင်ဝတ်ထားရှောင်းကျန့်ပုံစံက ခန့်ညားသန့်ပြန့်နေရော။
ရှန်းအယ်ကနေ မြို့ထဲထိမောင်းလာကြပြီး စူပါမားကတ်တစ်ခုအရှေ့ ကားပါကင်ထိုးတယ်။
တွန်းလှည်းလေးဆွဲကာ ကိုကို့နောက်က လိုက်လာရပါတယ်။ ရိပေါ်ဘဝမှာတော့ ဒီအလုပ်တွေလုပ်ရတာပထမဆုံးပဲ။
ကိုကိုက လိုအပ်တာတွေတစ်ခုပြီးတစ်ခု တွန်းလှည်းထဲ ထည့်တယ်။
နာရီဝက်လောက် ပြဲပြဲစင်အောင်ပတ်ပြီးနောက် ငွေရှင်းကာ ထွက်လာခဲ့ကြတယ်။
"ကော်ဖီသောက်မလား ရိပေါ်၊ "
"အမ် "
တကယ်တော့ ရိပေါ်က ကော်ဖီမသောက်၊ ဒါပေမယ့် ကိုကို့ပုံစံက အပြင်မှာအချိန်ကုန်ချင်တဲ့ပုံမို့ ခေါင်းငြိမ့်ပြလိုက်တယ်။
