Unicode
ရိပေါ်က ရှောင်းကျန့်ကို လိုက်ပိုးပန်းနေသူလေးဖြစ်နေရပါတယ်။အသက်၃၀လူပျိူကြီးက ရည်းစားစကားအပြောခံရပြီးနောက်ပိုင်း ရှက်ရှက်နဲ့မသိချင်ယောင်ဆောင်နေပါသတဲ့။
ရိပေါ်မှာတော့ ရှောင်းကျန့်သတိထားမိအောင်အမျိူးမျိူးကြိုးစားနေရရှာတယ်။
တစ်ခါက ဖန်းရှင်းကိုဆွဲထိုးလိုက်လို့ ညနေပိုင်းတစ်ပိုင်းလုံးမြက်ထိုင်နှုတ်လိုက်ရသေးတယ်။
ပါးတစ်ဖက်ယောင်ကိုင်းသွားတဲ့ဖန်းရှင်းကိုတော့ အပြင်ရောက်ရင် ကားတစ်စီးဝယ်ပေးပါ့မယ် ဆိုပြီး
လာဘ်ထိုးထားလိုက်ရတာ။
မြက်နှုတ်တုန်းကဆို ကိုကိုကအနားကိုမလာပေမယ့်အဝေးကနေတစ်ညနေခင်းလုံး လှမ်းကြည့်နေတာကို သူသိပါတယ်။ကိုကိုက သူ့အပေါ်စိတ်ရှိတယ်ဆိုတာလဲ သိတယ်။
သူ့ကိုဂရုစိုက်ပေးတာတွေက တခြားကလေးထက်ပိုတယ်ဆိုတာ သိပြီးသားပဲ၊လူပျိူသိုးကြီးက ရှက်လို့မူနေတာ။
ချစ်ခြင်းမေတ္တာတွေအကြောင်း တွေးမိတဲ့အခါ
ကိုကို့မျက်နှာလေးပဲ မြင်ယောင်တယ်။
ရိပေါ် ဒီနေရာက ထွက်မသွားချင်တဲ့တစ်ခုတည်းသောအကြောင်းပြချက်က ကိုကိုပဲ။
"အားရီ! ကျွန်တော့်အိမ်က ပို့ပေးတာတွေ ကျန်သေးလား"
"ကျန်သေးတယ် ရိပေါ်လေး "
"ဒါဆို ဒီနေ့မွေးနေ့ရှိတဲ့ ကလေးတွေကိုထည့်ပေးလိုက်နော် အားရီ"
"ဟုတ်ပါပြီရှင်"
ထမင်းစားဆောင်က အဒေါ်ကြီးတွေနဲ့ပါ ရိပေါ်ကအဆင်ပြေအောင်နေတတ်လာတယ်။
ဒီစခန်းကလူတွေက သူ့အတွက်တော့ မိသားစုလိုပဲ၊
ရိပေါ်မျက်နှာမကောင်းတာအစ သတိထားမိပြီး ဂရုစိုက်ပေးတတ်တာ။ အိမ်မှာနေတုန်းကမရခဲ့တဲ့ မေတ္တာတွေက ဒီမှာတော့ဖောဖောသီသီ။
"မွေးနေ့ဆိုမှ သတိရတယ်။၅ရက်နေ့ကျ စခန်းမှူးမွေးနေ့နော်။ "
"ဗျာ!! ကိုကို..အဲ စခန်းမှူးရှောင်းကျန့်မွေးနေ့လား"
"ဟုတ်တယ်လေ "
"အားရီ အားရီ!!! အဲ့တာဆိုရင်လေ မွေးနေ့မှာဘာတွေလုပ်တတ်ကြလဲ၊ ကိတ်ပဲခွဲတာလား"
