Unicode
ရိပေါ် ကျောင်းပြန်တက်ပြီဆိုတာနဲ့ ပို့စကတ်လေးတွေြပန်ရောက်လာတော့တယ်။
ရှောင်းကျန့်လဲ ရာထူးမြင့်တဲ့အလျောက်အလုပ်တွေက အဆမတန်ပိုများလာတယ်။အသက်ရှုချိန်မရလောက်အောင် ဇယ်ဆက်သလိုလုပ်နေရတာဖြစ်သည်။
"ဆရာ ဆေးခြောက်ခိုးသွင်းတဲ့အမှုလေ"
"အေး အဲ့တာဘာထူးလဲ "
"ခြေရာခံလို့ရပြီပြောတယ်၊ လိပ်စာပို့ပေးထားတယ်။ "
"လိုက်ကြရအောင်၊ "
"ဆရာ အဲ့တာစုံထောက်တွေ လိုက်မှာလေ၊ ဆရာ!!! "
"စုံထောက်ဟွမ်း တားလို့မပြီးခင်မှာပဲ၊ ရှောင်းကျန့်ကပြေးထွက်သွားပြီဖြစ်တယ်။ "
"ဒီနေရာ သေချာလား "
"ဟုတ် လိပ်စာအရတော့ ဒီဂိုဒေါင်ပဲ ဆရာ "
ကားပေါ်ကနေ အခြေအနေကိုလှမ်းရှိုးနေတာ နှစ်နာရီလောက်ရှိတော့မယ်။ လူအသွားအလာမရှိသေးတာမို့ နည်းနည်းတော့စိတ်ပူစပြုလာသည်။
ပြောလို့ရတာမဟုတ်၊ ဒီဂိုဒေါင်ကိုလိမ်ဆင်ပြထားပြီး တခြားနေရာမှာ နေနေကြတာလဲဖြစ်နိုင်သည်။
နောက်နာရီဝက်လောက်ကြာအပြီးမှာတော့ ဂိုဒေါင်ဆီ လူအဝင်အထွက်ရှိလာသည်။ စုံထောက်ဟွမ်းက လူတိုင်းကိုဓာတ်ပုံရိုက်ယူထားပြီး သက်သေဖြစ်လောက်မယ့် အရာတွေကိုစုဆောင်းလို့ ရုံးခန်းဆီပြန်လာခဲ့ကြတယ်။
အမှုပေါင်းမြောက်များစွာကြောင့် ခေါင်းတွေကိုက်ခဲနေတာမို့ ဆိုဖာပေါ်ခေါင်းကိုလှန်ချပြီး အနားယူနေလိုက်သည်။ဒီအချိန်လောက်ဆို ရိပေါ်တို့ သေနတ်ပစ်လေ့ကျင့်ရေးဆင်းနေလောက်ပြီ။
အချိန်တွေက တရွေ့ရွေ့နဲ့ပဲ ကုန်ဆုံးတယ်။ ရိပေါ်ဆီက ပို့စကတ်တွေရောက်လာနေတုန်း။
'Mukaramiကပြောတာ 'ခဏတာဟာ အလျားအနံတိုင်းတာလို့မရတဲ့ စကားစုပဲ။ အနည်းဆုံးတော့ စောင့်နေတဲ့သူအတွက်ပေါ့' တဲ့။
အားနာပေမဲ့ ဒီခဏတာပြီးရင် ကိုကို့ဘေးနားကျွန်တော်က သံသရာတစ်လျှောက်ရှိနေမှာမို့...♥️。'
🔹🔹🔹
ရုံးခန်းငယ်လေးထဲ လက်ဖက်ရည်နှစ်ခွက်နဲ့အတူ လူနှစ်ယောက်၊ လေထုက အေးစက်စက်။
YAMAHAရဲ့ ဥက္ကဌက အမှုစစ်ရဲ့ရုံးခန်းဆီအလည်ရောက်နေခဲ့သည်။
