TAK'ADDAMA

44

💔 *TAK'ADDAMA....* 💔

*HASKE WRITERS ASSOCIATION*
( *Home of expert and perfect writers)*💡

   *SLIMZY✍🏼*
_Wattpad@slimzy33_

                   *44*

Rukota sosai momy tayi tana girgizata sosai cikin tsananin tashin hankali take kiran sunan hanan din wadda take kuka tana nuna jikin kofa..."hanan wai menene haka kikeyi?kinaso ki janyowa kanki wata masifar ki dorawa kanki mekikeso kice a cikin daren nan?ko kinaso kice janan tanayi miki fatalwa ne yau kadai da mutuwarta?to bari kiji infada miki idan kinason janan soyayya ta gaskiya to kibar janan ta kwanta a kabarinta lafiya kinji na fada miki"

Kuka sosai hanan takeyi mai ciwo ta runtse idanuwanta sababbin hawaye na gudu a fuskarta tana kada kanta momy na rike da ita dakyar ta hadiyi wani miyau mai daci ta furta a hankali "momy wallahi janan nake gani janan ce ta shigo dakin nan harta zauna a kusa dani janan ce na gani sanyi da fararen kaya gashinta barbaje a bayanta momy wallahi ba karya nakeyi ba yanzun ta fita"ta cigaba da kuka

Girgiza kai momy tayi ta daga kai ta dubi agogo karfe uku saura minti biyu na dare ta sauke ajiyar zuciya cikin sigar lallashi ta rungume hanan a jikinta ta shiga bubbuga mata baya "kiyi shiru Hanan ba janan kike gani ba janan gizo takeyi miki babu wani dan adam da zai mutu ya dawo wanan duniyar,wanda ya mutu ya mutu hanan kinji kuma babu fatalwa a musulunci kinji kiyi mata addua allah ubangiji yayi mata rahma ya karbi shahadarta kinji?ki share hawayenki kinji hanan"gyada mata kai hanan tayi ta kwantar da kanta jikin momy tana sauke ajiyar zuciya momy ta rinka tofa mata ayatul kursiyyu da su fakaqi da nasi sauke ajiyar zuciya tai tayi har bacci mai nauyi yayi gaba da ita"...girgiza kai momy tayi cike da tausayin hanan din wadda kallo daya zakai mata kasan cewa baccin wahala takeyi ga fuskarta da tai fayau...

********
  Har wajen karfe tara hilal ko daga kansa ya kasa saida ya ga hasken Rana ya haske dakin da yake kwance ga kirjinsa da yayi masa nauyi gefe daya Babu abinda zai iya tunawa banda abinda ya gani cikin daren jiya wato janan da fararen Kaya,shin dagaskene koko karya ne?shin fatalwa janan ta somayi masa ko menene? innalillahi wa innah ilaihi rajiun shine abinda ya furta a fili gumi na tsatsafo masa a jikinsa dakyar ya yunkura ya mike hade da salatin annabi a bakinsa yana ambatar sunayen allah ya mike tsaye jiri na neman yaddashi saboda yunwar da yakeji ga damuwar dake cunkushe a zuciyarsa ya fada toilet yayi wanka ya dauro alwalar sallar asuba da bai samu yayi ba ya canja kaya zuwa wata shadda fara ya shimfida daddumar sallah ya fuskanci gabas,

Ya dade zaune akan dadduma yana adduoi sanan ya Mike ya fito parlorn tsayawa yayi cakkk yana waige waige ko zai ganta cikin sashinsa kamar yadda ya saba ko wani safiya,ya waiga ya kalli dining table babukomi wajen inda janan tana raye yasan yau da take da girki kafin ya fito ta jere dining table din sa da kayan breakfast ,girgiza kansa yayi zuciyarsa nayi masa tsananin zafi da kuna ya daga kansa ya kalli babban hotonsu dake makale a sama shida ita da hanan wanda suka dauka tare bayan sun daidaita janan tayi mugun kyau a hoton idanuwanta farare tasss kamar madara haka hakoran bakinta reras farare tayi dariya...wasu zafafan hawaye ne suka sulalo masa a fuskarsa yasa hannu ya share dakyar ya tako kafarsa ya fito ya rufe sashinsa ya nufi parking lot ya shiga motarsa ya tada da niyyar fara zuwa asibiti kafin ya tafi wajen zaman makokin yanada bukatar ganin hanan ya lallasheta dikda yasan shida ita basa cikin natsuwa..

  Dakyar yasamu kan hanan ya lallasheta amma bawai ta daina kukan da takeyi bane haka ya barta ya nufi gidan gaisuwa...

********
*Bayan kwana bakwai*..

A daddafe akai kwana bakwai da rasuwar janan mutuwar da ta girgiza ilahirin jamaar dake family din abbah mai dala kowa ya shiga tashin hankali musamman hanan wadda ta rame tayi bakin kirin ....bayan anyi addua da yamma alhaji abbah ya bada umarnin a raka hanan gidanta tare da me aiki dattijuwa da aka samar mata ga kuma afnan da meenah wadanda alhaji abbah yasa su koma gidanta da zama zuwa wani lokaci...

  Zaune take a parlor tayi shiru Tana kallon hotonsu itada janan dake manne a parlorn hannunta rike da janan karama wadda ke shan nono tana bacci yayi sallama cikin parlorn,
Zagayowa yayi gefen kujerar da take zaune ya zauna gefenta ya daga kansa sama ya kalli hoton na seconds talatin sanan ya sunkuyar da kansa ya furzar da iska mai zafi a wahale ya kira sunanta "hanan"...batare da ta kallesa ba ta cigaba da kallon hoton ta amsa cikin wata irin murya a sanyaye "naam abban janan"

"Kiyi hakuri ki dainawa janan kuka domin kukan naki babu abinda zai kara mata,adduarki itace kawai zata nuna kina Sonta kina kaunarta hanneee... dik abinda kikeji dangane da janan ina jinsa inajin mafiyin Wanda kikeji banson inason janan ba sai da naga ana watsa mata kasa bayan ansata a kabari a lokacin hankalina ya tashi na tabbatar da cewar na rasa janan munrasa janan rashi na harabada saidai muyi hakuri kinji?"ya kura mata ido yana kallon yadda take kallon hoton janan hawaye na gudu a fuskarta,

  Ajiyar zuciya ta sauke hade da Jan hancinta ta dubeshi tana fuskantarsa hawaye shabe shabe akan fuskarta "ya hilal harabada bazan taba Daina kukan rashin janan ba rashin janan tamkar rasa wani jigo ne na rayuwata zucuyata bazata iya mancewa da rashin yar uwataba ina kewarta ina mararinta nayi danasanin abubuwan dana aikata akanta kaicona kaicona dana kasance meson kaina"ta fashe da kuka mai ban tausayi zuciyarta na cigaba dayi mata kuna...janyota yayi ta fada jikinsa ya rungumeta sosai yana shafa kanta a hankaki yana bubbuga bayanta ya sako da kansa saitin kunnensa yana hura mata iska a kunne tai lamo a jikinsa tana sauke numfashi shi kansa Yana lallashinta ne yana hawaye da ido daya.....

*SLIMZY✍🏻*