عمياء القاسي(تتمة)

الجزء214

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي

حلات فمهاا بصدمة مع دمعه ناازلة من عيونها .. لكن صدمتها مكانتش اقل من صدمة عبد الله لوااقف ورااهم شاد بيدو فالحيط وبانكساار حال فمو من هوول الكلام لسمع ...  تبسم نزار باستفزاز مرااقب قاسيم وجهها المصدوومة وهي كتشوفيه ثارة وثارة اخرى فشدى اللي  فهد اللحظة لعنات راسها كونها عمياء ومقادرة تشوف والو .. ابتسامة نزار وحتى كلامو كاانو كردة فعل على جفائها معاه وعلى كلامها القاسي بصح قسات عليه لكن هو بدورو قسى على شدى ومعبرش مشاعرها نسا انو الى قارنتي ضرر هد الخبر عليهم بزوج شدى اكثر وحدة غاتضرر لمياء كانت بنت عبد المجيد وغااتبقا اما  شدى فكانت بنت عبد الله وفرمشة عين ولات بنت الراجل ليكخطط يقتلها .. انهارت قواها مع دمعتها وتسندات علييه قبل ميختل توازنها باش تزييد فبكاها فور ما حساات بيه كااين  .. حساات واحساسها مخيبهاش تقدم عبد الله وضار نزار بصدمة فور ما لمحو وحنحن كيلعن حظو مجا فين يتكلم عبد الله حتى دخلات شادية تاهي وهناا  كملاات  ..

عبد الله تلفت لهاا باقا الصدمه معتالية تقاسيم وجهو : هداا اش كيقوول  ؟؟   

شاافهاا كتبكي وهي كتشوف فلمياء وخرج عينيه كيغوت : شاااااااادية هضررررررري

تهزات شدى بالخلعة من نبرة صوتو اول مرة دك لانسان المهدن المرزن كيغوت هكااك .. حولات شادية عينيها عندو وزادت فبكاها رجعات شافت فنزار بعتااب كتبكي  : هئ هئ  كللاامو صحييح هئ هئ  وولكن هئ هئ خليني نشرررح لييك هئ

حاولات تقرب منو حتى وقفها بيدو كيهحرك راسو بالتفي :  بعدددي بعدددي وييااك تقرربي مني ( غوت باعلى صوتو )  علااااااااش علااااااش

لمياء مراقبة الوضع بسكوون متبعااهم ومع غوت هضرات بدون مبالاة  : ممكن تفكووني وكملوا نقاشكم ديك الساعة ؟؟؟؟ 

تلفتات لها شادية وضحكات فهد اللحظة نساات عبد الله ونسات لواقع بل نسات راسها وهي غاديا عندهاا تحدرات على ركابيها كتحل ليها رجليها بينما نزار متبعهم بحواجب منقضة محول عينو لشدى لبعدات منو للان سااكتة كتسناا تفسيرر لهد الخبر لطلق لهم ورجع لور كأنو مدار والو ..

هزات شادية عينيها فلمياء كتبكي وتبتسم وهي كتشوفيها بصح هي وشدى توأم غير متطابق لكن كاين لمعنى وكاين الشبه من نظرة وحدة لهم تعرفيهم خواتات بحنيين مسحات دمعتها

ماده يديها لخد لمياء كتمسحو بحنان من الوسخ والعرق  ..

شادية :ب بننتي   هئ هئ زهرة بنتي 

بدون مبالاة وقفت لمياء كتحيد لقنبة لبقات لاسقة فرجليها بعدما فكاتهااا وهي تهز راسها بغرور :  لمياء لمياء سميتي وماما انا ميتة  ..

وقفات شادية بخووف كتنفي كلامها : اهئ اهئ لا لاا هى انا حية انا مماك هئ انااا ابنتي هئ هو خدااك مني بزز هئ هئ هو هووو داك الشييطان هئ ..

قربات من شدى وجراتها من كتفهااا :هااادي هى ختتك هدي ختتك  هي تويمية تاعك ختتك هدي واناا ممااك   ..

تبسم نزار باستفزاز وقاطعهم  : والعمدة باباكم  ..

ويااا ويلتااه على كلامو لدخل سهم كيألم مباشرة فقلب داك الاب عفواا لكان يظن انو اب  .. بصووت غاضب قاطعهم كيشووف فشاادية :  فهمييييني (غوت) غاااادي نحماالق فهميني اش واااقع  اش كيقوول هدااا (شاف فنزار)  وشكوون هدي (على لمياء)