عمياء القاسي(تتمة)

الجزء215

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي

ربع نزار يديه هاز حاجبو بافتخاار وكأنو دار انجاز غرضو يكسر لمياء كيف كسراتو ناسي انو بفعلو هدا راه كيكسر ناس خرين من غيرهاا ، بينما شادية تقدمات عندو كتفرك صباعها بتوتر كانت لمياء مقابلة مع شدى لكتمسح دموعها بكفها وهي كطلع وتنزل فيها متنكرش انو عينيهاا كيجروها فحال مغناطيس تبقاا غي حاضياها  ربعاات يديها مقابلاها ما ان لمحات لعصا بين يديها وهي تبسم عرفاتها عمياء ... تبع نزار حركاتها هدو وبلما يحس قرب معنق شدى جنب وهي تعض فشفايفها ورجعات كتشوف فشادية لسكتات كتنخصص .. هي الثاانية كتسنا تفسير لهدشي لواقع وخاا دايرة راسهاا مهامهاش ..

بعدات شدى من نزار وغوتات فوجهو : طلللق مني 

رجع عبد الله غوت : هضرررررري كنتسنااااا

شدى تبعات مصدر صوتو وتمشات عندو : بابا هئ هئ تهدن

عبد الله غير سمع صوتها وما ان حطات يديها عليه كتقلب نطر يدو منهااا بدون وعي الشي لجرحها وبكااها 

عبد الله  : فهميييييني (كيشوف فشادية )

شادية :   مدرت والو وربي شاهد علياا عمري خنتك ولا حتى فكرت فيها هئ هئ هئ انااا هئ انااا اناا هئ

قاطعها بصووت عالي حتى قفزها : كنسمعععععع

شادية : هئ هئ  مدررت والو هى هو هو تعداا علياا هئ هئ هوو شييطاان هئ هئ هئ

زير على يدو وتنفس بجهد : شكوووون  ..

شادية : ولد عمي هئ هئ عبد المجيد هئ هئ

حل نزار فمو بصدمه وهز حاجبو هي مقالتش ليه انها من عائلتو ربع يدو كيسمع بينماا شدى رجعات زوج  خطوات لور قرييبة لباب  كتسمع لها وتبكي واكثر حاجه بكاتها الدفعة لي دفع عبد الله يديهاا  ..

شادية : هئ هئ استغل غياابك وترجل علياا هئ هئ  هو حقد عليا حيث هربت معك هئ هئ وقع لوقع وحملت هئ هئ (طاحت على لارض كتبكي ) تيق بيااا حاولت نطيحهم غي على قبلك ولكن هئ هئ هما تشبتو بهاد الحياة هئ هئ الكلب عررف بلي حااملة منو هئ هئ كل مرة كيجي يهددني غادي ياخدهم كل هئ هئ مرة هئ هئ كل مرة .. كيهددني بيك هئ وبيوسف هئ هئ ونتاا كنتي فالعسكر كنتي بعيد علياا مكااين ليحميني منوو هئ هئ (حطات وجهها بين يديها ) ومني ولدت ومكنتيش خدااا ليااا زهرة هئ هئ وهددني غادي يااخد حتى شدى هئ هئ الى مسكتش وعطيتها لو هئ وهددني غادي يعاود لك كلشي هى هئ وهو بمعارفو زور لوراق هئ هئ وخداا بنت ميته من دك السبيطاار ودارها بنتنا هئ وداا بنتي هئ هئ هووو سررقها مني هئ هئ ودبااا نااوي يسرق مني  حتى شدى هئ لفررق ان فالماضي سرق زهرة وربااها ودباا ناوي يسرق شدى ويقتلها  (كتبكي بجهد) اهى اهى يااربي اش هد العقاااب يااااررربيي متختابرنييييش فبنااتي 

حك نزار لحيتو وغي حس براسو غادي يتاثر وهو يقرب منها كينوضها حتى بدات تضربو لصدرو : هى هى نتااااا غداااار هئ نتااااا قتااااال هى هئ دعيييتك الله ليرزييك  فااعز ماعندك فهد النهار  هى هئ

مع هي كضرب هو مخنزر كينوض فيهاا حتى تنطراات منو و واقفاا فمواجهة تلاته دلاشخاص كاايعنيو لها بزااف فهد الدنيا ،

لمياء لكانت كتشوف ببرود .. بنظرة غامضة متعرفيش شنو تحت راسها .. عبد الله لكاان واقف بصدمة .. هدا بصح نهار الصدمات على مايبدو .. مزاال كلامها كيتردد فوذنو ، اذن هو تقاس فعرضو وشرفو لا ورباا بنت الحراام وقاليهاا بنتي ؟؟

مع هد الفكرة جات فبالو مع نطقها لساانو  ..

عبد الله : دااابااا انااا ربييت بنت جات بالعفيس على شرفي ؟؟؟ اناااا ربييت بنت الحراام ؟؟؟؟

ومع هد الكلمه مع انهاارت قوااهااا مع نزلات دمعه من عينيهاا وهي كتشهق  .. شحال خايب تعيش فوهم ؟؟

شحال هو خايب تعيش فسراب نهار تفيق منو تتلقا اكبر صفعه واكبر شمته  .. هد الكلمة فيضات لكاس لكان عامر وجهد صبر يصبر حتى يضبر  ، انسااحباات من تمااك كتبكي فالظلام والقهرة والحزن والحرماان وهاهو اليووم النكراان واليتم  بدات طالعا فالدروح كاتزحف مخلياا عصاتها تمااك .. وطالعا برجليها ويديها وشعرها مغطي وجههااا .. غرضها تهرب غرضها تتخبى غرضهاا تنقص الهم على قلبها البريء