عمياء القاسي(تتمة)

الجزء205

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي

قرب منها بمكر ورجع حط فمو على فمها ونزل يدو فوق فخدها
صقر : نتي مفيدة لياا فجميع الحالات بب
صرطات رييقهاا بخوف وبغل شاافت فييه ، وهي كتفكر فهد الفعل لغادير جاكلين وكطلب من الله باش تتراجع عليه ..
تبسمات بمكر ومصات شفايفها مخليااه جامع ابتسامتو فور ما شافها كضحك وهي فوضع يبكي ..
فردوس : كاتبقاا فياا فراسك .. هه كدعي القوة ونتاا مفيديكش ناوي تقتل مرات نزار سير لها برجليك لاش كتستغل النسا لهد الدرجة راك خايف من نزار
زمجر بقسوة كببييرة وزير على شعرها
صقر : متختبرريييش صبررري كااتفهمي والا وبيميني حتى نخلييك فهد الظلاام حتى ديري عقللك ..
تبسم مين شاف لخوف فعيونها واستأنف كلامو ..
صقر : صقر مكيخاافش .. كااين فرق بين اني نهجم عليه ونخلي لقراب ليه يهجمو عليه .. كيبقاا طعم الخدلان اجمل
شاافت فيه بحيرة وتنهدات ..
فردوس : علااااااش هدشي كاامل علاااش ..
بالم حط يدو على قلبو وبان الحزن فعيونو ..
صقر : هدي حرب انتقام .. هدا ثأري ومكيهمش الوسيلة قدما كتهمني النتيجة .. (هز يدو كيشوفيها) بهد ليدين كبرت خويا بهد ليديين عنقتوو .. بهد اليدين ربييتو وكبرتوو وبهد اليدين دفنتو وحلفت ناخد بثارو (هز راسو بغرور) يا انا يا نزار فهد الدنياا مكاينش هوا يكفيناا بزوج .. وانا من النووع لمكيتهزمش
شافت فييه بكره وتمتمات بصوت خاافت ..
فردوس : عمرك تحلم تقيس نزار محدي كااينااا فهد الحياة ..

نازلة بتوتر مراقبااهم كيفطرو لابسة كسوة صيفية بالاسود فوق الركبة وطالقا شعرها لاشقر بوجه شاحب ضارت فاتجاه لمطبخ مخليااهم كلهم مراقبينها بعيونهم .. اولهم يوسف لكيشوفييها شوفة بربي لخليتها فمك على لباطل ، واخرهم نزار اللي كيلعب فطبسيل داير يدو على حنكو وكيمرر لفورشيط على زيتونة حتى هز رااسو مين لمحها دايزه من حدااهم ..
دخلات جاكلين للمطبخ مراقبة لخدامات كل وحده واش كدير ،صرطات ريقها بخوف وحكات عنقها وتقدمات فاتجااه الخادمات وهي كترعد .. حنحنات بصوت خاافت ..
جاكلين : احمم نسولك
تلفتات عندها وحدة من لخداامات ضامة يديها : نعم الاله
بتوتر وتردد مسحات لعرق من جبينها وشافت فيها ..
جاكلين : كااين هناا سم دالحشرات ؟؟
باستغراب شافت فيها الخدامه وهي تبسم جاكلين كتحك عنقها وهدي حركه فيها كدلييل على خوفها وتوترها ..
جاكلين : ههه كاينين لحشرات فبيتي ..
الخدامه : مايمكنش الاله لقصر مجهر بافضل انظمة الصيانة تم انو شرطة النظافة والتطهير كتجي لهنا زوج مرات فسيمانه
خرجات جاكلين عينيها فيها : هي اناا كنكدب ؟؟؟
الخدامه بخوف : غيير
قاطعاتها هازا راسها بغرور مصطنعه لقوة ..
جاكلين : هي الى عطيتيني علاياش سولت ..
حركات لخدامة راسها باايحاب وتلفتات لبلاكرات كتقلب بينما جاكلين بعيون دامعه كتفرك صبعانها .. هزات راسها للفوق وكانها كطلب الغفران من عند الله .. كتبقاا حياة فردوس بالنسبة لها اهم من حيا اي واحد شكون ما كان يكوون ..
وقفات لخدام هازا فيديها ساشية مغلفة وتبسمات لجاكلين
لخدامه : هاهي الالة .. مي كنظن تكلف بيها وحدة من الخدامات
جاكلين : لا لااا اناا نتكلف ..
الخدامة : ولكن الالة راه سم خطيير ..
جاكلين :قلت لك لااا
عطااتهاا بالظهر وعينيها مغرغغين علاين تبكي وهي مخبية الساشية بين يديهاا علاش لا .. رااها غاتقتتل ..
يلاه غاتخرج وهي تهز عينيها بخوووف فمها بياض وصفارت بالخلعه وهي كتشوفو مربع يدو هاز حااجبو واقف عليها ..
نزار : اشنووهدشي فيدييك .. لياش كتخططي هد لمرة ثاني

#يتب____ع_غدا ..