عمياء القاسي(تتمة)

256

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي

تبسمات هداية وهي تقرب منها جالسة على ركبتها وحاطة لها الصحن فوق ركابيها،
هداية : كولي ، من اليووم انا غادي نهتم بك .. كوني على يقين اني غانكون ديما فجنبك
تبسمات لها شدى وحطات يديها على الصحن كتكتاشف اش فيه ، ضحكات هداية وهي مراقبة يدين شدى لمشاو مستقرين فوق موس محطوط فالصحن واستأنفات كلامها ..
هداية: نتي عانيتي بزاف ومزال راكي تعاني بسبب ههد المجرم ، بصح خاصنانفكرو فحل .. اااه تفكرت شنو سمعتي اش كان كيقول هو ودك النصرانية ؟؟
شدى : ماسمعت والوو
قالتها وهي ممركزاش معها
هداية : همم وشنو الحل دبا؟؟!
شدى: ماعررفت ... هداية ممكن تخليني وحدي ؟؟! ىبيت نرتاح
هداية: ااه وخا
تبسمات بغيض وناضت غادية قبل ماتسد لباب تلفتاات لها
هداية : خاصك تعاقبيه على فعاايلو معك ، وانا ديما غانكون معك فاي خطووة
سدات لباب وتبسمات بينما شدى بقا فنفس وضعيتها حطات الصحن جنبها فالارض وهزات الموس فيديا .. بالها كلو مع كلام هداية ، يا اللي كيشجع على القتل بطريقة غير مباشرة .... نزار بصح غلط معها وبزاف ويستاهل لموت بابشع طرييقة وهي فغوص افكارها هدي تحل لباب وشمات ريحتو .. هزات عينيها جهة الباب وكأنها كتشوفيه مخلياه مستغرب منها ، زيرات على الموس فيديها وغطاتهم بالكوفرلي وزفرات بضيق وهي كاتسمع صوتو خطواتو قراب وغيير مكايزيدو ويقربوو. ..
تبع نزار يديها لتخباو فورما قرب منها ، ووقف عليهاا وحنحن وهو نرااقب توتره . ..
نزار : غادي نسافر غدا
شدى : و واناا ماااااالي
نزار وهو حاضيها مطلع حاجبو : قلت نعلمك..
شدى: اخر واحد يهمني شنو راه كايدير هوو نتاا ، سير حتى لجهنم اخر همي
لمح نزار الموس وتبسم وهو جالس حداها ، حط يدو على خدها وتنهد ..
نزار:علااش كنتي كاتبكي؟؟!
شدى: اافضل كايرجع لك ..
هز خصلة من شعرها ودارها ورا ودنها وبيديه بزوج جر راسها لعندو وهو معنقها .. نزلات حجبانها بانزعاج من قربو وضورات يديها على عنقو مبادلاه لعناق .. وهي شادة لموس بين يديها ، كان نزار كايشوفيها من لمراية يااللي عاكسة صوتهم وهي جاهلة بهدشي .. تنهد هو كيشوفيها كيف كترعد وهي هازاه بين يديها .. هزاتو حتى للفوق وقالت ..
شدى: اشنوو دررت لك؟؟؟
نزار: واالو
شدى: علااش. دخلتي لحيااتي علاااش
نزار: القدر لجمعنا ويمكن قدرنا يكوون هكداك لقائناااا
شدى: وااش كاتكرهني؟؟؟
نزار: لااااا
شدى: ادن علااش مصر تدمر ليا حياتي!!؟
نزار : معرررفتش مااعرفتتتش
شدى: ولكن اناكانكرهك
جاوبها بصوت حزيين ببحة منهزمة : عاااررررف
شدى: وكانتمنى لك المووت .. ليووم قبل غدا
نزار: حتى هدشي عارفووو
نزلات دمعه من عينيها وقالت ..
شدى: ولككن مانقدرررش نقتللك وخاا تكون الفرصة هئ هئ وخا تكون الفرصة بين يدي
نزار: حتى هدشي عاارفوو
فصل العناق وشد لها يديها وهو كايشوفيها بنظر حنينة ، عيونو الكربستالية ثاررة فعيونها كتشوف ثارة فشفايفها ..
نزار: هد اايدين ماتخلقووش باش يقتلواااا ..
شد الموس من عندها ومد يدو ااثانية كيمسح فخدها. ..
نزار: غادي يجي نهاار ويتخاد لك بثأرك مني ، غادي يجي نهاار ونتحاسب على افعالي غير كانتمنى مني يجي دك النهار تكوني قدرتي تسامحيني ...

#توقعاتكن ..