عمياء القاسي(تتمة)

الجزء207

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي 

تحنى كيبتسم قبل ميبدا يفك ليها رجليها بقرف شافت فيه فردوس وحولات عينيها لحديد مليوح فالارض هزات راسها كتبتسم بشر وشافت فيه كان حل ليها رجليها وكيحل لها يديها خاشي وجهو فعنقها بمكر كيتربص بها ناسي ان الحرباء بطبعها مكارة وديلها عمرو يتعدل  .. وقفات فور ماا فكها وساست حوايجها
فردوس : مين ناوي تفكني لاش رابطني وداير هد الفيلم كاامل
تبسم صقر وحك دقنو : فصرااحه كيعجبوني المغامرات ههه تقدري تقولي كيعجبني وجهك كتر وهو كلو نظرة تحدي مخلط بنظرة الخوف من الظلام هههه
فردوس :  نتاا واحد مريض كفاش غانتيق فيك ونتاا كتعاملني هكا؟؟ على اساس حنا فريق واحد
عض فشفايفو مراقبها ببرود كيستهدف استفزازها : عندك زوج اختياراات وماشي كتر لاول تيقي فيا والتاني تيقي فيا ههه
فردوس : دباا قوليااا (كتمسد المعصم ديديها) لاش هدشي كاامل ..
صقر :   بااش نقتلواا مراات نزار خاصنا وقت باش نختارقو الجهاز الامني دالقصر خووك واحد دكي بزاف متستهونيش بيه .. هو اخنار دك القلعة بالضبط و بصارح العبارة لغمها ميمكنش نوصلو لناسها ، الا فحالة وحدة اما هما يخرجو اما حناا نكونو بينهم (تبسم) والبركة فيهااا صاحبتك المدمنه غادي تنفعناا والليلة نسمعو اخبار مووت العميااء ههههه
فردوس : الى هكا علاش رابطني وجيبني لهنا وحابسني فالظلمة
صقر :تقدري تقولي حب استمتاع ههه كنقوليك كنتمتع ملي كنشوف التحدي فعيونك ممزوج بداك الخوف  .. وختى غواتك الى كان حقيقي غادي يخلي دك المدمنة تيق كتر اولا
هزات صبعها  ناحيتو بتهديد :  عمررك مزال تجبد جاكلين على فمك كاتفهم ؟؟
صقر  : تبسم بسخرية ودار يدو فجيبو وقرب ومنها .. والى جبدتها ؟؟
فردوس :  غاادي تشوف وجهي الثاني 
صقر : على اساس مرانيش شايفو  .. ياك غدرتي بالانسان لرباك ودرتي يديك فيد عدوه  .. (عطاها بالظهر وهز راسو بغرور) كااختططي لدمارو  مع لانسان اللي اغتاصبك  .. مسكيينه افردوس كاتبقاي فياا  ..مدمنة متشردة غدارة وعاهرة  جمعتييهم كلهم  ..
زيرات على يديهاا بغضب وحولات عينيها لحديدة فالارض .. تحنات هزاتهاا عاضة على شفايفها بحققد كبيير .. زيرات عليها فيديها وهزااتها حتى للفووق وقرباات منو  ..
كان عاطيها بالظهر كيحك دقنو ويد فخصرو حااطهاا   .. الضورة لضار عندها كانت  هزات يديها تا لفوق غاضربو وهو يشد لها يديها لواها بزز حتى لاحت الحدييدة مخسرة وجهها  ..
فردوس : ط طللق مني قسحتتيني ااااي (بالغوات)  طللق يدي  ..
تبسم بغضب ومص شفايفو : كنقولييك نتي شيطاانة  ..   للاسف منجحتيش فالاختبار افردوس   ..  (بهمس قرب لعنقها) مرحبا بك فجحيم ثايغر ..

مني كيغيب علينا داك الحضن الحنين او لا الحيط اللي مطاكي علينا خبث الدنيا ومكر ناسها وشكون من غيرهم لوالدين !!
كنوقعو فريسة لطيشنا .. كنوليو ضحايا لاحلامنا او ربما لهواجسناا اندااك كنكونو ختمنا مصيرنا ومشينا فطريق الهلاك ..

يتبع