عمياء القاسي(تتمة)

بارت249

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي

ولكن واش متأكدة بلي غانلقا راس الخيط ...

هداية : اااه غير سيري و تصنتي عليهم ... انا سمعت السي نزار و هو فغرفة المراقبة ... و شفت اش وقع تماك ... دبا غادي يسولها على ختو .. و اكيد غادي يذكر إسم عدوه ... يلاه سيري..
حركات شدى راسها بآه و تمشات جنب الحيط كاتحسب خطواتها ... و كأنو هداية عابرة المسافة ..
غير كملات خطوات ضارت على ليمن و هي تلقا غرفة ... حطات يدها على الباب و حطات راسها كاتسمع .... كمشات حجبانها و هي مكتسمع والو ... من غير صوت البكا و التنخصيص ديال شي بنت و كلمة خرجات من فمو : صقر ديكابريو ( بغضب) غادي نقتلك ...

شدى : صقر ديكابريو .. شكون هذا ...

زيرات وذنها كثر على الباب حتى دارت الحس ... تحل الباب بشوية و هو واقف حالو ... الغضب باين على وجهو .. ولكن اختفى فور ما شافها هكاك طالقة وذنيها و كاتصنت ... و ربع يديه و هي محاساش بلي الباب تحل ...

دخل للڤيلا و هو كيطرطق عنقو يمين و شمال .... سرح يدو بعياء و يلاه طالع فالدرج وقفو صوت ثايغر و هو جالس فالصالون ... و بنظرات غامضة كيرمقو : كون هاني سديت عليها ... و حطيتها فبيت حتى سراجمو حديد.. ( هز كاس دالروج) هادي ماشي وحدة ساهلة .. ديرها فبالك .....

صقر : شنو فجهدها ما دير ...

تمشا ناحيتو و جلس : الإنسان لكيهدد بزاف متتسناش منو يدير شي تغيير ....

ثايغر : شفت فعينيها شر كبير .. متستاهنش بأنثى مجروحة ... كاتكون خطيرة بزاف ( رشف من كاسو ) ثم انك علاش معذب راسك معااها ... هدفنا ندمرو نزار.. و دمارو هو مراتو ... فلوسو و كل ما يملك عاد فالأخير حياتو ... هذي لو كاتهمو مكانش يخليها تحت يدينا ...

صقر : نزار السليماني لكانعرف ... واحد اذكى من الغباء لي بين لينا ... أكيد هذا الهدوء ما قبل العاصفة ... سكاتو ماشي عادي ... و فردوس كارط رابح بين يدينا مغانخليهاش .. عمري نخليها ..

تبسم ثايغر و دار رجل فوق رجل : الكارط ولا البنت؟؟

صقر : كفاش ...

ثايغر : فصراحة فيها ميدار ... واخا الشوفة فوجهها كاتجيب الشؤم ههههه ..

صقر : ثايغر هدك محبوسة عندنا نعذبوها .. حتى واحد فينا ما خاص يقرب لها ...

ثايغر : على أساس نتا نتا مقربتيش لها ؟؟

صقر : انا؟؟

ثايغر : مانصحكش بهدشي أصقر... هدك عدوتنا و الى قربتي لها ولا غي حاولتي ... قيق بيا أنقتلها .. عنداك تنسا..

وقف صقر بإنفعال عاطيها بالظهر : عندي أمور اهم منها ... المافيا الروسية كلفاتنا خسارات بزاف .. و أنا كنفكر فحل انا باش نتهناو من " روسيف " لبوص دالروس خاصو يموت ... و نتا كتفكر ليا فخت نزار ..

ثايغر : نتا عارف بلي خوها قتل خوك ... و كون ماشي نتا كون قتلتها وخذيت بثأري ... لذلك متعطينيش سبب لقتلها ... كنحذرك تربطك علاقة معاها .. غادي نقتلها.. و نقتلك معها .. وراك عارف ثايغر الى واعد كيوفي ....

... وقف نزار كيشوفيها مربع يدو و هي طالقا وذنيها كتصنت .... كانت جاكلين جالسة فوق السرير كتبكي... و هي مربعة و خاشيا راسها بين رجليها ....
سمعات شدى حس البكا قريب منها و ميلات شفايفها : ياكما ضربها مسكينة؟؟؟

نزار : اش كديري امدام...

تفزعات مني سمعات صوتو ... عرفات راسها تكشفات ... : ض ضربتيها ياك؟؟؟

نزار : يضربك جن .. اش جايا هنا ديري ...

شدى : الجنون جاو عندك نتا و حطو السلاح ...