عمياء القاسي(تتمة)

بارت254

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي

___بعد مرور ساعتين___

فديك الظلمة الشاهدة على ليلة ماشي فحال الليالي ، ليلة مختلفة متغيرة  مغيمة عند لبعض ومفججة عند لبعض الثاني  ..  كااين يا اللي كايطمح ويخطط يقتل فيها ،.كاين لكيرسم يحرر راسو فيها .. كاين لباغي يرتاح وكاين تاني لمقرر ينكدها على غيرو فيها  .. فالاخير هد الدنيا وناسها تحت تصرف رب الخلق وتحت  جناحو ولمكتووب منو هو لكيكون باختصار نحن نرييد والله يفعل مايريد  ...

كانت شدئ  جالسة فبلاصتهااا وهي مزالها تتلمس فالغيثار بيديها بزوج وتبتسم .. ماتنكررش أنها فرحات بهد الهدية وخا مبيناتش  كاتحس بالحنين لايام زمان .. كاتحس باشتياق كبيير لمديمتها لحومتها  ولدك الراحه والهنا لكانت عايشة فيهم .. تبسمات بألم وهي كاتدكر جمييع الطرائف لوقعو ليها مع يووسف ، كفااش كان عبد الله ديماا دييمااا يدافع عليها ،كفاش كانت شادية تحامي عليه  ويتشادوو  بزاف تاع الذكريات الزويينة ولكن لمرة على قلبها  فكرها فيهم هد الغيثار .. نزار خسرها عائلتها  كيفما خسرها صحتها وحريتها وكل ماكان عندها  ..
دبا كاينه مع عائلتها ولكن راها وحيده بلا بيهم وكانهها يتيمه. مها لطلعات ماشي كيف كان يحساب لها وللان مزال مفسرات لها والو من ماضيها باها طلع ماشي باها وفثانية وحدة نكرها. مسحات دمووعها ورجعات لها هد السلسلة الطويلة من الذكريات الأليمة وهي شادة لغيثار وبدات تعزف...

___مكان آخر___

كان نزار وااقف وبعيون نارية متكي على الهامر تاعو فديك الظلمة...  عاقد حواجبو وبعيون غامضة مراقب سيارات جايين نااحييتو، كان المكان خالي وغير البرد وصوتو لكيتسمعو فيه.. تبع السيارات قرابين ليه وهو يحط يدو فخصرو تحسس المسدس.. كان لابس سروال تجين كحل وكويرا فنفس لون مع قفازاتو الجلدية وطاغيتو. وهو مراقب السيارات وكيف النسر مترقبهم.. توقفوا ربعه قدام،  وتحلو ببيان السيارات الثلاثة اللولين،  تبع لهم لعين  وهو عاقد حواجبو وخرجوا منهم بوديكاردات ناحيتو مشاو كيجرييو وفأقل من ثانية وحده كاانو هازين عليه السلاح،، 
بلما يعيرهم نزار اهتمام حول عينو للسياره الرابعة وهو وهو حواجبو حتى تحل بابها لوراني من طرف بوديكارد وخرج منها روسيف نفسو.. وهو خاشي يدو فجيبو كايبتسم لنزار لهاز حاجبو وبدات توضاح ليه الصورة..
روسيف :سمعت بيك بزااف،  واخيراا تلاقيناا
نزار: شنو الحاجة لعندك ممكن تفيدني فدمار صقر.. ولا بلغة خرا شكون نتا وشنو هدفك؟؟!
روسيف: من ديما معروف النزاع لبين المافيا الأمريكية والروسية كانظن عرفتيني شكوون.؟؟!
نزار: باش غادي تفيدني نتا؟؟! 
روسيف: جميع مافيات العالم. سواء الألمانية ولا الإسرائيلية الإيطالية ولا حتى البرتغالية كلهم كلهم تحت لامرة ديال لبوس الأعظم ،، منهم حتى المافيا الروسية والأمريكية
نزار : البوس الأعظم !!؟؟
روسيف  : كيفما معرروف انو فوق الملك كاين إمبراطور كايحكم ويخلي الملوك يحكمو تحت السيادة تاعو فعالمنا كاين بوس أعظم .. كايحكم فجميع لمافيات وباستراتيجيتو حنا ماشيين
نزار : وباش غادي يفيدني انا هد لبوس الأعظم
روسيف : دمار المافيا الأمريكية وثايغر وولدو كاين فيدين لبوس الأعظم فقط.. خااص تخلى لبوس  يتخلى على خدمات المافيا الأمريكية وينهيها من جذورها بهكا نتا غادي تتهنا من اعدائك وحنا غادي تخوا لينا الساحة  ..
نزار :  وكفااش غادي نوصل ليه ؟؟ وشنو ممكن ندير باش نخلي هد لبوس الأعظم يقتل صقر؟؟
تبسم روسيف بشر وقال : هدشي سااهل مقارنة مع لقائك بلبوس
نزار : والمعنى ؟؟؟!
روسيف : المعنى واااضح .. صعيب بزاف تلقاه  والاصعب انك تخرج حي بعدما تلاقاه
تبسم نزار وهزز راسو  : كايعجبني نحقق المستحييل
فين نقدر نلقااه؟؟!
روسيف  : القاهرة  المقر ديالو فالقاهرة .. لازمك تنزل فاقرب وقت ممكن لها 
عقد نزار حواجبو وبنرفزة قال :   Egybt !!!! (مصر)