عمياء القاسي(تتمة)

بارت226

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي

تتهدات بلما تجاوبو ضورات راسها بينما هو جلس مقابلها وداير صبعو على فمو جنو وجنونو ليعطيه لبارد عيا يستافزها وهي منخلاه معلبالهاش بحواجب منقضة وقف وهز فوطة كانت فوق لفوتوي واتجه للحمام .. ضورات وجها متبعه طالقه ودنيها متبعه خطواتو حتى قفزات منين لطخ لباب دالحمام بجهد
شدى : متوحش
جاوبها من الحمام : زيدي فالميزان عليك

بدون اهتمام لكلامو هزات كتافها وهي ضور راسها لجهة لباب فور ما سمعات لباب كيتطرق .. تطرق مرة وحدة وتحل ويلله غادي تسول شكون حتى سدات فمها انفوا شمات ريحتو .. علاش تقدر تنساها ؟

تقدم بخطوات ثقيلة حااني راسو بندم ومعندوش لوجه حتى باش يشوفيها وكأنها كتشوفيه ولا يمكن هو براسو محاملش يشوف دك النظرة لغدي تدير فيه دك العيون الضريرة الحامله مرارة الخدلان يا اللي ضربها بيه بكلامو القاسي عليهاا ..
حكات يديها مع بعضهم وصفار لونها وهي مترقبة خطوااتو القريبة لها .. بينما هو وقف مقاابل معاها مدة طوييلة فسكون تام حتى تنهد وجلس فطرف السرير وقال بهمس قبل ميحنحن بادي كلامو ..

عبد الله : لقلتو ولغانقولو مغاديش ينسيك فكلامي .. عارف راسي جرحتك ولكن جرحي انا غارق ويمكن كتر من تاعك

كان كيغسل وجهو ويشوف فالمرايا حتى سمع صوتو .. عض غلى شفايفو وعقد حواجبو وهو مضور لفوطة على عنقو حطها فوق لفابو وتمشا بخطوات مهيلة حال لباب بشوي مخرج عيونو بلما يدير لحس وهو فاستماع لكلامهم ..

كانت مربعه يديها ومبدلة ملامحها من الجمود لكان فحضرة نزار للحزن فور ما سمعات صوت عبد الله لغالب عليه الهم والحزن .. استأنف كلامو ماد يدو ليدها شاد فيها بقوة ..
عبد الله : قلت كلام خايب فحقك (حدر راسو) نتي ماشي بنت لحرام نتي بنتي انا وماشي بنت شي حد اخر يوقع لوقع عمر شدى متخرج من قلبي ومتعمر بلاصتها .. كانت لحظة غضب ابنتي ( بقلة حيلة تتهد ودمعت عيونو) حسيت بالشمتة وحسييت بالغدر ودقت طعمو وطعم الخياانة

نزلات دمعه من عينيها وهي كتسمع لو وكتحسس صوتو المايل للبكاء الخافت المنكسر الخارج بزز من ثغرو
انا جرحتك وعارف بلي غلطت ولكن خاص تسامحيني انا بااك
كيحرك راسو بالايجاب وكأنو خايفها تنكرو وتقولو لا : انا لهزيتك ونتي لحمة صغيرة انا لكان ليا الشرف نسمع اول كلمن تخرج من فمك
تبسم بحنين ومد يدو الثانية كيلعب فخدها : كاع الولاد كيقولو فاول كلمه لهم ماما الا نتي قلتي بابا .. انا باك ويوقع ليوقع انا باك نعايرك ومنخلي ليعيرك نجرحك وميهونش عليا جرحك .. سامحي لهد الراجل الكبير لكيطلبك ويرغبك ..