عمياء القاسي(تتمة)

بارت243

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي

شدى :  على أساس ان الملائكة ما عندها ما يدار من غيرك نتا ....

نزار :  يس بيبي غادي تنعلك... حرام تعزلي فراشك على فراش راااجلك أزين...

تبسمات بإستفزاز و قالت:  علاه نتا كتفرق بين الحلال و الحرام؟؟ 
"تأمرون الناس بالبر و تنسون أنفسكم و أنتم تتلون الكتاب أفلا تعقلون "
هاد الآية كاتنطابق عليك تمااماا...

جلس فوق الفوطوي و وسااعت إبتسامتو...  و هو فرحان بهاد الحرب الباردة اللي قايمة بيناتهم..

فرق رجليه و هو مسايرها كيضحك:  فين تعلمتي القرآن؟؟  متقووليش طبقتي طريقة " براين " للقراءة....
(كتوبة خاصين بالعميان كيكونو مثقوبين....  و باللمس ممكن للأعمى يقراا) 

شدى :  هدشي ماشي سوووقك...

نزار :  تعرفي.. يبان لي توحشتي نستعمل معاك الأسلوب القديم ديالي... نتي من النوع لي كتلييق معاع القسوة و العنف.... بصح مغاديش نحمق راسي معاك...

عطاها بالظهر حال الباب... مخليها منزلة حواجبها و هي فإستماع لخطواتو..

شدى :  سد معاك الباب..

قبل ما يخرج تلفت لها هاز راسو بحواجب منقضة مقووس نظرو فيها..

نزار :  غادي يجي نهار و تندمي على هدشي...

هزات راسها بنفور و عطات للباب بالظهر..

عمري ما غادي ندم على شي حاجة درتها فيك بالعكس...  غادي ندم على حاجة وحدة...  اني مخذيتش بثأري منك...

تبسم كيهزهز فراسو و قبل ما يسد الباب قاال:  كنتسناك..

خرج من الغرفة بحواجب منقضة و نزل فالدرج...  مشا للطابق السفلي..  و دخل لغرفة كانت فالزاوية و معزولة...

حل نزار الباب... و دخل و هو ساد الباب من وراه...  كانت غرفة المراقبة... كانت غرفة كلها شااشات و كل شاشة عباارة على مشاهد مباشرة فكل بلاصة فالقصر...
كانو زوج بوديگارد جانسين قدامهم و مراقبينهم.... قرب لعندهم بعيون كيف الليث مترقبهم و هو خاشي يدو فجيابو...

نزار :  قدرتو تعرفو شي حاجة...
.. جاوبو واحد منهم و هو كينفي براسو :
.. للأسف الصورة فقط منفعاتناش فهاد الوضع.... كنقترح عليك نديرو كاميرات صوت و صورة فالغرف...

نزار :  غذا تكلفوا بهد المسألة....  و لكن قبل خاص نعرف شنو لي داز بين فردوس و جاكلين... عطاهم بالظهر و تمشا زوج خطوات :   ردو البال..

قاطعوا البوديگارد الثاني:  سي نزار... كاين تسجيل آخر صوت و صورة... تسجل فالسطح و خاص ضروري تشوفوا.....  تلفت عندو نزار بإستغراب هاز حاجبو....  تطلق التسجيل و زير على يدو و عيونو ظلامو و هو كيشوف جاكلين كتحط السم فالعصير.... شاف فالبوديگارد : 
حبس الصورة هنا.. و قربها كثر... دكشي لي كان قربها كثر و بان لو الدوا فساشي زرقا..  و رجع نظرو للمشهد لي قبل.. كانت نفس الساشي لي عطاتها الخدامة على أساس سم الحشرات..... زيير على سنانو و هو كيتفرج فالتسجيل...  و كيشوفها غادية بيه لشدى... تخطف قلبو للحظة و مد يدو للشاشة بدون وعي... حتا شافها مشرباتوش و جاكلين إنساحبات.... وقف كيمشي و يجي منيرڨي و شافيهم..... : 
الليلة قبل غذاا گاع الغرف تكون فيهم كاميرات صووت و صورة....  و هذي (شير لصورة جاكلين لبقات بوز فالشاشة)  عينييكم علييها....

البوديگارد بزوج:  أمرك أسي نزار...

حل الباب و خرج رادخو و فعيونو غضب كبير و هو طالع لعندها... زير على فكو و تخطى هداية... ياللي كانت طالعة حتى هي فالدرج... فات الطابق الثاني و كمل فالدرج ضاير للطابق الثالت....
أما هداية فبقات متبعاه حتا بعد عاد قلبات الدورة لغرفة شدى كتجري..
حلات الباب بلا إستأذان... كانت شدى متكية ففراشها لي فالأرض يلاه غمضات عنيها... حتى حلاتهم فورما الباب تحل ...

شدى :  شكون؟؟ هداية ياك؟؟ 

هداية:  خاصك تجي معايا دابا الأمر مهم....