عمياء القاسي(تتمة)

273

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي

شدى بصدمة من كلامو حلات فمها نهار على نهاار كيبين لها جانب جديد من شخصيتو القاسية بتهررب من كلامو حاولات تبعد منو وبلا نتيجة قاطعها وهو كييزييد يزير على جبينها وبيدو كايلعب بشعرها
نزار : علاش متحااوليش تنسااي لدرت فيك حاولي تفكري ولو حااجة مزيانه درتها على ودك ممكن تحيدي هد الصورة لوااخدة علياا؟؟؟؟

تنهدات شدى وفبالها كتفكر فكلامو وتحللوا , تفكرات نهار هربها من المستشفى هي وعائلتها تفكرات كفاش هربها من لبلاد وحماها , وكفاش حماها فالغابة مني كانو غايتعداو عليها ..
تفكرات نهار طاحت فلبيسين وكانت غاتغرق وجبدها وسرعان ماجاا فبالها انو حماها من الناس ومحماهاش من راسو علاش شكوون لوصلها للمستشفى فالأصل ؟؟ شكوون لضربها بالرصاص و بلا رحمة حااول زوج مرات ينفد مهمة قتلها شكوون لوصلها للغابة وطاحت فيدين هدووك من غيرو .. شكوون أصلا لكان السبب حتى طااحت فلبيسين من غيرو
تنهدات بألم أي حاجه دارها مزيانه على ودها كان السبب فوقووعها ..
شافها نزار سااكته بلا رد وقال : حااولي تنسااي حطي يديك فييدي وخلييناا ننسااو لمااضي هااا؟؟؟؟
خلينا نكونو أسرة وحدة شدي فيدي نتبدل على قبلك ونشد فيدك تشوفي على قبلي؟؟
ضوراتها فبالها لقاات كلامو صحيح هي محتاجة تشوف بل تموت وترجع تشووف وخا يكون هدشي معناتو أنها تكون معه وخا مكتحسش بالحب من جيهتو هي محتاجة نفودو وفلوسو و لأهم نظرها وعلى آخر فكرة طاحت فبالها قالت ليه ..
شدى : مواافقة
لمعو عينين نزار وتبسم بعدم تصديق وطلق منها كيضحك : ههه وااش بصح ههه بصح هدشي لسمعت؟ ؟؟؟
شدى : غانحااول نبغييك ونتقبلك ولكن بيتك تدير ليا عملية لعيني انا بيت نشووف ..
نزار وهو كيبتسم : طلبااتك أوامر
قربها ليه كتر وهو كيشووف فشفايفها قال
نزار : مغااديش تندمي وووعد ، نتي الهوا لكنتنفس بيه ولفبالك صغيرة كبييرة سااهلة صعييبة غانحققها لك ... انا كنوااعدك (باسها فشفايفها ) تنبغيييك (باسها فخدها ) تنحمااق عليك (حط جبينو على جبينها ) نتي عمرري وقلبي والهوا باش كنتنفس (سكت لوهلة) غانخلييك تسامحييني وعد

شدى تبنجات من قربو من لمسااتو وكلامو من انفاسو واهتمامو من حبو وعشقو حمارو خدوودها ودقات قلبها تسارعاات .. تلبكات ومعرفت مدير من غير أنها تسكت وتحدر رااسها حركة مغرية منها كانت كفيلة تخلي عيونو يتغمضو وبكل حب يقرب منها يلاه حط شفايفو على شفاايفها قاطعاتو الممرضة ..
الممرضة : سعادة الباشا فحوصاتك
تلبكات شدى كتر وبعدات راسها كتحك عنقها بينما نزار خنزر فييها ووقف خدااهم من عندها.. حدر راسو كيحل فيهم جبد الورقة التحاليل ودك الوجه لبلا ملامح حمار ووساعو عيونو مع دقات قلبوا للي رتافعات مع كل كلمة كيقرا فالتحاالييل
تلفت لشدى بصدمة وقال ..