عمياء القاسي(تتمة)

الجزء216

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي

فجهة خرا .. بقد ما الهم والحزن مخيم عليهم بقدما ضعفو مخيم عليه وعلى قلبو وهو كيتفكر انو بنتو راها للان فيدين نزار وشحاال تمنى فهد اللحظة يجبد قلبو بيديه ويعفط علييه .. كان جالس فالظلام فوق الفوطووي .. منزل الخوامي وطافي النور وما الى دلك وكأنو كيعاقب نفسو حيث محماهاش ولا يمكن هي نورو وبغيابها حل الظلام وخيم ..
كان سانتوس مفرق رجليه كيكمي ومرااقبو ، حك دقنو بعدما بخ الدخاان لفووق وحنحن كيشوفيه
سانتوس : انا للان مرانيش متييق انك سااكت مع انو خطف بنتك .. بنتك اللي كدير المستحييل على ودهاا تخطفات وهانتا قدامي جالس ونتاا عارف بلاصتو وعارفو غايكوون مخبيهاا فقصرو ..
عبد المجيد : طال الزماان ولا قصاار غادي يطييح فيدي كوون على يقين غادي نقتلوا ونشرب من دمو
سانتوس : علااش كنحس بيك مكتف ؟؟
حول عبد المجيد نظرو لييه وتنهد : احساس الاب وخوفو
تبسم سانتوس باستهزاء : وهد الخوف والاحساس دالاب علااش من حق غير لمياء والعميااء ؟؟ معندهاااش الحق فيك؟؟؟
كان داير رجل فوق رجل بصدمه حدرهم ونزل حااجبو باستفسار حتى استأنف سانتوس كلامو
سانتوس : اناا عارف بلي العميااء بنتك (تبسم ودار لكارو ففمو نطر نطرة وصاط ) مكنقبل حتى مهمة قبل منعرف مولاها ونعرف اسراارو ههه .. بنتك كتحاارب مع المرض مدة ست سنين دارت تلاته دالعملياات زرع ومع دلك جسمها مكيتقبلش الكلية كعضو دخييل عليه مع انو الكلية متطاابقة هدشي اثر على صحتها ومناعتها وعندها اخر فرصة واخر عملية وهد العملية نسبة نجااحهاا الى كانت الكلية متطابقة بالنسبة 100% معها يعني خاص واحد من عائلتها يتبرع 90% بينماا الى خدات كلية و واخا متطاابقة ولكن المتبرع مكتربطو بها حتى صلة غادي تكون نسبة نجااحها 40% .. وطبعاا سي عبد المجيد مايمكنش يخاطر ويخليها تدير العملية بنسبة نجاح 40% .. غايخليها ديرها بنسبة نجاح 90% .. ولهدشي غايحتاج لكلية وحده من عائلتها وشكون من غيرها اختها التوأم .. دككي دددكي اسي عبد المجيد (تبسم باستهزاء)
عبد المجيد ببرود : ومنين عارف علاش كنتي كتسول
سانتوس : تقدر تسميه حب اسكتشاف ههه .. نتاا نسيتي امر العمياء ومعاودتيش فكرتي فيها هد السنين كلها ولكن علاش خلصتي علييها ثمن العملياات من بعد الحادث ؟؟
عبد المجيد :لااا براافو رااك بحثي فالماضي ديالي معندي منتسالك
سانتوس : الى كتكرهها علاش نقدتيها كان ممكن تخليها تموت
عبد المجيد : ببساطه حيث راها بنتي
سانتوس : بنتك اللي خلصتي قاتل مأجور يقتلهااا ؟؟
عبد المجيد : مني عرفت بالحادث لدارت مقدرتش نصبر ونمنع راسي سولت وعرفت بلي خاصها عملية غالية بزااف وداك الكلب (زير على سنانو بكره) مزاال مدفع لفلوس .. خلصت تكاليف العملية ووهمتهم بلي تخلصو بالفلوس لجااب .. وفالحقيقة لفلوس لجاب مساويا حتى ثمن طبيب التخديير .. ولكن بصدفة طاحت فبالي فكرة ناخد عينة من دمها وندير تحاليل .. ودكشي لكاان لفلوس كتدير كلشي .. طلعوو الكلياا متطابقاات ولكن للاسف خسراات كليتها وتضررات وبقات بوحدة دك ساعه لمياء كانت دارت تالت عملية زرع .. قلت صاافي تهنييت من هد المرض ولكن (بحزن) الكلية عياات بعد تلت سنين .. كنت نسيت شدى ونسييت امر الكلية ورجعت تفكررت بلي شدى املي الوحيد ننقد بنتي .. ومترددتش (هز راسو بغرور) انااا مناددددمش
هما بزوج بناتي اه لكن لمياء هي نبض قلبي هي حياتي كلها (بالغوات) اول كلمه نطقاات كانت بابا .. اول سنه نزلات حضرت لها حضرت لاول خطوة لاول بسمة لاول حدث مهم فحياتها كانت وبقا هي كل ماعندي مايمكنش ليا نخسرها ولو يكون على حساب حياة ختهاا فالاخيير كتبقاا بنت دك الكلب وعلى يديه ترباااات هي ماشي بنتي .. لمياء اهم منهاا اهم منهاا
كيردد هد الكلمات وهو عرقاان وسانتوس مراقبو بسخرية قبل ميقول كلمه تخلي عبد المجيد يبلع الغصة فحلقو بضعف باين فنظرتو ..
سانتوس : الى الامر هكدا علااش فكل مرة كتنطق اسمها عينيك كيحملوا حزن كبير وفكل مرة كنحاولو نقتلوها ونتاا كتفشل تبين وجه الصرامه والقسوة (تبسم ) لسوء الحظ هي عندها بلاصه فقلبك متنكررررررررش ..