عمياء القاسي(تتمة)

266

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي

حطات يديها على يديه ياللي كاانو فوق خدها وبنطره شدااتهم مبعدااهم علييها .. وهو جالس القرفصاء قداامها مستني جواابها بلهفة قبل متكسر انتظارو بضحكة سااخرة ، دارت يديها على راسها وهي كضحك وربعات حدااه ..

شدى : كااتطلب حواايج مكينينش عندي وعمرهم يكونوا ..

حررك نزار رااسو بالنفي وقرب منها كثر وجلس على ركاابيه ..

نزار : لاا لاا عندك بزاف وعندك كتر مكتصووري .. خليتي قلبي يفيق وهذي بحد ذاتها معجزة للآن حتى حد مقدرر يدير فحالها ، نتي داك النسيم لكيضوي ليا صبااحي المعتم وكينور ليا دربي المظلم .. نتي عمياء وفيقتي قلبي من الضلمة ياللي كان فيها .. حييتيه وبعثي فيه الحياة ياللي كان مفتقدها وبقربك عالجتي ذاك الجررح الغاارق ياللي فقلبي وقدرتي تنسيني فييه وتخليني منتفكرر والو من غير قرربك وسمااحك وامنك .. نتي ذاك الريح الباارد على قلبي المبرد ناارو ، نتي ذاك العشق ياللي استنزف كياااني وفباب محبتو سجن ذاك القلب القاسي من بعدما لينوو ..

غوتات شدى بأعلى صووت وبعداات منووو كاتزحف..

شدى :بعد مني هئ هئ وااش كااتفهم شنااهي كنكرررهك هئ هئ بعد مني ..

حدر رااسوو واستانف كلامو ..

نزار : لووكان بيدي كنت نخرج هد القلب ياللي تايضررب باسمك من بين ضلووعي ونعفس علييه تحت رجلي ومنخليهش يكون رهيين لك ولقرببك ..

ووقف بنرفزة كيمشي ويجي والحمام ,محلول باابو والموضيفات كايطاالو عليهم ..غووت تاني بصوت عالي وتلفت ليها بحواجب منقضة ..

نزار : لووكاان بيدي كنت محييت النهار ياللي شفتك فيه من قاموسي .. لا عفواا كنت مسحت النهار ياللي واافقت فييه على مهمة قتلك ..

شدى : لوكان بيدي نقتلك ومانحنش فييك .. داك القلب لراك كتدوي وتدافع عليه ، لو كان بيدي كنت خررجتوو من ضلوعك وبين يدي سيلت دموو (بصوت قاسي غوتاات) نتااا فحال ذاك الصداا ياللي تايلصق فالحاجة ويخسر منظرها هئ نتا فحال داك الفيروس ياللي كينتاشر ويخلي وراه بزااف تضحااياا نتا بالنسبة ليااا داك الظلام ياللي زاد عتم عليا حياتي وظلمها كتر ماهي مظلمة (بالغواات) نتااا داك القاسي لقسى قلبي وخلاااه يولى حجرر ..

غوت نزار بصوت أعلى من صوتها مقاطعها ..

نزار : نتي غادي تبغييني (تبسم كيواسي راسو) اما ليا اما لحتى واحد عندك نزار قداامك والموت وراااك يا انا يالمووت ..

شدى : المووت أهون ليا منك القتاال ..

ظلاامو عينييه فورما سمع كلاامهاا وتحنا شادهااا من درااعها وبقسوة منوضها وفعيونو شراارة غضب كبيير قال ..