أنين الحب_صراع العشاق (باللهجة الجزائرية)

بارت 1

ناضت صباح بعدا ضربت اشعة الشمس لخفيفة فوجها تحك في عينيها شافت مع روحها اووه ياربي مابدلتش قشي مامبا منبعد شافت مع ساعة لقاتها ثمنية تع الصباح نضت تجري دخلت لدوش غسلت وجها وخرجت لبست بودي وسروال جينز وباسكات حكمت شعرها بونيتال ورفدت ساكها وخرجت متوجهة لافاك لحقت لثم دخلت حوست علا فوايي ..معدتها قبل كلشي ..دخلت شرات قهوة وكرواصو كملت ماكلة ومشات تدور داخل لافاك لحقت وين معلقين توقيت صوراتو ومشات لونفي حضرت اول كوغ وبعدها زوج تيديات لحق وقت فطور مشات شرات فطور وريحت تاكل وكي كملت مشات للبوبيوتاك جبدت كتاب خاص بالرنامج تعها وشدت كرسي وريحت تقرا فيها في وسط لافاك ومنبعد شوي هك ملت
تحكي بغيض وتذمر.. يارب عالي هذي هي لافاك لي كنت ملهوفة باش نوصللها وبعدت كامل هذيك المسافة علا دارنا والدي وهذي هي باراميديكال تع زمر لي كنت قاتلة روحي عليها وتحملت نريزيدي فلاسيتي تع هم علا جالها ازح لي موديل يعلو بففف واش يكملي ثلث سنين لاي لاي لاي  اودي واش يكملي سوماستر علا زعاف بففففف ....
كانت هذي إلين  طفلة طائشة شوي مشاغبة..دمها خفيف وعندها حس فكاهي ملوش حدود.. مي فالمقابل ذكية  متوسطة طول رشيقة عندها مظاهر انوثة رغم لصغيرة في عمرها عينيها خضورة ورثتهم علا باباها وشعرها كحل طويل ورثاتو علا يماها  جاية بلوندا يعني بالمختصى قنبلة اثارة وزين متنقلة تقدر تفتن اي رجل عايلتها صغيرة متكونة من باباها سي احمد ويماها زهرة وخوها اياد لي كبير عليها بعشر سنين ويخدم بروف ..منطول عمرها متمنى تدخل مجال تمريض ..واليوم كان اول يوم ليها فالجامعة ..بعدما تخطات عقبة شهادة البكلوريا ..خاطية اول خطوة في اتجاه تحقيق هدفها وهو انو تكون ممرضة ناجحة في خدمتها ..وتخلي والديها فخورين بيها ..وتحللهم تعبهم لي تعبوه عليها من صغرها ..
شوي هك جات بنت سقساتها اسكو تقدر تريح ردتلها إلين اكيد حنونة ريحي
البنت مغسي حفظك زينه
يسلمك حنونة
البنت معليش نشوف الكتاب لي راه عندك حوست عليه في مكتبة وهذي اخر نسخه
إلين :هاوليك تفضلي تع فيزيك ابليكي مفهمتش تيدي تع قبيل علا ذيك جبدتو مي مقدرتش نقرا مازال عاد بدية خصني وقت نوالف بروڨرام ههه
البنت :مغسي حبيبة نسقسيك مش نتي لي كنتي مريحة في طابلة لولة في تيدي تع الفيزك
إلين:علاش نتي في نفس كلاصة لي فيها انا
البنت :ههه وي انا قعدت مع تالي مع لبنات لي تعرفت عليهم من كلاستنا شفتك قاعدة وحدك ومام قبل مندخلو كنتي وحدك مجتيش حكيتي مع حتى واحد من كلاصة
إلين:تامني ههه والله منتبهتلك قاع ديزولي مي برك بقيت جابدة بسكو مش حاب نداصر وخايفة يصراولي لي بروبلام برك
البنت:معليش عندك الحق
بالمناسبة انا ميسا  من .....وحابة نتعرف عليك بلاك نكونو صحابات انشالله علاه لالا
إلين:اكيد وعلاش لالا انا إلين متشرفين حنونة ومعرفت خير انشالله
وبقات الين وميسا يحكيو حتى جابو نهار بلاما يحسو علا رواحها ودخلو في عقلية بعضاهم ليه ليه بحكم انو الين جاية خفيفة دم وعندها حس فكاهة ثم ثم تدخل في الجو وميسا مالڨري سيغيو شوية مي والفت بإلين في دقيقة وعجبتها طريقة حكيها وتمهبيل لي فيها وتشاء الصدف انو يكونو في نفس لاسيتي وبعدما لحقت لعشية مشاو كيف كيف لاسيتي بعدما داو نوامر بعضاهم وحتى الفيس باش يبقاو علا تواصل ..