الضحية في الانتقام وحب جنوني بدون شعور

الفصل الثالث والعشرون

وفي بيت أول مره نروح له

هو دخل على البيت وكان معصب وينادي على: تهاني يا تهاني

تهاني جات بسرعة: هلا أيش فيك كذا معصب

هو بحدة: وأنتي أيش دخلك بعصبيتي والحين هو سؤال واحد وأبي جوابه حالا

تهاني باستغراب: حاضر قول الي تبيه وأنا راح أجاوبك

هو بشوية عصبية: فين بطاقة زواج ريم

تهاني باستغراب: أيش ريم؟ وأنت ايش تبي ببطاقة زواج ريم وأيش مذكرك فيها؟

هو بنفس الأسلوب: هذا شيء ما يخصك هاتي البطاقة وأنتي ساكته فهمتي

تهاني بارتباك وصدمة من طلبه: بس بشاير شقت كل البطايق وما خلت شيء

هو بعصبية: يا شيخ الله يأخذكم أنتي وهي قولي أمين

تهاني: أخوي حبيبي أنت ايش فيك اليوم علي... وأنا أيش دخلني بكل هذا ترى والله

هو قاطعها بمسك يدها ومن بين أسنانه وبهمس عند إذنها: أبيك تجيبن رقم ريم لو من تحت الأرض فهمتي

تهاني وبصوت باكي: أشلون... ومن فين أجيبها أنت تعرف أن أهلها مستحيل يعطوني رقم بنتهم وبعدين أنت أيش تبي فيها

هو ضغط على مسكة يدها مما خلاها تصيح: هذا شيء ما يخصك فهمتي تسوين الي قلت بدون نقاش

أم نوف وهي تدخل عليهم من بعد ما سمعت صراح تهاني: نواف يمه أيش فيك على أختك

نواف نفض يد تهاني: مافيني شيء يا يمه... وطالع في أخته نظرات تهديدية وخرج وتركهم

أم نواف: أيش سويتي لأخوك يا تهاني

تهاني طالعت في أمها وهي تتألم: والله أنا ما سويت شيء ولو حابة تعرفين شيء روحي وأسأليه يا يمه والحين عن إذنك...تهاني تركت أمها ودخلت على غرفتها وهي تبكي ومحتارة ليش نواف يبي رقم ريم وليش ما يبي ينساها ويتركها في حالها وفي نفس الوقت خايفة لو ما جابت الرقم لأخووها يحط كل حارته فيها لأنه من يوم ما رفضت ريم وهو يعصب عليها ويضربها مع أنها مالها ذنب بالي صار وبحزن: الله يسامحك يا يمه أنتي وبشاير لأنكم أنتم اللي خربتوا بين نواف وريم وكل شيء طاح على رأسي أنا

****************************

في بيت أبو مناف

أم مناف: أبو مناف أنتم من جدكم تقررون موعد الزواج بهذا الوقت... والله ما يمديني أجهز البنت

أبو مناف: أن شاء الله راح يمديك يا حبيبتي بس المشكلة في كل هذا كيف راح نقنع ليان

أم مناف: أي والله كلامك صح بس والله أنا متأكدة أنها ما راح ترضى

أبو مناف: لا في أحد يمكن يقنعها... وبتفكير في أخوها فيصل... وفي هاللحظة دخل فيصل وفاضل ومشاري اللي كان يبكي... أبو مناف طالع أم مناف اللي كانت تطالع في عيالها