الضحية في الانتقام وحب جنوني بدون شعور

الفصل الثلاثون

وفي ثاني يوم في بيت فيصل

أسماء: يلا يا حبيبتي أنتبهي على نفسك ولازم تروحين المستشفى علشان تتأكدين

ريم بفرح: يعني لا أقول لأحد الين ما أروح لدكتوره

أسماء: والله يا ريم أنا أخاف تروحين وتقولين لأحد ويكون التحليل غلط... ولا تنسين أحنا ما نعرف أي شيء بس مشينا على التعليمات، وهم كمان قالوا لازم تروحين عند الدكتورة وتحللين عشان تتأكدين من الحمل

ريم وهي تمسك بطنها: يا رب يا أسوم أكون حامل لأني ودي أكون أم مثل سارة نوره وروان وأختي هدى

أسماء وهي تلبس عبايتها: أهم شيء البيبي يكون شبهي ومو شبهك أنتي وأبوه

ريم بابتسامة: أن شاء الله على كذا بيطلع قمر أربع تعش ماشاء الله

أسماء: على كذا كل يوم راح أجيك عشان تتوحمين فيني

ريم: أوكي يا قلبي وياويلك لو ما جيتي يا هانم عشان أتوحم فيك

أسماء: أوكي يا حبيبتي والحين مع السلامة

ريم: مع السلامة يا قلبي ومشكوره والله يعطيك العافية وربي لا يحرمني منك... وعقبال ما أشوف عيالك أنتي وحمود يا قلبي

أسماء بارتباك: ريم واللي يعافيك أسكتي أنا بمجرد ما أفكر في هذا الموضوع أحس بارتباك في معدتي وفي النهاية شكلي برفض وأفتك

ريم بانفعال: أصحك يا غبية ترفضين... وبعدين مو قلتي الولد عجبك فليش ترفضين

أسماء: الله يكتب الي فيه الخير والحين مع السلامة لا سالم يذبحني قبل ما أتزوج

ريم وهي تضحك: مع السلامة يا روحي وسلمي عليه... أسماء راحت وريم رجعت على غرفتها وهي في قمة السعادة وتتمنى أنها تروح على بيت أهلها علشان تقدر تروح للمستشفى القريبة من بيتهم وتتأكد من حملها... وطبعا اتصلت على هدى وأمها وقالت لهم كل شيء وأول ما قفلت من أمها رن جوالها ومع رنة الجوال دق قلبها وحست بخوف وبالضبط أن الرقم غريب وبدون أسم فقررت أنها ما ترد مثل ما وعدت أسماء ولكن مع تكرر الاتصال ردت

بخوف ريم: الوو

المتصل بصوت شبه باكي: الووو ريم فين فيصل

ريم باستغراب: فيصل مو موجود لكن من أنتي

المتصلة بنفس الصوت بس هذي المرة مقطع: أنـــ ـــا أم مــــ ــــــشــ ـاري

ريم بغصة وصدمة: أيش ام مشاري بس عفوا مشاري مين بالضبط

المتصلة بشهقة من البكاء: مشاري ولد فيصل وأنا زوجة أم مشاري يا ريم

ريم: ............

المتصلة بخوف: الووو

ريم.............

المتصلة بنفس الخوف: الو ريم ردي علي ولا تسكتين كذا