الضحية في الانتقام وحب جنوني بدون شعور

الفصل السابع

في غرفة ريم

ريم بعد ما طلعت على غرفتها أخذت لها دش دافي وغيرت ملابسها بعد ما خلاها خالد تطبخ وتنظف المطبخ لأن شغل المطبخ صار عليها من بعد ما خرجت من المستشفى بعد ما ضربها وبغى يذبحها من الضرب لولا أنه الله ستر وزوج هدى فكوها منه... في هاللحظة أنتهدت وشكرت ربها على ما بلاها وفي نفس الوقت... (الله لا يسامحك يا فاضل على اللي سويته فيني المشكلة خالد ما هو راضي يقتنع أني مالي ذنب بالي صار) وأول ما أندق الباب فزت ريم من الخوف لأنها متوقعة دخول خالد عليها في أي وقت وبالضبط بعد ما صار عايش عندهم بسبب حالة أبوهم
ريم بهدوء: أدخل
راكان بابتسامة: مساء الخير لأجمل بنت
ريم بنفس الابتسامة: هلا حبيبي حياك تعال
راكان دخل وجلس جنبها ومدها الكيس: هذا لك يا قلبي
ريم بفرح: هذا لي أيش هذا
راكان: جوال لك بنفس رقمك بدل اللي كسره لك خالد
ريم بخوف: جوال بس أخاف خالد يعرف وبعدين يسوي لك مشكله
راكان: ما عليك من خالد ولو شافه عندك قولي له أنا جبته لك لأني أثق فيك
ريم بابتسامة: الله لا يحرمني منك يا أخوي وأن شاء الله أكون محل ثقتك فيني
راكان: الله يسعدك يا حبيبتي ويعوضك بإبن الحلال اللي أفضل من نواف
ريم: لا يا راكان أنا كرهت كل الرجال من بعد اللي صار وما أظن في رجل يقتنع فيني بعد اللي صار الا إذا كان عجوز
راكان: هههههه أنتي من جدك والله ألف واحد يتمناك وطالما أنتي على صواب ما عليك من أحد
ريم بابتسامة حزن: أنت تقول كذا لأنك أخوي بس من ناحيتي نفسي طابت عن الزواج
راكان: وتدفنين نفسك بسبب حادث من شخص ضعيف الايمان أنتي لازم تتزوجين وتجيبين عيال وبنات ولا حضرتك ما تبين أصير خال حق عيالك
ريم احتضنت أخوها: بالعكس يكون لي الشرف أنك تكون خال عيالي وأفضل خال بعد... وبعدت عن حضن أخوها وبحزن/ في اعتقادك أبوي راح يسامحني على اللي صار وبالضبط أني أنا السبب فــــيــ....
راكان حط يده بسرعة على فم ريم: لا تقولين كذا أولا هذا قضاء ربي وثاني شيء أبوي يعرف أنك مالك ذنب باللي صار
ريم أتنهدت: الله لا يسامح اللي كان السبب في اللي حنا في
راكان بابتسامة: لا تقولين كذا وأنتي ما تعرفين فين الخير لك في كل هذا... والحين قولي لي بدأتي تتجهزين للكلية
ريم طالعت راكان وبحزن: لا لأن خالد يقول إنه فصلني من الكلية وأني ماراح أكمل الا إذا تزوجت
راكان بصدمة: أيش لا أكيد أخوي خالد فقد عقله لكن ما عليك أنا راح أتكلم معه وراح أخذك للسوق علشان تشترين كل اللي تبينه لأن الدوامات على وشك وماباقي له كثير
ريم بخوف: أخاف يروح ويسوي لك مشاكل عشاني... لا بلاش تكلمه يا راكان واللي يرحم والدينك بلاش ويكفي مشاكل الين هنا
راكان بعصبية: لا والله راح أكلمه ولو على الدوام أنا راح أوديك وأرجعك وكل شيء راح يكون على مسؤوليتي... وأنتي لا تتكلمين ولا تتدخلين فهمتي
ريم بخوف من المشاكل: أن شاء الله يا راكان... راكان طلع من عند ريم... وريم جلست تفكر في مصيرها ومستقبلها ومن شدة قهرها قالت: الله ينتقم منك يا فاضل مثل ما دمرتني بس علشان ضربتك كف وعضيتك عساك بحرمة تطلع عيونك .... (أف دعوة قويه وغريبه بعض الشيء)