الضحية في الانتقام وحب جنوني بدون شعور

الفصل التاسع والثلاثون

نرجع لعند البنات

أسماء وهي تتصل على ريم: الو فينك يا عسل أنا عند باب أهل زوجك

ريم: أوكي يا عمري الحين بارسل لك روز عشان تجيبك عندنا على الحديقة الداخلية

أسماء: طيب يا قلبي... ريم رسلت روز لأسماء واللي دخلت وفسخت عبايتها في المدخل ورتبت شعرها ودخلت تحت أنظار شخص لمحها من المراية بدون ما تشوفه وعلى خروجها على الحديقة قابلت نوره فسلمت عليها وكملت طريقها مع روز على المجلس... نوره دخلت وشافت أخوها جالس ومبتسم

نوره بتعجب: أنت جالس هنا إذا شلون عدت أسماء

ريان بتعجب مصطنع: ومين تكون أسماء هذي بعد... وأنا ما أظن أنه عندنا أحد من البنات بهذا الاسم

نوره: أسماء مو من العائلة أسماء بنت خالة ريم زوجة فيصل وأختها من الرضاعة

ريان باستنكار: لا ما شفت أسماء ولا معاني وأصلا أنا كنت سرحان

نوره وهي تجلس: على العموم كيفك يا حبيبي وكيف صحتك

ريان بابتسامة: الحمد لله مبسوط والله... أنتي كيفك وكيف فاضل

نوره: الحمد لله بس غريبه جيت بيت عمي لأني من تزوجت ما جيت عندي غير مرتين وبس ولا كأني مو أختك الصغيرة

ريان: والله حتى الحين جيت لأني وصلت خالتي لوال كذا كان ما جيت... وهي أصرت علي أجلس وأتعشى معهم هي وعمي

نورة: خالتي وفين خالتي... في هذي اللحظة جات جوني وقدمت العصير لريان

ريان بابتسامة لجوني: شكرا... خالتي طلعت عشان تغير ملابسها وتنزل

نوره بابتسامة: أوكي أنا بقوم وبرجع عند البنات

ريان: لا خليك شوي معي الين تنزل خالتي وبعد كذا روحي بدال ما أنا جالس كذا مثل الجني.... نورة ماتت من الضحك من تعليق أخوها

فاضل وهو يدخل: أن شاء الله دوم هذي الضحكة... وبعد ما سلم على ريان جلس جنب نوره/ ضحكيني معك يا قلبي

ريان بغرور: تضحك علي لأني قلت أني جالس مثل الجن

فاضل: وأنت بعد الله يهديك في أحد يقول على نفسه كذا

----------------------------

وفي المجلس

مشاعل وهي تطالع أسماء اللي عاجبتها: أقول أسماء أنتي متزوجه يا حبيبتي

ريم واللي ما عجبتها طريقة سؤال مشاعل: لا ماهي متزوجه بس كانت مخطوبة بس ما صار نصيب

مشاعل حست باحراج: أسفه لو كنت ضايقتكم بالسؤال... بس ترى عادي أنا سالت لأنها ماشاء الله حلوة وفيها مواصفات يتمناها أي شخص وماهي لقافة يا أخت ريم