المجهول 💗 ( روايات ليبية ) مكتملة

الحلقة 1 💗

المجهول 1
.
.
ماما :  سادين تعالي افطري
سمر : مدام مردتش معناها تخططن لحاجة و هضا وجي
سراج : فرخة الشر هذي قعدت نرقد وانا خايف
فرج : عيب اختك
سهام ، سامر : صباحو
كلهم : صباح النور
تالين: انا مخاطرنيش متراجونيش
سدين وزي كل يوم : صبااااحو
سهام : هي وذاني
.
.
سدين : stooop اصبروا اولا خلي نعرفكم على عيلتي  ،ماما اسمها فاطمة و بابا فرج ويشتغل دكتور في الكلية قانون
عندي اخين الاول سامر مواليد 1990 دكتور عيون انطوائي ميحبش يخالط  و سراج مواليد 1996 يقرأ في كلية الطيران  بسرعة ما يعصب   و سمر مواليد 1995 تقرأ هندسة معمارية ديما معندهاش خلوق لحد و سهام مواليد 1997 تقرأ علم نفس اهون وحدة في خوتي و اخيرا انا و السنيوريتا تالين مواليد 1999 توأم نسخة بعضنا بس نختلفوا في التصرف تالين صارت معاها حاجة قبل 5 سنين خلتها تكره الناس خشت في كآبة (حتعرفوا القصة في الحلقات الجاية )و مع هضا كله خشينا اقتصاد نفس التخصص وهكي نكون عرفتكم على my family (عائلتي) 

.
.
سدين : صباحو ماما و بابا العسل ، صباحو سيرجو خيي الغالي😇
سمر : قلتلكم وراها حاجة وجت على سراج هبلة اليوم
سدين : تو تو تو عيب سوسو نحنا خوت منأذوش بعضا صح  🙅
سامر : هي مالا انا نستأذن بنمشي للعيادة متراجونيش على الغداء 👋
فاطمة : ياوليدي متطولش نبيك في موضوع مهم بعدين
سامر : تو انشوف
سدين: سامر
سامر: ها
سدين: عصا ان شاء الله
سامر: هيي يلي ماتتحشمي
فرج : احترموا وجودنا
سدين : ام سوري فاذر ، اسمع سامر نحكي جد توا
سامر : احكي
سدين : عندي صاحبتي شبكة عينها سجلوا فيها قول تشركت تقدر تخيطها ههههههههههه
سامر : وانا عندي صاحبي قالي في سريرين في قرقارش فاضيات بلكي تبي تحط حد هو هو 
سدين : قوله يحجزلك واحد هي هي هي (ودارت حركة الانتصار ✊ )
سراج : انا نبي نعرف حاجة وحدة بس
سدين برفعة حاجب: وشن هي ؟
سراج: كيف مفصلوكش من الكلية لعند توا
سدين : امممم صح سؤال في قمة الغباء اه قصدي الذكاء اولا يا كابتن يافهيم الفصل في الكلية ميجيش بالساهل
سدين: ثانيا يا كابتن انا  في اول سنة مزال معرفونيش عشان يفصلوني
سدين : ثالثا
سراج : خلااااااص اسكتن الهم وانتي ور ور شن هضا هو سؤال وسألناه
سمر : وانت ماطحت غير في هذي لسانها ملفوف على رقبتها
سدين: حتى في الشتاء مدفيني 😂😂
فرج: هيا كل حد يمشي على حاله وانتي يا سدين ربع ساعة وبنطفي السيارة (بوهن يوصل فيهن لان الكلية امتاعهن قريبة على كلية القانون )
سراج: هههههه بالشوية غبرتي علينا من كثر الجري
سمر : هي سراج عشان تحطني بعدها تحط سهام
سراج : هي اركبن
(كل حد مشى لكليته وقعدت امهم اضم و تطيب في الغداء وهضا هو روتينها من سنين )
.
.
في حوش ثاني
سامية : يا محمد نوض وقت عليك
محمد : منبيش نمشيي افهممي خلاص
سامية : ربي يهديك يا وليدي.
.
.
محمد طالب او شبه طالب في المحاسبة مواليد1990   لان ميمشيش ديما و يعاود بوه متوفي  معنداش لا خوت ولا خوات هو وحيد امه وبوه وكيف ماشفتوا اسلوبه صفر مع الكل حتى امه .
رن فون محمد ورد : ها نفختها على صبح ربي
اسامة : هييي راقد وانا نراجي فيك مش قلتلي امس تو نمر عليك
محمد : قلتها امس واليوم غيرت رأيي هي وجك (وسكر ، اسامة صاحب محمد تعرفوا على بعضهم في الثانوي واسامة يتحمل فيه بالسيف لان فيه مصلحة وتو نعرفوها لقدام ان شاء الله ) 
أسامة : انا الغبي يلي نصدق فيه
..
.
في كلية الاقتصاد 📊
سدين : هوووف مخاطريش في المحاضرة نفخ 
نوال (صديقتهن ): ان شاء الله ميجيش
مروة (بنت خالهن ونفس التخصص بس هي اكبر منهن و ساقطة سنتين ) : مالا ليش جايات كان مخاطركنش
سدين : هك
نوال: سدو في ناس ولا انقولك خلاص خلاص خلي نخشوا للمحاضرة
سدين : هيا ، هيااا تالين نخشوا
تالين و وجها شاحب : جييت
.
.
مروة تكره تالين و سدين لانهن متفوقات اما هي لا
عندهن خالين بس واحد اسمه عيسى و واحد مسعود
و ثلاث خالات سالمة و خيرية و رقية
عائلة عيسى
مرته نجاة  صغاره كلهم كبار عنده ولدين يوسف و اياد و بنتين مروة و مهى 
.

عائلة مسعود
طبعا هو عايش في بريطانيا ليه 4 سنين مرته اسمها رؤية و عنده ثلاثة اولاد مؤمن و مراد و مهند و البنات مرام و مروج
.
عائلة سالمة
راجلها عمر عصبي لدرجة عندها 3 اولاد بس علي و ايهم و أنور
.
عائلةخيرية
راجلها خالد طيب وحنون على صغاره عندها 3 ولد مهاب و بنتين وداد و نرمين
.
عائلة رقية
راجلها سعد ليها 5 سنين متزوجة و معندهاش صغار
.
.
الدكتور : تالين ممكن تعطيني نبذة درس اليوم
تالين : ..... (وبدت تشرح و مروة اتشوفلها بحقد )
الدكتور : نبذة ممتازة شكرا ليك
.
.
في عيادة سامر :
سامر : مش عارف كيف انقوللهم صاعبة حيفقدوا ثيقتهم فيا اااه ياربي
عبد المجيد(صاحبه): حتى انا مصدقتش نحسابك امداير فيا مقلب
سامر : رفاق السوء الله لا تربحهم
عبد المجيد : مهما كان يا سامر هلك لازم يعرفوا يمكن يشيلوا عنك الحمل شوي
سامر : بالعكس هلي طبعهم واعر
عبد المجيد: بس يبقوا هلك وانت نادم وربي غفور رحيم
سامر : ياارب هي انا نستأذن بنروح
عبد المجيد : تم وتو انا نمسك عنك
سامر : اصلي و الله 🙏
.
.
في حوش عيسى
مروة : نكرهن نككرهن
مهى : باردات و متكبرات مش عارفة على شن
مروة : هضا وجي كان ماخليتهن يكرهن الكلية
مهى : فكينا مروة
مروة : هه هنا بدن الحرب
نجاة : يا بنات تعالن تغدن راه بيبرد الغداء
عيسى : مش صغار هما حطي الصفرة يلي بيجي باهي ويلي ميپش سلامته
نجاة : ميطاوعنيش قلبي
يوسف : انا جيت ، السلام عليكم ، الله بنة(ريحة) الرز واصلة للشارع
كلهم ، وعليكم السلام
نجاة : ههه عارفتك تحبه هي اغسل يديك وتعال
يوسف : ثواني بس
(وبدو يتغدوا)
.
.
في حوش فرج
سدين : ماما
فاطمة : نعم .
سدين : سامر دز  مسج قال راجوني  نتغدا معاكم
فاطمة : باهي هي تعالن وحدا منكن توتي معاي
سمر : اني جيت هي
(وتوا الغداء و يحطنه و شوية وجاء سامر وبدوا يتغدوا)
فرج : ااه الحمد الله
كلهم : صحة
فرج : سراج امتى بتكمل ؟
سراج : معش مزال واجد
سامر : بمأن كلكم هنا نبي انقوللكم حاجة
فاطمة :ان شاء الله خير
سامر : قبل سنة ...........
كلهم : مصدومين
سدين : هههه حلو المقلب
سامر : مقلب ! لان حياتك كلها مقالب تحسابي حياتي زيها ؟؟!
فاطمة : تعالى هنا وقول كذب مستحيل انت يااا سامر مستحييييييل
#يتبع
.
تتوقعوا شن قصة سامر ؟
شن نهاية محمد ؟
شن نهاية حياة الاستهتار يلي عايشاتها تالين و سدين ؟
شن الخطة يلي رسمتها مروة لتوأم ؟
مع كل حلقة تسقط علامة استفهام
نتمنى تكون البداية عجبتكم ❤
#رواية_المجهول
#rwayat_br0o