المجهول 💗 ( روايات ليبية ) مكتملة

الحلقة 24 💗

المجهول 24
.
سامر : هضا جزائي يا تالين (وقعد يصفق) برافو برافو عارفتيني شهوووور وانا اندور فيه زي المجنون عايش في كوابيس وانتي يا سدين معاااها انا شن انديرررر ااااه شن اندير ، تواااااا اتقولي وييين حوشهم
تالين : ....
سامر بعصبية : قووووولي
تالين تبكي : و و و  الله م م نندري
سامر : تواااا كلميه وأسأليه بسسسرعة
تالين : ك ك ك كيف
سامر بغل : هااااتي الخارب (وخدا الفون من يدها ) ، وييين رقمه ويين
تالين : ا ا اهوا (خداه سامر و اتصل وتالين تبكي و خلاص وسدين زيها وفتح السبيكر)
محمد : ايوا
سامر : انت بوك منصور .....
محمد : تي هضا رقم تالين صح
سامر : اهااااا وانا خوها يلي قاااتل بوك (محمد قعدت تتردد هذي الجملة في وذنه )
محمد : كذااااب
سامر : انا جايك بكرعيا هات العنوان بسسس
محمد : انا نراجي فيك ليا سنين هي تعالى ل ..... (مش مكان حوشهم حوازة ثانية بعيدة )
سامر : تم جايك
تالين شادة فيه وتبكي: و النبيييي سامر متخليناش و النبييييي
سدين : لييييش يا سااااامر لييش
سامر : عننندك الحق انتي وياها متشوووفنش في كواابيس زييي (وطلع ولع سيارته )
تالين : بسسسرعة البسي عبايتك
سدين : بس
تالين : اقعدددي (لبسن ومشن وراء سامر لعند وصلوا لقى محمد يلود و في يده فرد تالين و سدين يشوفن من بعيد  )
محمد : و اخيييرا تقابلنا يا #المجهول يلي خربت حياتي
سامر : قبل لا تنتقم مني اسمع القصة
محمد : هه قول هي لاني مش مستعجل
سامر : ...(وحكاله القصة كلها )
محمد : لييش مقعدتش وسعفتههه ليش
سامر يخبط في رأسه : انقووولك فاقد الوعيييي وبعدين اهووو انا قدامك اقتلني ريحني وريح روووحك
تالين : لااااااا (جت قدام محمد وحطت عينها في عينه ) اقتلني قبل لاتقتله خلاااص فديييييت و الله فديت خسرت نهى وبعدها ماما و بعدها هه بابا وتوا سامر و الله مانتحمل الله
سامر : تالييييين حوووولي
تالين : منبيييش اقتلني قلتلك تواااااا
محمد : حوووووولي من قدامي
تالين : ورأس امك الغالية اقتلني قبله و اللله ما نقدر نعيش الللله(محمد سحب الفرد )
سامر يكر في تالين : حووولي متقربهاش
تالين بعصبية: تييي حرام عليك اهو ربي جزاه و خدا اممه في نفس يووم توفى بووك اهو ربي جزاااه بدالك ليش  تعاند في قدرة ربي  لو مش سامر راه حد ثاني وقتله وهرب مجاكش و قالك انا قتلت بوك
محمد ضاغط على سنونه : حوولي من قدامي حووولي
تالين : تي مبررردك تبيني نحول عشان تقتل بوي الثاني عشان تقتل خوي وسندي انتتتت شن مفييكش احساس ولا ضمييير
سامر بصوت عالي : تالين هي كلمةةة حولي
(بعد دقائق من العركة سدين كانت واقفة يالا شجرة وتشوف سمعت صوت رصاصة  مشتلهم تجري )
سدين : لااااااااا يااااربي
محمد : آهي رصاصة وحدة ضيعتها وجت في الشجرة انا مروح بس حنرد و ناخد حقي منك (ومشى)
سامر : ليييييش جيييتي ليييش
تالين :.........
سدين : الحممممد اللله ياربي الحمد الله
سامر : ليش تلحقن فياااا بس ليييش ،نوضن روحن هييي قدامي
تالين حضنت سامر : والنبي اهرب نحنا مليناش غيرك بابا سيبنا و ماما سيبتنا وتوا انت
سامر : اسكتي توا هدي
سدين : تو نسوق انا
سامر : هي وانا وراكن
.
عند سعد :.
.
وفاء : ليش كذبتوا عليااااا ليش
سعد : وفاء اهدي
امه : يابنتي تو راجلك يفهمك
وفاء : تي شن بيفهمني انا حاطتكم في وسط عيوني امدايرتكم هلي وانتم هكي تجازوني
امه : استهدي بالله ، تواا قبل لا يجي كان عندك الدكتور وكيف خبره وحتى هو مكانش يندري
سعد : اقسم بالله ماكنت نندري
وفاء : وانتتتي تندري ولا لا (سعد انصدم من سؤالها )
امه : ا ا كيف بنعرف انا
وفاء : رقية مش مخبراتك ؟ (سعد و امه في حالة صدمة )
في العرس :
رقية : هههه اذكرتيني
وفاء :ههههه حلي ننساك
رقية: كيف حالك وحال هلك وناسك
وفاء : الحمد الله كلهم بخير وانتي كيف حالك
رقية : الحمد الله
وفاء : تبي الصراحة
رقية : ههه اكيد
وفاء : و الله تباني اتقول شبوبة مشاءالله مهتمة بروحك قصدي لو وحدة غيرك توا في الدار تبكي
رقية : هههههه ، هضا قضاء و قدر من ربي لو فيه خير راه ربي مبعداش عليا
وفاء :لمن يلي كاين  واخدك
رقية : لعت ........ ويقولولهم ......
وفاء : هههههه بجد
رقية : و الله كنك
وفاء : حتى انا واخدة فيهم
رقية : شن اسمه راجلك
وفاء : سعد
رقية : هه بجد
وفاء : ايه ليش
رقية : انتي الضحية الثانية قصدك
وفاء : ضحية شن !!
رقية : انا مرت سعد الاولى
وفاء : كييف
رقية : اها انا هي وتطلقت منه وسمعت بعد شهر اتجوز
وفاء : مزلتي تبيه
رقية : لا اطمني بس بنقولك على حاجة
وفاء : شن
رقية : طول ما أنك عايشة معاه مستحيل تقعدي ام
وفاء : كييف
رقية : اها وامه تندري قلتلها متضلموش حد غيري بس هي سكرت رأسها

.
.
سعد : كيييف عرفتيها انتي
وفاء : مش مهم لكن اهو امك تندري
سعد : صح كلام وفاء؟
امه : اها صح قالتلي بس يوم يلي كنت مروح بيها لهلها و الله
وفاء ؛ و قالتلك متظلميش حد ثاني ولااا
امه بأسف: اهااااا
سعد : ليييش درتي هكي ليش
امه : انا ام وعندي حق في يلي انديره
سعد : انتي طول عمرك تتحكمي فيا وفي قراراتي بس توا لا (وشاف لوفاء ) هيا وتي دبشنا
امه : وين ماشيين
سعد : لمكان نقدر نكون روحي فيه
امه : و النبي ماتخلييني انت وليدي الوحيد والله كله لمصلحتك
سعد : لمصلحتي هه اي مصلحة ادسي عليا حاجة هك  اااه
امه : لو طلعت من هنا معش ترد
سعد : تمام ، هيا
وفاء : الله يسامحك (وطلعوا)
امه : الله يحرمك يارقية ضيء عيونك كيف ماحرمتيني من ولدي
.
.
.
عند محمد :
سامية ،اسامة : وين كنت
(محمد حط رأسه بين يديه و قعد يبكي سامية خافت مشت تجري و اسامة كذلك )
محمد : م م مقدرتش نقتلههه
سامية: من ياوليدي بيقتل الثاني
اسامة : من يامحمد تكلم
محمد تنهد : البنت يلييي حبيتها طلع خوها قاتل بووي
اسامة : شنننن (محمد ناض ومشى لداره )
سامية: فهمني يا أسامة شن في ؟؟؟
اسامة : البنت يلي غيراته هذي هيا خوها هو يلي ضرب عمي منصور الله يرحمه
سامية: ااااه ياوليدي ، خليه توا وفي الصبح نكلموه
أسامة : تمام
.
.
في تركيا :
سمر : سهيب
سهيب : نعم
سمر: نبي نكلم هلي
سهيب : تو هي نبدلوا ونطلعوا نشروا شفرات
سمر : تممم ، هييي
سهيب : انا مبدل تلقيني قدام الباب
سمر : حتى انا نلبس الجاكة بس
(لبست سمر و طلعوا يدهوروا و مشوا لكم مكان )
سهيب : نخشوا للمطعم هضا نتغدوا
سمر : تمام هي (خشوا قعمزوا ولقوا كم عيلة ليبية بس مركزتش سمر)
سهيب :  نطلب على ذوقي
سمر : هههه عادي
سهيب : امم ولا انقولك اطلبي انتي
سمر : عليش
سهيب : ماه تضحكي على ذوقي
سمر : شن رأيك انا نطلب لك وانت تطلبلي
سهيب : فكرة هي (ونفذوا الفكرة و يراجوا في الطلبية وسمر بدت تكتشف في المكان وجت عينها في عين شخص تمنت متشوفاش طول عمرها شخص كسرها من جوا )
سهيب : سمر كنك جمدتي
سمر :.....
.
.
بمأن في اشخاص يبوا جزء ثاني ف فكرت ان نطول في الحلقات و هذي جزء من الحلقة الاخيرة و آسفة طولت عليكم كنت في رحلة مفضيتش نكتب ❤
#رواية_المجهول
#rwayat_br0o