المجهول 💗 ( روايات ليبية ) مكتملة

الحلقة 16 💗

المجهول 16
.
(روح سامر للحوش وصل سدين وقاللها طالع شوية وجاي )
سدين : تمام في امان الله
سامر : في امان الله
.
.
تالين :وين سامر
سدين : شوية وجاي قال
سهام : حي روحتوا
سدين : توا كيف خشيت
سمر : سدو روحتي
سدين : اها ، المهم بنركب اندوش
سهام : مربوحة (ركبت سدين شافت شكلها في المراية كيف ضااعفة و الارهاق لنص وجها واصل تنهدت و مشت دوشت و صلت و نزلت لقت سامر مروح )
سامر : هي سدين تعالي نتبلوا اللحم بنديروا شواء
سدين بفرح : تماام هي جاية
.
سمر: هي هذي دكتورة سحارة
تالين : الدكتورة عرفت كيف تتعامل مع سدين وفهمتها ونحنا لا
سهام : صدقتي المهم انا بندير بابا غنوج و سلاطة الخضرة المقلية (ننصحكم بيها طعمتها رووعة 😂)
تالين : وانا بنوتي المكان برا
سمر : انا شن بندير
سهام : كان هضا ديري كيكة باردة نكسدوا عليها بعدين
سمر : صححح فكرة هيي
(وخشن كلهن المطبخ و بضحك و لعب مشى الجو وسدين بدت تلين شوية و تنطلق و مرة مرة تسهى و سامر مخلهاش كل مايشوفها ساكتة يفتح موضوع )
تالين : اصبرووا بنصور عشان سراج يشوفه
سهام : اييه خليه ينقهر ههههه
سدين : خليله حصته امتى ما يجي نسخنوله
سامر : هههه طلعتي تفكري
سدين : شن قصدك دكتور سامر
سامر : قصدي انك ذكيية
سمر : هييا بيبرد رااه
تالين : هييي (وبدوا ياكلوا ويغيروا في جو وحكوا ولعبوا جماد حيوان ....)
جاء وقت النوم كل حد مشى لداره
دار التوأم
تالين : فرخة سدين رقدتي
سدين: لا مش جايني النوم
تالين : هااك (عطتها طرف شكلاتة مارس )
سدين : هههه جت في وقتها وين حصلتيها
تالين : شريتها امبكري من الكلية
سدين : نبي بكرا نمشي معاك
تالين بفرح : جددددد
سدين : و الله جد الجد خلاص السنة بتضيع عليا لو مشديتش توا
تالين : وبعدها نمشوا نتدهوروا ي سلاااام تحمست سدين : هههههه تو سامر الصبح يعي وهو ينوض(متندريش ان تالين بدت تسوق) تالين : لا يا حبيبتي انا يلي بنوصلك 😎
سدين : احلفي
تالين : و الله هههههه
سدين : بكرااا انا دخليش يوم بيوم
تالين : تمم خلاص و اعزميني على حسابك
سدين : عليك طماعة ، كيف حال مهند
تالين : هههههه يسأل عليك كل يوم شكله مكبد
سدين عزقت عليها المخدة : اس مكبد في عينك تفكير المسوس يلي عندك
تالين : حي علما وجهها احمر ههههههههههه (ناضت سدين تضرب في تالين وقعدن يتعاركن و سامر فرحان ان اخته تحسنت و رقد في سبات عميق ) .
.
.
حوش مسعود .
(مراد و مهند و مؤمن مقعمزين في حديقة حوشهم )
.
مهند :مليت من الكلية حرفة
مراد : ساهلة وقف
مؤمن : مستحيل نبدا في شيء و بنكمله (شافله مهند) متشوفليش اهو وفرت عليك
مهند : مرات انرد لبريطانيا
مراد : حتى أنا
مؤمن : مالا ليش قاعد انا
مهند : عليك تقليد الهم
مراد : انا نعست بنخش بنرقد ، وانت يا استاذ خش ارقد
مهند : فكني بنسهر بكرا معنديش محاضرات
مؤمن : حتى انا بنرقد good night
(خشوا مراد و مؤمن و مهند قعد بروحه يفكر في سدين )
مهند : زعما نتصل ولالا اووف ليل الساعة 12 و الله ماني متحمل هي بنتصل (ورن على سدين )
.
عند سدين :
تالين : هيي يافرخة من يلي ران توا
سدين بصدمة : هييييي مهند
تالين : ردي بلكي في حاجة
سدين : ردي انتي
تالين : سديين ردي
سدين : او ووف (و ردت) الو
مهند : اسفة لو ازعجتك في الليل
سدين : لالا فيهاش ازعاج
تالين بصوت واطي : كذابة من كان ينفخ توا
مهند : كيف حالك
سدين : الحمد الله وانت
مهند : مال من هالدنيا
سدين : كنك
مهند : شيء غير تعب الكلية وهك المهم مش ناوية تردي للكلية لان واضح من صوتك مفيك شيء
سدين : بكرا جاية
تالين قالت لسدين في وذنها : قوليله وانت معندكش ولا
سدين : وانت معندكش محاضرة بكرا ولا
مهند : ا ا ايه بس بنجي بنعطيهم وراق
سدين : امم باه نتلاقوا هي تصبح على خير
مهند : وانتي من اهل الخير
(سكرت سدين من مهند و التفتت لتالين )
تالين : انا احب انا ولهان انا بليل القمر سهران
سدين : سكري فمك يا بلاء راه حد يسمع
تالين : شن تفسري هضا غير حب
سدين : تبي الصراحة
تالين : اكيد
سدين : حتى انا حسيت من نبرة صوته في خوف وتردد
تالين : هيي ارقدي توا في الصبح نعرفوا الحل
سدين : تمم
.
عند مهند :
مهند : و اخيييييرا بنشووفها وووه ياربي خلاص بنقوللها مش قادر اندس اكثر
مرام : من هي سعيدة الحظ يلي فرحان بيها
مهند : شن دخلك وانتي حاشرة روحك حتى في هذ
مرام : قبل نبي نتعرف على كنتنا المستقبلية
مهند : في الوقت المناسب حتعرفيها
مرام : باه كيف تعرفتوا
مهند : اوي صدقتي روحك راه نوضي هذين حاجات مش للصغار
مرام : يا روحي تو اتشوف حنعرفها وانقوللها ردي بالك تاخدي مهند راه مجنون
مهند :  باه وجك هي وانتي ماصدق واحد عطاك وجه
مرام تغني : انا و ياه طريق بدينا...نمشو ع الحلوة والشينة
يا عاطي الأقسام اعطيني ... نفرح ونزف اوخييني
حوش كبير وبابه عالي ..يالعروسه غير تعالي
مهند ناض يجري وراها : معش في حشم
مرام : وهاذي الكنة الاولى ...غلاها شن يحوله ههههههههههه
رؤية: حي على الهبال حي ليل شن الجري اهوا
مرام شافت لمهند : ماه في ع (حط يده على فمها وقال )
مهند : ردي ارقدي مفيش شيء
رؤية : نسمع حد يجري يا ويلكم (ومشت ومرام عضت يد مهند المحطوطة على فمها )
مهند : ايييي سوووسة ان شاء الله (قعدوا يتعاركوا بعدها مرام هربت لدارها وسكرتها بالمفتاح
.
.
ثاني يوم الصبح ناض كل حد فرحان كيف حيبدأ يومه و يفكر في عقله :
تالين : ان شاء الله انشوفه حتى اليوم يعطي فيا طاقة بس كيف حنتصرف لو عرف ان سامر هو #المجهول
سدين : متوترة اتقول اول مرة نتلاقا معاه ريلاكس سدين
سامر : الله نومة اهل الكهف
مهند : اليووم الحاسم خلاص
محمد : هههههه بنهبلها اكثر ماهي مهبولة
ادم: اليوم مش حينتسى يا سهام
.
.
في الكلية عند التوأم :
(طبعا تالين خبرت سدين شن قالت مروة و معش يكلمن فيها وهنا خاشات )
بنت : تالين
تالين : نعم
بنت : هاك هضا ليك من قبل واحد #مجهول (كان عبارة عن فطور مغلف من جميع الاصناف )
تالين بحيرة: من ؟؟
بنت: نعرفش بس سألني عليك وقالي قوليلها #مجهول بس وهاك هي صحتين (ومشت وسدين واقفة مبتسمة ابتسامة خبث )
تالين : متشوفيش هكي راه و الله مانعرفه
سدين : فطور و جو ربي يرزقني
مهند : بشن ؟؟ (سدين لحظة صمت )
سدين : ا صباح الخير
مهند : صباح النور
تالين : انا بنقعمز غادي الحقيني سدين (على اساس بتخليهم ياخدوا راحتهم و هي بتفطر فطور VIP وقالت : مستحيل يكون هو بعدين ميعرفش اسمي هو يااربي مننن اووف توا خليني نفطر بعدها نفكر  (خدت البريوش لقت معاه ورقة مكتوب فيها :
..... .
تالين : هيييييي
.
.
هل ستتطور علاقة مهند و سدين ؟
ادم ماذا يخطط ؟؟
من #المجهول الجديد ؟!!
رأيكم 💗
#رواية_المجهول
#rwayat_br0o