المجهول 💗 ( روايات ليبية ) مكتملة

الحلقة 18 💗

المجهول 18 .
.
المرأة: هه أسامة في غيبوبة ليه قريب شهرين
محمد : شننننن اتقولي انتي في اي مستشفى به
مرت بوه : في مستشفى .... 
(محمد لف وقعد يمشي بسرعة لين وصل للسيارة وانطلق بسررعة )
في المستشفى :
محمد : نبي غرفة أساامة .....
الممرضة : المريض في غيبوبة في الغرفة ...
محمد : اي دور
الممرضة : الدور الثالث
(مشى محمد في الاسنسير للدور الثالث وهو يدعي ان صاحبة بخير لين وصل لغرفته لقى الدكتور كيف طالع )
محمد : دكتور
دكتور: نعم
محمد : كيف حال اسامة
دكتور: كيف ماهو
محمد : عادي نخشله
دكتور : شن يقربلك
محمد : صاحبي
دكتور: اول مرة انشوفك هنا
محمد : كنت مش قاعد
دكتور : تمام خشله يمكن يتحسن بس البس هذين(طاقية و البالطو الاخضر الطويل و كمامة )
محمد : تمام (وخش لقى الاجهزة و الاكسجين و وجهه مخبش و اثار كدمات عليه قعمز و قعد يشوف لصاحبه )
محمد بحزن : اهو تلاقينا يا صاحبي هه بس وين في المستشفى نوض يا اسامة تصالحة مع امي وحياتي تسقمت نوض و وعد نرد زي قبل كيف ما كنت اتقولي هههههه تبي تعرف من سبب تغيري امم نحكيلك توا و بعدين لكن تو نحكيلك هذي وحدة نعرفش حتى اسمها تخايل حزنها طلع اكبر من حزني هي فقدت ثلاثة اشخاص صاحبتها و امها و بوها اما انا بوي بس صاحبتها توفت قدام عيونها وقتلوها زيادة وامها مرضت و توفت اما بوها هه سيبهم و تزوج وسافر الي الابد شوف يا صاحبي كيف هالبنت تحملت وقديش عانت وجعتلك رأسك صح خلاص اليوم ساد بنروح الغالية اكيد تراجي هي رد بالك على روحك (وطلع و هو في اشد حزنه ويسوق ويفكر في صاحبه وكيف كان شكله لين وصل)
سامية : بسم الله وينك من بكري نتصل
محمد : كنت عند أسامة
سامية : تسامحتوا ؟؟
محمد : هه في المستشفى هو في غيبوووبة
سامية،: لا حول ولا قوة إلا بالله امتىى
محمد : قبل شهرين
سامية : مضايقش روحك روحك اكيد لو دعيت ربي حيشفيه صلي يا ولدي و ادعيله
محمد : حاضر تصبح على خير
سامية : وانت من اهل الخير (ركب محمد لغرفته و توضى و صلى لان كان يقطع في الصلاة وقعد يدعي لربي يشفي صاحبه وقرأ قرآن وبعد كمل سمع صلاة الفجر صلاه و رقد و كأن كان على قلبه جبل و انزاح ) .
الساعة 8 الصبح :
في الشاليه :
سامر و إياد و مؤمن و سمر و وداد يهدرزوا و سادين مقعمزة تتأمل في البحر و تفكر لو هي وافقة و خشت في علاقة مع مهند شن حيصير هل حتتعب ام لا واستمرت تفكر
.
مهند : صباح الخير
كلهم : صباح النور
مهند : من يلي مقعمزة غادي
سامر : سدين ناضت اول وحدة فطرت وقعمزت غادي
مهند : بنمشي نفجعها هههه (كذب)
سامر : ريح روحك هي على سبلة راه
مهند : ههه عشان تنشط الدورة الدموية (ومشى وهو يتسلس و العيون تراقب من داخل الحوش )
مهند : نشااط اليوم
سادين : هههه شن نوضك توا
مهند : ديري روحك انفجعتي بسسرعة
سادين : ليش
مهند : غير ديري
سدين بالتمثيل وصوت عالي : يلي ما تتحشم يلي ما عندك ذووق هك تفجعني
سمر : شن بيسكتها تو
إياد : يستاهل هههه
....من داخل الشاليه : ههههههههههه احسن يا سدين ديريله حدود
.
.
سدين : ليش التمثيلية هذي
مهند : شوفي وراك
سدين : حي هذيما امتى ناضوا
مهند : هضا عليش قلتلك لان قلتلهم بنمشي نفجعها
سدين : اهااا فهمت
مهند : امم سدين
سدين : عارفتك بتسألني على امس
مهند : فكرتي ولا مزال
سدين : توا كنت نفكر بس خايفة يجي يوم وينقلب الي كابوس
مهند : وعددد كل ما انتي معاي الدمعة مش حتنزل من عيونك
سدين و عيونها على البحر: موافقة
مهند بفرح : جددد سادين متكذبيش مش مقلب
سدين : و الله جد الجددد هي هههههه بالشوية راهم مركزين علينا انا بنمشي
مهند : هيييي يا خوافة
سدين : خوافة في عينك
مهند : هههههه
مروة : ربي يدوم هه
سادين تجاهلتها : اوو امتى نضتوا
مؤمن : مقدم جدك
منصور : نسسسمع راه
كلهم : ههههههههههه
حليمة : نبي نمد رجيلاتي من بيجي معاي
منصور : هي تو انجي
(قعدوا يصفقوا و يصفروا و يضحكوا )
حليمة : حي حي تحشموا شيء حتى ذرة مفيش هههه
منصور : تعالي تعالي يحسابوا روحهم هما بس شباب
(مشوا الجد و الجدة وقعمزوا على البحر والاحفاد يضحكوا و صوروهم وبعدين كل حد مشى في حاله )
منصور : اللله الجو
حليمة : الايام بسرعة مايمشن
منصور : اولادنا و احفادنا
حليمة :و فاطمة الله يرحمها كانت اطيب وحدة في خوتها وسهام خدت منها في الشكل و التصرف
منصور : هييي بالله
.
..
سراج: يا خونة كيييف اتجوا بلااااي كيييف
مؤمن : اووو كابتن حمد الله على السلامة
سدين : حي صوت سراج (وطلعت قدام الحوش امتاع الشاليه لقاته مع مؤمن )
سدين : حيي سرااج امتى وصلت (وسراج مصدوم لان خلاها في حالة لا يراث لها و توا تضحك و رايقة ) سراج : اوووو سدو تعالي
سدين : استاحشتك
سراج : وين يافرخة متقوليش نسأل على خوي لا شيء
سدين : و الله ديما نسأل عليك و أسأل سامر
مؤمن : نحن هنااا

سدين : خلي الخوت في حالهم هههه
سراج : وين الباقي
سدين : كل حد في تركينة
.
.
عند سعد :
.
(كانوا يوتوا لبيان حنين اخت سعد )
وفاء : عمتي نبي نفتح موضوع مع سعد بس خايفة
امه : شن هو
وفاء : نبي نمشي اندير كشف
امه : ليش
وفاء : عشان نتطمن (امه خافت ان تعرف وتسيبه )
امه : مزال يا بنتي بكري
وفاء :ربي يستر
حنين : نبي نطلع نشري قفطان للبيان
وفاء : سعد قريب يجي قوليله
امه: وراك تنسي الحلويات مخلصناهنش
حنين : اييه و الشكلاتة و الموالح (الحار)
وفاء : هذين عليا هدية مني
امه : الله يربحك يا بنتي بنت اصول
حنين : نردوها ليك في الافراح ان شاء الله
وفاء :هالحاجة الكبيرة مدرتش غير الواجب
.
.
فاتن ثلاثة ايام الشاليه ضحك و لعب وبعدين روحوا
.
سامر و سراج يهدرزوا :
سامر : في حد يبي سهام
سراج: من  هو
سامر : دكتور آدم كان عرفته
سراج : ايه عرفته مشاء الله شفته في المستشفى خلوق
سامر : ايه بيجيب امه و وحدة من خواته بكرا
سراج : تو انقوللها
سامر : تمام هي ناديها و انا بنرقد عشان انوض انجيب الحاجات الناقصة بس متقوللهاش ان آدم هو يلي بيخطب
سراج : تمام ( نادا سهام و جاته وقاللها ان في حد متقدملها و بيجي بكرا )
سهام : بس انا منبيش
سراج : زيدي فكري مرات يطلع كويس
سهام : سراج لو سمحت محد يضغط عليا
سراج : بس هو .......
.
#يتبع
شن مصير أسامة ؟!
سهام هل بتغير رأيها بدون مايشك خوها ؟؟
وفاء شن ردة فعلها لو عرفت بالقصة ؟؟
سامحوني واخدة بردة مقدرتش نكت الا توا 💔
#رواية_المجهول
#rwayat_br0o