المجهول 💗 ( روايات ليبية ) مكتملة

الحلقة 21 💗

المجهول 21 .
.
يوسف : فلوس شن ؟؟؟
مروة : ا ا ا (وسمعت الباص جاء ) حي حي الباص يبيب (ومشت وقبل ماتخش للباص كلماته وقالتله على يلي صار )
...: تو نسبقك على الكلية اول ماتنزلي عارفة سيارتي تعالي طول
مروة : تمام هي
(وصلت مروة و خدت الفلوس وقعدت ادور في البنت لين لقتها )
مروة بتنفير : هاك
بنت : أختي زادت المبلغ لان هو سحر مش شوية
مروة بخوف :اسسسس راه حد يسمعك
بنت : باه المهم هاك هضا واتي وبكرا جيبي 2000
مروة بفرح : تتتماام (خدت مروة السحر بعيد عنا ودساته و مشت للتوأم )
مروة : السلام عليكم
التوأم : وعليكم السلام
مروة : عارفتكن زعلانات مني انا آسفة على كل حاجة وانتي بدات سدين كنت مريضة يوم هزيت عليك آسفة وفي الاخير نحنا هل
سدين : الله يسامحك كلنا نغلطوا
تالين : مع اني مش متريحة لتغيرك المفاجئ بس يلا حنصدق انك تغيرتي
مروة بخوف : ا ا عادي ق قصدي امبارح فكرت ان يلي اندير فيه غلط و صححته بس
تالين : هيا المحاضرة
..
.
في حوش فرج :
.
سراج : بيانكن بعد اسبوع يعني وتن من توا
سهام : والعرس بعد شهر ؟؟
سراج : تو سامر يروح و نسأله ، المهم هيا انتن وتن روحكن نطلعوا ناخدوا حجاتكن
سمر : تمام و انقول لتالين و سدين لان اليوم عندهن محاضرة وحدة
سراج : غير وتن روحكن تو نكلمها
(سراج اتصل على تالين لقاها مقفل قال اكيد قاعدة في المحاضرة دزلها مسج وقاللها انهم طالعين للسوق و بيتأخروا )
.
.
عند محمد :
.

سامية :شكلكم طالعين
محمد : ايه بس مش حنطولوا ندهوروا بس
أسامة : اليوم مفطرني برا الاخ
سامية : ايوا سلم وليداتي متتأخروش متشغلونيش عليكم وانت أسامة رد بالك مش كان طلعت من المستشفى خلاص راه
محمد : متخافيش انا معاه (وسلموا على رأسها وطلعوا )
سامية : ياارب احفظهم و نور طريقهم
في السيارة :
محمد : شن رأيك نمشوا للبحر
أسامة : عشان هذك البنت (محمد حاكيله القصة كلها)
محمد : هههه وين هي معش اتجي للبحر اصلا
أسامة : به وانت تراقب فيها اتجي ما اتجي
محمد :تصدق لو انقولك آمنت بحب من اول نظرة أنا محمد لما شفت دموعها نهرت بس لما ضحكة رد ضحكتي
أسامة : تندريش مرات تكون هي نصيبك
محمد : ان شاء الله هي ننزل ناخد الفطور وجاي
أسامة : تم
.
.
في الكلية :
تالين : سدين
سدين : ها
تالين : عصا ، توا لقيت مسج من سراج ان هو و سهام وسمر طالعين للسوق وقال بيتأخروا
سدين : خزي خونة طلعوا بروحهم
تالين : نمشوا للبحر
سدين : فكرة هي
(وهما طالعين لقت مهند واقف مع مروة قعدت اتشوفلهم وهما منتبهوش )
مروة : انا معنديش رصيد عشان نكلم يوسف والباص تأخر شكله
مهند : اهو روحي مع سدين و تالين
مروة بخبث : هه قلتلهن بس قالن ان ميتشرفنش وحدة زيي تركب معاهن (ودروحه قعدت تبكي) صح كنت  منتحشمش بس خلاص اعترفت و تغيرت ليش الناس هكي ليش ؟؟
مهند وجعاته : اس خلاص مروة متعدليش عليهن اصلا حتى هنا قعدن متكبرات و مش عارف كيف ها خليه سر هههه
مروة : هههه تم
مهند : تو نمشي انجيبلك رصيد وانجي
مروة : سامحني تعبتك معاي
مهند بإبتسامة : مدرتش شيء انا (وقعد يشوفلها)
مروة: احم كنك في حاجة ؟
مهند : لا هي ماشي ..(خلت مهند مشى واتصلت )
..: ايوا
مروة : البشارة
...: شن
مروة : تمتت القصة بنجاح و السحر وقعد معاي و مهند كره سدين هي توا جاء دورك
...: لا دوري يجي بعد تتجوزوا
مروة : هههههه خلاص معناها شهر بس و أبدأ وتي لعرس خوك هههه
مراد : طلعتي ذكية بس السحر هضا بتجيبيه للحوش ؟
مروة: ايه متخافش مش حيأثر عليك
مراد : تمام و الفلوس
مروة : تبي 2000 بكرا
مراد : مصح وجههه هالبنت طماااعة
مروة : لو تبي سدين
مراد : اوووف خلاص تو انجيبه ليك بكرا
مروة : تمام (وسكرت وبعد تلفتت لقت مهند جاي من بعيد ) ، خوك وباعك عشان بنت ومن هه سدين شن امدايرة فيكم هالبنت بس صدقني شهر وانكون مرتك .
مهند : تأخرت عليك صح
مروة : لالا عادي
مهند : هاك عبيه
مروة : شكرا (ودارت روحها ادور في فونها في الشنطة)
مهند : شكلك ملقيتيشي
مروة: والنبي رن عليه
مهند : بس عنديش رقمك
مروة: هاك سجله هي تأخرت 091.....(مروة امقايلة للباص انها بتروح مع خوها )
مهند : اهو يرن
مروة : اه هو  لقيته ، شكرا (ورنت على يوسف و جاها )
في البحر :
محمد : الله منظره بروحه يرد الروح
أسامة : ديما مكانك هنا انت
محمد : هك نحس في روحي احسن بواجد
أسامة : حتى انا
محمد : نسيت فوني في السيارة بنجيبة مرات امي ترن
أسامة : تمام
(مشى محمد يجيب في فونه و أسامة يفكر في هله و حياته قبل وكيف ربي عوضه ب محمد و أمه ويلي حسها نفس امه في مدة قصيرة )
محمد : حي سيدة مجهولة شن اديري هنا
تالين : او سوري منحسابش البحر ليك .
محمد : هههههه وانتي كلمتك واتية المهم اكيد هذي توأمك
تالين : اها ، شكلك مروح
محمد : لالا جاي انا وخوي ونسيت فوني في السيارة بنجيبه

تالين : امم تمام هي
سدين : انا نبي نتمشى بروحي (ومشت كانت متضايقة)
محمد : سيدة مجهولة نبي انقولك حاجة
تالين : شن
محمد : اصبري انجيب فوني وانجي
تالين: تمام ...(جاب فونه و جاء)
محمد : صالحة امي
تالين بفرح: جددد
محمد: و الله
تالين:نفسيتك تغيرت صح
محمد:و واجد اخرى
تالين:و خوك هضا شن قصته انت قلت معندكش خوت .
محمد: هضا قصته طويلة
تالين: شن هي ؟؟
محمد:(وحكالها القصة من اولها لآخرها )
تالين: يا روحي يسخف
محمد:ايه وانتي كنها اختك
تالين:متعاركة مع حبيبها
محمد: وانتي
تالين : شن انا
محمد:شيء شيء
تالين:محمد ( كانت اول مرة تنطق اسمه و هو حس بقشعريرة في جسمه و فرررح )
محمد:ن نعم (ورن فون تالين وكان سراج )
تالين :ايوا سراج (محمد سمع صوت ولد وقف وقعد يشوفلها )
سراج:طلعتن ؟؟
تالين:ايه و قاعدين على البحر يلي يالا الكلية لانها حست روحها متضايقة خفت تردلها حالتها
سراج: تمام بس متطولنش
تالين : حاضر و شكرا على الهروب
سراج : ماه يا حمارة سهيب (خطيب سمر ) يبي البيان الاسبوع الجاي و حتى سهام معاها
تالين : كذاب
سراج : و الله
تالين : حتى انا ناقصاتني حاجات واجد وراك تنسى تخبر خوالي
سراج : سامر خبرهم و تعالي انتي وسدين لمحل ..  في ...  نحنا غادي
تالين : تمام شوية هك وانجوا
سراج : تمام هي وجك
تالين : وجك (وسكرت) ، كنك اتشوفلي هك
محمد : شيء
تالين : خوي راه هضا
محمد : عطيني رقمك نبي نتواصل معاك ارجوك
تالين : لا لو تبي تتواصل معاي انا كل فترة انجي هنا تو نحكوا وهي توا لازم نروح
محمد: تمام
تالين : اضحك عشان مفيش حاجة تستاهل راه
محمد ابتسم : كويس هكي
تالين : ايه هي  في امان الله
محمد : سوقي بالشوية متجريش
تالين : حاضر (ومشت كلمت سدين ومشوا وين ما قاللهم سراج ومحمد مشى لأسامة وحكاله كل شيء )
.
في الليل :
في حوش عيسى :
مروة : بنمشي لمرام نكسد عندها
مهى : ايه كساااد بكل انقول لامي بلكي تمشي
نجاة : مخاطريش اهو اياد طالع طالع قولله يوصلكن
مروة : ايااد
اياد : ها
مروة : وصلنا لحوش عمي مسعود بنهدرزوا على مرام
اياد : هي بسرعة ( لبسن بسرعة ومشن ولقن البنات مش قاعدات عند خوالهن و رؤية قاعدة بروحها و مروة فرحت عشان تحط السحر في دار مهند )
مروة : عميمة نركبوا البلكونة عادي
رؤية : عادي اركبن تو نلحقكن (وديار النوم كانن فوق و مراد دزلها مسج وقاللها ان الثانية على اليمين دار مهند و خلت مهى في البلكونة ودروحه بتخش للحمام و مشت لدار مهند )
مروة: الله تهبل ونظيفة بس وين نحطه ، حي اهي ندفنها في الوردة(مهند عنده سطل فيه وردة في الروشن ) ايوا (وهي تنفض في يديها من التراب تتلفت وتلقى ...
.
.
السحر ربي يبعده علينا كثر في وقتنا هضا و الناس قعدت معش تخاف ربي
والاخ كيف سلم في خوه هل بينفضح كل شيء قبل فوات الاوان او لا!؟؟
عطوني رأيكم في الرواية من البداية لحد الان ❤
#رواية_المجهول
#rwayat_br0o