المجهول 💗 ( روايات ليبية ) مكتملة

الحلقة 2 💗

المجهول : 2
.

سامر : بمأن كلكم هنا نبي انقوللكم حاجة
فاطمة :ان شاء الله خير
سامر : قبل سنة .
رواد(صاحبه): اوي سامر تعالى اسهر معانا اليوم
سامر : وانت قلتها مليت من روتين العيادة
رواد : اركب سيارتك والحقني 
سامر : هي
(رواد ركب للسيارة واتصل)
رواد : ايوا ، قتلك مشت الخطة وصاحبنا وراي ههههه دير جوك المهم ميفطنش رد بالك الحبة تلقاها في .... تمام هي نحنا قريب نوصلوا
سامر : حلو المكان
رواد : امتى مايخطرلك تعال عادي
سامر : لا وين حتى مرة في السنة كويس ههه
سعد: اهلين انستنا سامر (وشاف لرواد بخبث)
سامر: الله يآنسك
رواد : انقمعزوا هنا احسن
سامر : اها احسن
سعد : بنخش اديرلكم طويسة شاهي تخدر عقولكم
سامر : هههههه تقول تقرأ في خاطري انت
سعد : كيف عاد (وخش دار الشاهي وحط حبة من المخدرات لسامر ) ، هي تفضلوا
سامر : بارك فيك (خدا مش نفس الطاسة امتاع الحبة)
سعد: ااا لا خود هذي
سامر : عليش
سعد: عشان انا ورواد نشربوا فيه بلا سكر
سامر : اهااا (وخدا طاسته وقعد يشرب حس بالدنيا غبشت قدامه )
رواد : ههههه راح صاحبنا
سعد : نعطوه طاسة
رواد : اعطي
سعد : سامر هاك
سامر : ش ش شن
سعد: حاجة تنسيك كل شيء
سامر : ه ه هات (وشرب مع الاسف اول كوب الخمر )
رواد : سامر نوض روح وقت
سامر : ا ا ايه ه ه ه هي سلام (وناض وهو فاقد التوازن قعد ربع ساعة في السيارة لين نشط شوي )
رواد، سعد : هههههههههههههه
سامر: وووه (وفقد السيطرة على االسيارة وكانت الساعة 10 في الليل ضرب راجل كبير في العمر كان بيقص الطريق بيمشي لسيارته )
سامر : لما شفت الراجل بدمه ركبت و جريت بأقصى سرعة منبيش حد يلحقني مشيت للعيادة و غسلت وجي وقلتلهم نبي اناوب هنا وقلتلكم اني امناوب اليوم  ليا سنة وانا عايش مع الكابوس هضا سئلت على الراجل طلع عنده ولد واحد و يقرأ في كلية المحاسبة و حالتهم كويسة
كلهم : مصدومين
سدين : هههه حلو المقلب
سامر : مقلب ! لان حياتك كلها مقالب تحسابي حياتي زيها ؟؟!
فاطمة : تعالى هنا وقول كذب مستحيل انت يااا سامر مستحييييييل وللللدي مش هك ربيته مششش هك
فرج : معقولة ولدي قااااااااتل ولدي يلي نفتخر بيه قدام الناس دكتور يطلع قاااتل
سامر : ساااامحوني بالله عليكم هي غلطة وعارف ان مستحيل تغتفر
سراج : تقول حلم
تالين تبكي : حراااام عليك حراااام
سامر : خلااااص قلتلكم غلطة و مش بقصد نموت حتى انا عشان تتريحوا ولا شننننووو (وناض)
فاطة : اااااااه ياربي من وين طلعت هالقصة ، تالين ماما تعالي متخافيش
تالين : حرام والله حرااام (وجت قعدت شادة في امها وتبكي وكلهم واجعتهم حالتها لكن خلاص  تالين قبل خمسة سنين معش ترد و حالة سامر وقصته)
.
في حوش محمد
سامية : محمد
محمد : ها
سامية: شيلني
محمد : وين ان شاء الله
سامية : لحوش خوالك
محمد : اووف منيش فاضي اليوم
سامية بغضب: يا ولد احترمني حتى بالكذب راني امممك اممك حيجي يوم وتندم واتقول لو تردي دقيقة بسسس
محمد : كملتي كلام لان طولت (وطلع)
سامية : يااااارب
.
.
في حوش فرج
.
فاطمة وهي تحاول تغير الموضوع: امبكري كلمتني سالمة وقالت مسعود مروح بعد يومين وبنتلاقوا اليوم في حوش بوي عشان نوتوا كم حاجة
فرج : تو يشيلكم سراج
تالين بصوت واطي: اووف معنديش نية
سدين : اس راه تسمعك ماما
سهام : حتى انا
سمر : نمشوا انشوفوا الاوضاع ونروحوا ، شن رأيكن؟
سادين: هي نوضن
سراج: مشش مطولين راه
فاطمة : تعالى الساعة واحد
سراج: تمام هييياااا ساعة وانتن تبدلن
سهام : اهو نزلنا
سادين : شكله عندك موعد مهم
سراج: سدين اليوم بدات معنديش خلوق لسماطتك
سادين : هو من عنده خلوق ؟!
سراج : اطلعي بلا دوة زايدة
.
..
في حوش الجد :
الجد (منصور )
الجدة (حليمة)
مروة : شكلنا الاولين
مهى : هكي الباين ديما بوك مركب فينا حتى الوشاح ماسقمته
نجاة : خشن بلا فترمة زايدة
حليمة : تعالن انا في الكوجينة
مروة : هييي عزوز في الكوجينة
مهى:بالله اسكتي انا العزوز هي صحتها احسن مني
نجاة : كيف حالك ياعمتي
حليمة : كويسة (سلمن عليها )
نجاة : كان خليتي نحنا درناه
حليمة : هي شوية كعك مالح مسعود يحبه
نجاة :ربي يخليك ليهم ان شاء الله
حليمة: ان شاء الله ،وين الاولاد مالا
نجاة : هما وعيسى مشوا لجدهم
حليمة :اه باهي مالا
.
يوسف : خير ياجدي
منصور : اهلين اهلين بوليدي
اياد : وانا مش وليدك 😢
منصور: هههههه كلكم ولادي
عيسى : السلام عليكم
منصور : وعليكم السلام
يوسف : جاء وليدك الحقيقي ههه
اياد في صوت سيارة برا
منصور ترا شوف
اياد : تمام (طلع لقاها سيارة سراج )
سراج: اهلين ولد خالي
اياد : اهلين ولد عمتي خش جدك جوا
سراج: هي تو نخش
(التموا كلهم  والصبايا بدن يديرن في حلويات والبنات يوتن في المسير و الرجالة اتفقوا بيذبحوا جمل)
سالمة : فاطمة وجك مش عاجبني شن صاير معاك

فاطمة : ههه غير مش راقدة كويس بس وفي خاطرها شن بنقولك ولدي قاتل
حليمة : يافرخات ليش متخلنش امكن ترقد .
سادين: تيتي ماما مابدها تنام نحنا شو دخلنا
حليمة : تكلمي كويس يافرخة خير مانحطلك هالعجينة على وجك
اياد: ديروا شاهي
مروة : كم مرة بتشرب شاهي
اياد : شن دخلك بعدين الشاهي الرجالة مش ليا
وداد : تو انا اندير
مهى بالصوت الخفيف: ناضت الخفيفة تحساب امي بتاخدها كنة
مروة : ههههههههه (كلهم شافولها ، و وداد فهمت ان عليها الكلام وجهها تغير اياد طلع قعد واقف قدام الكوجينة ) ، احم آسفة بس مهى قالتلي نكتة
نرمين: النكتة تنقال علنيا مش بالتوشويش
حليمة : خلاص انتي وياها
وداد : مهى ولا مروة هاك الشاهي مديه لاياد
مهى : يدي فيها ثومة
مروة : يدي فيها فلفل شيليها انتي
وداد طبست عليهن الاثنين : التفكير الوسخ خليته ليكن 😋
مروة و مهى : 😦😦!! مش فاهمات شيء
وداد : هاك اياد
اياد : ....
.وداد : شن 😱!!

يتبع ...
شن رأيكم في الحلقة ؟؟
شن تتوقعوا مصير محمد ؟؟
و كيف حيعيش سامر بعد اليوم؟؟
واياد شن يلي قاله لوداد خلاها تنصدم ؟؟
#رواية_المجهول
#rwayat_br0o