المجهول 💗 ( روايات ليبية ) مكتملة

المجهول 2 ح الأخيرة الجزء الاول

المجهول 2 الحلقة الاخيرة :
.
أسامة : خدامة جيرانا هههههه
محمد : مبردك خليتني نتحمس على الفاضي
أسامة : كل ما تطلع اطلع شكارة الكناسة (حشاكم) تقعد اتشوفي واتقول في كلام هههههه
سامية : معش في حشم ، غير قولي حاط عينك على بنت هكي ولا هكي
أسامة : لا والله مفيش حاليا
سامية: ان شاء الله تلقى بنت الحلال واتجيني اتقولي يا أمي اخطبيلي
أسامة : ان شاء الله يارب غير توا انسقدوا الافندي هضا
سامية : خطرها امتى بيجوا العمال
محمد : بكرا كان سخر ربي (محمد بيسكن في الجناح الفوقي بوه كاين بانيه ليه من قبل بس لان الطراز قديم فبديرله صيانة )
سامية : باهي على خير إن شاء الله
.
.
فات أسبوع و مراد مختفي ومهند انتقل للشقة الجديدة و تالين كل يوم تطلع تشري وحتى سراج قاللهم اشروا ل نرمين كسوتها من هنا لان بيديره مع تالين وسامر و وئام أمورهم تمام وعرف انها صاحبة سمر وحتى هيا تطلع معاهن للسوق .
.
.
في حوش سعد :
وفاء و حنين في الدار و الحوش معبي لان اليوم الاثنين و الثلاث السهرية الكبيرة :
وفاء : هههههه جاء عرسك
حنين : اخييي عليك احساس 💔
وفاء :  تو تتعودي
حنين : وفاء
وفاء : نعم
حنين : ردي بالك من أمي
وفاء : حنين نهاري انتي توصي فيا على امي راه حتى لو جت فترة وعاملتني معاملة مش كويسة عندها الحق ولدها الوحيد طلع وخلاها بس أهو ردت كويسة
حنين : ربي يعطيك على قيس نيتك انتي و سعد
وفاء : آميين ياارب وان شاء الله ربي يوفقك في حياتك الجديدة
حنين : إن شاء الله يااارب ، هي تعالي نفرشوا  قريب تبدأ السهرية
وفاء : لالا خليك تو نفرش بروحي انتي عروسة
حنين : وانت الصادقة هروسة
وفاء : هههههه
.
.
عند شخص ثاني :
....: الكمية بعد يومين بتوصل منبيش اي غلط
....: حاضر
.....: وخبر يلي معاك ياخدوا بالهم كويس
....: حاضر
....: ونبيها كلها تتوزع في نفس الوقت وومنبيش اي حركة غريبة مفهووم
....: مفهوم يلي تبيه حيصير
...: بعد ما تكملوا توزيع حنجيكم في المقر عشان نوزع عليكم الفلوس
....: حاضر
....: و الشخص الجديد متشيلوشي معاكم مزال
....: بس هو يبي يوزع معانا
...: قلت كلمة متشيلوشي لين انجي وانشوفه
....: حاضر
....: امشي خبرهم بيلي قلتلك عليه(وسكر)
....: هضا الرئيس قاللكم (وحكالهم)
....: يعني انا حنقعد
...: اها هذين اوامر لازم يتنفذن
....: تمام
.....: الكمية يلي بكرا جاية حتتوزع بشكل سري بين مدارس الثانوية و الكليات
.... : تمام ، بس الثانوية بنعطوها لنفس الشخص يلي قبل ولا ؟
.....: ايه والكليات حتى هنا
....: تمام هي انا بنرقد
.
.
عند مهند :
مروة : شن هالشقة اتقول قبر
مهند : قبر !! هههههه اصلا لو انتي تعرفي حاجة اسمها قبر و عذاب و حساب و آخرة مكنتيش درتي هكي
مروة : مصر انك اذكرني انت
مهند : نعم وفوق منها اتكلم فيا برأس خشمها تي احمدي ربك رضيت انردك ولا كان انا راه قاعدة محبوسة
مروة : شن في رأسك
مهند :  شرايين و اوردة مخ و مخيخ
مروة : انا بنرقد تصبح على خير
مهند : وين وين أنا جيعان نبي مكرونة
مروة : هيي مكرونة توا الساعة 1
مهند : نعم ؟؟ يلي انقول عليه اتنفديه ولا نقلب للوجه الثاني و كان مش عاجبك ديريلي سحر يخليني كويس معاك (مروة ناضت بدون ما ترد حطت الطبيخة على النار وهو مستمتع بعذابها الساعة 2 الا طابت المكرونة حطتها ليه و مشت رقدت وهو كلا منها والباقي حطها في الثلاجة ورقد حتى هو )
.
.
ثاني يوم 🌄

في حوش مسعود :
.
مرام : ماما
رؤية : امم
مرام : ياريتنا ما روحنا ل ليبيا
رؤية: ليش ؟؟ شن خطر عليك على هالصبح
مرام : لان غادي كنا ديما فرحانين و مراد و مهند مع بعضهم و خوت واصحاب وشوفي توا كل واحد في مكان متقاطعين و الله اعلم بالسبب يلي خلى مراد  يدير هك في مهند توا قعد مؤمن و الله اعلم شن وراه حتى هو
رؤية : ربي يفرجها علينا وخلاص
مرام : آمين ، شن رأيك نمشوا لعمتي خيرية
رؤية : تو انقول لمؤمن يشيلنا بعد العشاء
مرام : كلمت امس وداد قالت احتمال سراج و تالين مع بعضهم
رؤية : ربي يهنيهم
.
.
في تركيا :
تالين : امشن بروحكن اليوم و الله كرعيا خلاص
سمر : تي نوضي نهارك مزالك الاحذية
سدين : خليها تو انا انجيبلها
سهام : ومزال القفطان الكبير ل نرمين
تالين : خلاص والنبي خلوني تعبانة و الله
سدين : هههه ترا عيني في عينك
تالين : يا باردة
سدين : بتكلمي محمد ولا هههه
سهام : خلاص خلوها نحنا ناخدوا الناقص و انجوا وتيلنا الغداء
تالين : جيبوا من برا حلوة قاعدين في تركيا بلاد وكال السمح و انطيب امشي
سمر : هههههه خلاص اسكتي وانتن هيا الباص قريب يجي
سهام : هي ردي بالك
تالين : و الله فهمت ، خطرها وئام بتمشي معاكم ؟
سمر : قالت عندها كلية اليوم
سدين : تي هيااا (وطلعن البنات و تالين دارت دورةعلى الشقة و غسلت الدبش و كلمت محمد ومحمد كاين مع العمال فمسمعاش)تالين : بسم الله هضا كنه مايرد (دزتله مسج ورقدت وهيا راقدة حلمت بأمها  )
تالين : ماما استاحشتك
فاطمة : عروستي الحلوة كبرتي
تالين : 😭😭
فاطمة : نزعل منك راه
تالين : ل ل يش خليتيني بروحي ليش مشلتينيش معاك
فاطمة : يا بنتي مش بيدنا الاعمار بيد ربي وتوا محمد يعوضك
تالين : بس الدنيا كلها متعوضنيش عليك (وناضت مفجوعة من رنة فونها وعرفت انها كانت تتخايل وقعدت تبكي ليش فشت غلها وكلمت محمد )
تالين : الو
محمد : كنه صوتك
تالين: كنت راقدة بس 💔
محمد : اه فجعتيني مالا مطلعتوش اليوم
تالين : خواتي طلعن انا حسيت روحي تعبانة فممشيتش
محمد : هي كيف مخلياتك بروحكك
تالين : امان هنا مفيش شيء ، المهم قولي كيف حال الصيانة
محمد : معش مزال واجد ، امتى بتروحوا
تالين : الاسبوع الجاي
محمد : تمام معناها انديروا الفضانية بعد ما تروحوا بأيام
تالين : تمام و حتى سراج معانا عرسه
محمد : ايه كلمني وقالي (و هدرزت معاه لين اسامة نداه )
أسامة : تعالى شوف الزواق
محمد : هيي جاي ، خلاص توا بنسكر في امان الله
تالين : في امان الله
.
.
سدين : تعالي نخشوا ل Zara عندهم احذية حلوة
سمر : هيا وبعدها بنمشي ناخد حاجة ناكلها نحس في روحي بندوخ
سدين : هيي (خدت أحذية ليها هيا و ل تالين و طلعن قعمزن في Starbucks و طلبن و قعدن يهدرزن )
سمر : هي نوضن يا الله انلحقوا نكملوا الاحذية اليوم
سهام : هي نوضن حتى انا بندور قفطان ل روحي
سدين : 😦 ب ب ابا 
.
#يتبع
هضا الجزء الاول من الحلقة الاخيرة ❤
تتوقعوا من يكون تاجر المخدرات ؟؟
وكيف حتتصرف سدين ؟
حلم تالين هل حيكون ليه صلة في الواقع؟
الحلقة حتكون جزء حزين و جزء سعيد لان هيا الحياة هكي حزن و سعادة ❤
#رواية_المجهول
#rwayar_br0o