المجهول 💗 ( روايات ليبية ) مكتملة

الحلقة 7 💗

المجهول:7
.
.
سمر خشت لسهام في الدار : سهاااااااااام
سهام : ها بسم الله شن فيك
سمر: أ أ مي
سهام وقفت : كننها
قبل دقائق ....
سمر : هيي وجدان غريبة ، الو وجدان
وجدان: اهلين سمر ، كيف حالك
سمر : كويسة الحمد الله كيف حالك انتي
وجدان : تمام ، لا بأس على امك و الله توا قالتلي ورود (اختها ) وجعتني قلت لازم نكلمك نسألك عليها
سمر حاولت تدارك الموضوع مع الصدمة : اا الله لا يواريك بأس ، عطيني ورود شوية نبيها
وجدان : هاك اهيا معاك
ورود : اهلين سمر لا بأس على امك
سمر : الله لا يواريك بأس ، ورود احكيلي على حالة امي(متبيش اتقوللها شن مرضها لان احتمال متخبرهاش )
ورود : طبعا كيف ما تعرفي امك عندها مرض  اسمه  التهاب السحايا هو التهاب الأغشية الواقية التي تغطي المخ والحبل الشوكي  وهذين الاثنين اخطر حاجة في الجسم ومرات لو مسعفتوهاش بسرعة احتمال لاقدر الله تفقدوها  (سمر سكرت معش قدرت تسمع اكثر ومشت لسهام )
سهام : تتتتكذبييي صحح
سمر :و الحلللل توا شنوو
سهام : تعالي معاي
.
.
(في دار تالين و سدين )
.
سدين: تالين شن اديري
تالين : شيء فاتحة الفيس ، كنك تبي حاجة
سدين : لالا غير فضول
تالين : اها ...
سدين : اوي تالين
تالين : ها
سدين : عصا ، و الله خاطري في كيكتك هي
تالين : اتقولي عصا وبعدها اتقولي خاطري في كيكتك كيف جت
سدين : باهي باهي انا يلي خاطرك فيه انديرلك فيه منخليش في خاطرك شيء
تالين : باهي اسكتي الهم تو نمشي لماما انقوللها اتقول لسراج هو جاي يجيب معاه لوتس و كريمة
سدين حضنت تالين : تي انتي احسسن اختك
تالين : حولي يا مصلحجية بنمشي لماما
سدين : ها حولت 😒
.
.
سهام تبكي: بالله عليك متحرميناش منكك
فاطمة : يابنتي هضا قضاء و قدر من ربي وانا كنت منبيكمش تسمعوا لان عارفتكم شن حديروا
سمر : هي عملية ديريها نحنا مزال محتاجينك و سامر يا ماما وتالين اكثر اثنين محتاجينك
تالين خشت : انتم ش شن تحكوا ماما كنهن هذين معاك
فاطمة : ش ش شيء غير سهام تبي حاجة ومعطيتهاش
تالين : تحسابيني صغيرة سمعت راه ماما انتي كنك مريضة شننن فيك وعملية شن يحكن عليها
(فاطمة حست بالدنيا تلف بيها فجأة )
سمر : ماااااامااا
تالين : مااااما متخلينييش بالله علييك ماااما نوضي نبي انقولك حاااجة مااما
سراج جاء يجري و خدا امه وحطها في السيارة ومشت معاها سهام
سدين كيف طالعة من الدوش : ت تالين ماما وين وليش تبكوا
تالين : ماااااما بتريح منا يا سدين بنفقد حددد ثثاااااني (وبدت تخبط جت سمر سدين شدنها )
فرج كاين برا كيف خاش شاف منظر البنات خاف : شن في ؟
سمر : م م ماما تعبت
فرج : ويينها ، ردددن ويينه
سدين : في المستشفى معاها سراج و سهام
(اتصل فرج بسراج بس ميردش اتصل بيه كم مرة بس محال يرد )
#في المستشفى 🏨
سهام حكت لسراج على مرض امه بعد ماصلوا خشوا لقسم الطوارئ
سراج : سهام خليك هنا بنكلم الدكتور و بنجي (سهام هزت برآسها بس و كل تفكيرها امها يلي بين الحياة و الموت )
الدكتور ادم: المريضة محتاجة عملية
سراج : عملية شنن
الدكتور ادم : عشان يحولولها الاغشية الملتهبة
سراج : وامتى العملية
الدكتور ادم: مش عارف بكرا الاطباء يكونوا موجودين يقرروا امتى  بس توا خليناها في العناية
سراج : نقدر انشوفها
الدكتور ادم : هي راقدة مش حتستفيد شيء
سراج : مش حنطول هي امي ارجوووك
الدكتور ادم  : الام واعرة فقدتها ااااااه الله لايذقكم ليه ، خش خش وتو الممرضة تعطيك الحاجات يلي تلبسهن .
.
.
عند محمد في ☕
.

اسامة : محمد ليش مديرش مشروع
محمد : زي شن مثلا
اسامة : معرض سيارات وعمك يلي عنده شركة التصدير و التوريد يجيبلك
محمد : مش عارف هي نوض ليل تأخر
اسامة : هي
.
في السيارة هما يهدرزوا
اسامة : محمد
محمد : انت متملش محمد محمد شن تبي
اسامة : ليش متعاملش في امك كويس امبكري سمعتك كيف تهزب فيها
محمد : تي شن دخخخلك شن د خ لك
اسامة بعصبية : تي ناااااس يتمنوا امهم تررررد ثانية بس عشان يقولولها سامحيني عشان يضمووها انتت امك قدام عيونك و هكي تعامل فيها
محمد ب برود مصتنع : وانت اتقول امك متوفية والنبي اسكت
اسامة : ايييه متوفية من لما كنت تاسع و الله يا محمد بيجي يوم وبتندم
محمد : هييي 💥$*$#@'':$#&(محمد فقد التوازن على السيارة )
محمد : كلله منك الهم كان مسكر فمك ، اححح يدي
اسامة : لا حول ولا قوة إلا بالله اركب في مستشفى قريب اركب
محمد : 😒 اركب
في حوش فرج :
سامر : أممممي
سمر،: هه امك امشي نادي عليها في المستشفى
سامر : مستشفى شن اتقولي
سمر،: امككك ليها 3 ساعات في العناية و حضرتك جاي تنادي فيها
سامر بخوف : عناية !؛ ا ا اي  مستشفى ؟؟
سمر : مستشفى ....  سراج كلم بابا و خبره ومشالهم
(مشى سامر لسيارتهو متوجه للمستشفى وخايف انه يفقد امه )
سراج وهو يبكي وشاد يدها: ماما بالله عليك متسيبينيش استاحشتك نووضي اول مرة نحس روحي وحيد توا انا بلاك منسواش شوفي جيت بنخبرك مزال شهر ونقعد كابتن نقعد انجيك ب بدلة يلي حلمتي اتشوفيني بيها ومعاي شهادتي والنبي ماتخلينا
الممرضة : انتهى الوقت ممكن تطلع
سراج سلم على رأس امه : تو بكرا انجيك يا الغالية (هو طالع لقى بوه برا )
فرج : ها طمني
سراج : الدكتور قال (وحكاله )  .
.
.
في حوش عيسى :
مهى : مروة
مروة : امم
مهى : شن رأيك في سامر
مروة : بارد و دراه و مينطاقش
مهى: اكيد عشان معطاكش وجه
مروة : هه اني بجمالي هضا ميعطينيش وجه نية انتي
مهى : مالا يوم مرواحة عمي مسعود شن 😂
مروة : 😒😒
مهى. تقلد : هه اني بجمالي هضا ميعطينيش وجه نية انتي  ، من نية توا ههههههههههه
مروة :به خلاص سكري فمممممك
.
سامر يدور في المستشفى ومش عارف وين يوجه وشوي ويخبط في حد:
سامر : ااه اسف
محمد : .....
سامر : 😱😱😱
.
#الأم : عجزت جميع الحروف عن وصفها ❤❤ 
فاطمة بين باب الحياة و باب الموت فأي باب ستدخل ؟
ما الذي حدث بين سامر و محمد ؟
الاجابة في الحلقات القادمة ❤
#رواية_المجهول
#rwayat_br0o