المجهول 💗 ( روايات ليبية ) مكتملة

الحلقة 13 💗

المجهول 13
.
ثاني يوم الساعة 9
.
سمر : هييا سامر تأخرنا على سهام
سامر : هيااا .
تالين : سامر 
سامر : نعم
تالين: عادي نمشي معاكم 
سامر : خليك مع سدين لان سراج قال بيلحق علينا غادي وانتي عارفة حالتها
تالين : تمام ، في امان الله
سمر ، سامر : في امان الله
.
بعد نصف ساعة
سراج : صباح الخير
تالين : صباح النور ، تلقى فطورك على الطاولة
سراج : كيف حالك اليوم
تالين : الحمد الله احسن
سراج : وسدين
تالين : اااه ربي يفرج تنوض تضحك واتقول ماتت وترد ترقد ربي يشفيها
سراج : امين المهم انا بنلحق عليهم
تالين : تمام طمني بعد توصل
سراج بإبتسامة : ان شاء الله
.
.
في المستشفى
.
د.ادم : كيف حالك اليوم
سهام : الحمد الله احسن ، خوتي وين
د.ادم : برا انا قلتلهم يراجوا لين انشوف حالتك تسمح يخشوا او لا
سهام : خليهم يخشوا انا كويسة
د.ادم: تمام (وطلع)
سامر: شن صار
د.ادم : طلبت اتشوفكم بس انتم مذكروهاش بأي شيء الا لو هي حكت
سامر : تمام (ومشى نادا سمر لان قعمزت بعيدة عليهم وخشوا)
سهام :آسفة
سمر : المهم انتي كويسة توا !!
سامر : سمر (بمعنى اسكتي)
سهام : سامر آسفة لان كنت ضعيفة في لحظة ضعف ملقيتش قدامي الا الحل هضا
سامر: مش وقته الكلام هضا توا ريحي روحك و متفكري في شيء (وخش سراج وحب يغير الجو)
سراج بصوت عالي: صباااحو
سامر : صبحت على المستشفى بالكامل انت
سراج : انا انصبح على اختي انت شن دخلك
سهام : هههه خليه غاير منك
سمر : يعرف على من يصبح الاخ ولا فوق منها شكلاتة وجو
سراج : اووو غارت الاخت و الشكلاتة ليا انا غير ديكور خشيت بيها المستشفى
كلهم : ههههههه
سهام : في عينك حتى انا نبي
سراج : في عينك مش كان مريضة خلاص
سامر : امتى بتعقل انت
سراج : لين نتجوز
سمر : لا بالله عقل كول كول
(فات الجو ضحك وقاللهم بكرا تطلع سهام بعد ماطلعوا خوتها جتها جدتها حليمة و خالتها رقية )
حليمة : هكييي يا سهام يا بنيتي خوفتيني عليك
سهام : لحظة ضعف
رقية : سوسو انا نعرفك ديما ايمانك قوي وعقلك كبير شن صارلك
سهام : اااااه و الله معش متحملة العيشة قعدنا ايتام تيتمنا
رقية : اسسس بعدين نحنا وين رحنا شوفي حالتي جاياتك بخمار وعارفتيني في العدة ( قبل اسبوع سعد طلق رقية ومزال يوتي لعرسه )
سهام : و الله ما لايمة عليك عارفة ظروفك (هدرزن على سهام شوي وبعدها روحن وخوالها واحد خاش و واحد طالع لعند الليل )
د.ادم : مشاء الله معارفك واجد
سهام : امم هدوم خوالي
د.ادم : نعرفهم
سهام : كيف ؟؟
د.ادم : مرة عزمني سامر على عرس خالتك تعرفت عليهم
سهام : انت صاحب سامر
د.ادم بضحكة : يس
سهام : دكتور يضحك
د.ادم :هههههه ليش
سهام : لان يلي عندنا سنونة منشوفش فيهن الا لما ياكل
د.ادم : سامر انطوائي من اول ما عرفته
سهام : لان بابا هه (سكتت)
د.ادم : كملي ليش سكتي
سهام : صاعبة نحس فيها
د.ادم : انتي تصعبي فيها شوفي مصايب الناس تهون عليك مصيبتك
سهام : عليش تتكلم وكأنك يتيم زيي
د.ادم : لاني يتيم ، عادي لو صدعتلك رأسك مش عارف لكن تريحتلك
سهام: احكي عادي
د.ادم : قبل ثلاث سنوات نضت لقيت الحوش مقلوب وامي تعيط ويالاها جدتي يلي هي امها جتني اختي وقالتلي ان بوي طلق امي وتجوز خالتي اها متنصدميش هما الاثنين حقدت عليهم حقد كرهتهم لان امي ليلتها تووفت من حرقت قلبها تووفت وهي مصدومة من يلي صار وهو لعند الان نندروش عليه شن صار فيه قعد معش يهمني وقتها شفت خواتي الاثنين في اشد ضعفهن و خوالي شبه قاطعونا بعد وفاة امي قعدت نشتغل ليل مع نهار عشان هنا ميحتاجن شيء (قصة حقيقية )
سهام بإبتسامة : امك توفت لان هذي ساعتها ربي كتبلها تموت في هضك الوقت رد بالك تحقد على حد وبدات بوك اهو انا لو يرد توا حنحضنه لان حاسة روحي ضايعة و وحيدة وخايفة اااه
د.ادم : وين هو
سهام : تجوز بنت عمه وسافر الي الابد خلا وراه 6 اطفال في اشد احتياجهم ليه ولف ظهره وفات ومشى
د.ادم : سبحان الله قصصنا متشابهات بس انا اقوى منك
سهام : بس انا حنكون اقوى
د.ادم : تو انشوف
سهام : شكرا لانك سمعتني ونصحتني
د.ادم : بالعكس انتي يلي سمعتيني، المهم توا تريحي وارقدي عشان بكرا تروحي
سهام : تمام تصبح على خير
د.ادم : وانتي من اهل الخير
.
.
(فات اسبوع سدين قاعدة زي ماهي ملقولهاش دكتور مناسب ومهند كل يسأل عليها لين سامر قعد يشك و سهام قعدت على تواصل مع د.ادم و سمر مكسدة و تالين بدت تمشي للكلية و سراج اليوم اول رحلة ليه ) سهام : تعالى نبخرك
سراج : ياارب حسني متوتر
سامر : انت قدها كابتن
سمر : هاك امية رقية
سراج : جت في وقتها
سامر : امتى مروح
سراج : يومين ثلاثة هك
تالين : بنستاحشك
سراج قرصلها خدها : حتى انا ، سامر منوصيكش على سدين
سامر: بدون ماتوصي
سراج : في امان الله
كلهم :في امان الله (وطلع)
سهام : يارب احرسه بعينك التي لا تنام يارب اجعلها فاتحة خير عليه يارب ماتحرمنا من طلته يارب سخرله ناس تحبه ياربسامر :وانا كني مانحصل دعوة زيها
سهام : خلاص تو انديرلك شير هههههه ويارب معاه سامر
كلهم : هههههههه
سمر : بنشوف سدين وانجي
سامر : حيرتني معش عرفتلها حل
سهام : هونها تهون ، تالين شن جو الكلية اليوم
تالين : مروة درهتلي كبدي سدين و سدين
سامر بشك : مهند مسألكش عليها !!؟
تالين بتردد: س س سأل
سامر : اها ، خطرها مش عندك رخصة قيادة ( فرج كلهم اول ما يطقوا السن القانونية يعلمهم السواقة حتى البنات كلهن يعرفن يسوقن )
تالين : ايه ليش ؟
سامر : نعطيك سيارة اقعدي امشي بروحك للكلية لان انا عيادة و اندور على الولد هضك و اندور في دكتور لسدين يعني مش حنفضى
تالين فرح : جددددد
سامر : هههههه كان نعرفك هكي بتفرحي راه من قبل عطيتها ليك (ناضت تالين حضناته )
تالين : احسن اخخ بالعالم
سهام : قتلتيه حرام عليك هههه
.
.
(ثاني يوم ناضت تالين فرحانة وهي قاعدة تفطر نزل سامر )
سامر : صباحو
تالين : صباح الفل و الورد وكل شيء حلو
سامر : هههههه دوم ان شاء الله
تالين: ان شاء الله ، هي في امان الله انا تأخرت
سامر : الرخصة معاك ؟
تالين : ايه
سامر : توكلي هي
(انطلقت تالين فرحانة وتغني وفجأة اتقص قدامها سيارة )
تالين : ......
.
.
#يتبع
.
فرج هل حيندم على قراره في المستقبل ؟
هل آن اوان تالين ايضا ؟؟
#رواية_المجهول
#rwayat_br0o