المجهول 💗 ( روايات ليبية ) مكتملة

الحلقة 12 💗

المجهول 12 :
.
فرج : نعرفكم نرجس بنت عمي و و و
نرجس بخبث : ومرته و جاي بياخد دبشه و بنسافروا
كلهم من الصدمة متكلموش ولا حرف
سدين : ههههههههههه بجد انتي مرته ههههههههههه
سامر : سدين خلاص
سدين بهمجية  : شنننن خلاص متقولش خلاص تعععرف كرررهتك ايه في بنت تكره بوها معقولة هذي انااا ، كنت محتاجاتك جنبي بعد وفاة اااااااه ماما تمنيتك انت يلي عالجتني انت يلي وقفت جنبي شووف سامر كيف راح شايل همنا اكثر منك بالله لو فيك ذرة احساس مكنتش رديت قريت من ثاني اسبوع مكنتش توا هههههه متجوز الباين ان فرحان و مش مأثر فيك شيء
فرج : اسكتي خلاص
سهام :ليش تسكت فيها خايف تضعف قدام المدام هه
.
تالين : هه حتى انت بتسافر حتى انت بتخلينا قعدنا ايتام ام واب بتسافر وتخلي صغارك يلي امهم توفت من شههههر بس متأكد عندك قلب انت في الشك شوووف شووف عيونا منتفخات قاعدات من البكاء امشي مس ترابها يلي مش حيجف من دموع سراج 
سمر : على فكرة اليوم تخرجه وكان يتمنى انت تكون جنبه بس انت كنت هه (على خشت سراج)
سراج : بسم الله شن في صوتكم عالي (قاعد ببدلة التخرج ) ، حي بوي (وجاء سلم عليه مشافش نرجس يلي كانت واقفة بعيد شوي )
سامر : هههههه سلم سلم و ودعه لان بيسافر
سراج : بجدد وين مرات انجي معاك
سامر : وين تمشي معاه الوالد ماشي شهر عسل مع مرته
سراج : مررته ؟؟ مننن
تالين : كل هالسمن ومشفتهاش وهي وراك
(تلفت وسراج وشافها )
سراج بقهر : هههههه مبروك كان قلتلنا راه جبرنا بخاطركم ودرنا خيمة و دربوكة و عرس ليش هك
فرج : خلااااااص اكرهوني اصلا انا نبيكم تكرهووني باهي عقاب فروخ صغار يعلموني كيف نعيش (وركب بياخد دبشه و نرجس بتركب وراه شدتها تالين مع مرفقها وقالت )
تالين وهي تبكي: وين راكبة دار ماما ما تخشها وحدة زيك دار ماما طول عمرها نظيمة وفايحة متخشلهاش وحدة زيك توسخها وعلى فكرة نحنا الستتتة مش مسامحينكم الللله لا تسامح كل حد وجع قلوبنا حسبببي الله ونعم الوكيل فيك و في يلي كان اسمه بابا (سامر شد تالين لان عارفها حيصيرلها انهيار عصبي وقعد يمسح على رأسها على نزلة فرج )
فرج : الحوش مسامحكم فيه سجلته بإسم سامر و السيارة كذلك
سامر : باهي كثرث خيرك
فرج : انا بنسافر ومعش راد ل ليبيا
سمر : الله يا بابا تذكر ايام كنت طيب و تخاف تبعد علينا 3 ايام هههه توا العمر كله معش بنشوفوك صغارنا انقولولهم جدكم سيبنا في عز ضيقتنا
سهام : كنت انقول لماما الله يحرمها خاطري نلقى حد زي بابا حنون و ميرضى شيء في صغاره بس اليوم الله يمحي كل حد زيك
سامر : سامحونا اخرناكم على طيارتكم هي تفضلوا
سدين : اصببر قبل لا تطلع ... حسبي الله ونعم الوكيل بس
..
الساعة 11 في الليل وكل حد في تركينه سمعوا حاجة تكسرت في المطبخ ناضت سمر بتشوف لقت
سمر : سهاااااام سااامر تعالى سهام بتمووت
(جو كلهم يجروا تالين اذكرت مشهد قبل خمسة سنين بنت طايحة ودم قعدت تعيط بأعلى صوت وسدين تضحك اتقول بتموت سامر نهض سهام وسمر لببست عبايتها وجابت لسهام عباية ونزلت جري للسيارة وسراج قعد مع تالين و سدين )
سدين : ههههههههههه بتموت هيي حراام ولا دم
تالين : نهىىىىىىى نهىىىى
سراج : ياااربي صبرك
.
في المستشفى :
سامر : بسررعة بتموووت
سمر : سهام بالله ما تخليني بروحي بالله
د.ادم : اهدوووا متوتروناش ( اكيد اذكرتوه د.ادم دكتور عام وعادة يمسك في الطوارئ )
الممرضة : بسرعة يا دكتور الجرح عمييق و قريب وصل للشريان
سمر : الحمد الله حيية الحمد الله
(خشوا الدكاترة خيطوا الجرح و حطوها تحت المراقبة)
د.ادم : الحمد الله قدرنا ننقدوها وحاليا حالتها مستقرة
سامر : الحممممد اللله ياربي الحممد الله
سمر : اللهم لك الحمد
د.ادم : توا روحوا وبكرا تعالوها حتلقوها ناضت ونتكلموا في حالتها
سامر : أمانة في رقبتكم
د.ادم : كون هاني
(روحوا سامر و سمر للحوش لقوا سراج مقعمز على الدروج )
سرااج : هااا شن صار
سامر : الحمد الله حية
سراج : وووه الحمد الله
سمر : وين تالين و سدين
سراج : عطيتهن منوم ورقدن. ، على فكرة سدين تبي دكتور نفسي وتالين ردتلها حالتها رقدت وهي تقول نهى
سمر : هههه سبحان الله كيف انقلبت حياتنا ام متوفية واب هه سافر الي الابد و اخت تبي تنتحر وواخت حالة نفسية اللهم لا اعتراض في حكم الله
سامر :اااااه ونعم بالله هي تصبحوا على خير
سراج: حتى انا بنرقد
.
.
في المستشفى :
سهام بدت اتنوض من البنج خشلها د.ادم
سهام : م ا م ا (ماما)
د.ادم : سهام شن تحسي (شاف اسمها في الملف)
سهام : ا ا نا و و ين
د.ادم : انتي في المستشفى و الحمد الله خوتك جابوك بسرعة
سهام دموعها قعدن ينزلن : لييش كنت نبي نمشي ل ماما ليش حرموني منها
د.ادم: يا ممرضة تعالي
ممرضة : نعم
د.ادم :اعطيها ابرة منوم بسسرعة
ممرضة: حااضر(وضربتلها الابرة و رقدت و ادم رد لمتكبه لقى صاحبة زياد)ادم : اوو زياد عاش من شافك
زياد: تعيش ، وينك من بكري نراجي فيك قالولي عندك حالة كيف جت
ادم : اااه يا زياد قديش ما توجع قصتها
زياد : باين انك متأثر
ادم : كان انقولك اخت من
زياد : منن
ادم : سامر
زياد : متقولش سامر فرج ....(قروا ثانوي مع بعضهم وكانوا صحاب ادم قعد على تواصل مع سامر اما زياد لا)
ادم : اييه
زياد : بااهي شن قصتها ؟؟
ادم : بتنتحر
زياد بصدمة : شننن
ادم : و الله تخايل منهارة وتوا بعد ما ناضت قالتلي ليش مخلونيش انموت نبي نمشي ل ماما
زياد : بوها وين
ادم : و الله ماشفته غريبة اب يسيب بنته في الوضع اهوا
زياد : ربي يكون في عونها ، امتى توفت امه
ادم :ليها شهر يمكن
زياد : لا حول ولا قوة الا بالله
ادم : و الله كان اتشوف سامر رايح يفجع
زياد : حتى هي امه ، هي نستأذن بنروح لهيتك على شغلك
ادم : و الله كان ودي نهدرزوا اكثر بس شغل
زياد : لا مقدر الظروف ،تصبح على خير
ادم : وانت من اهل الخير
.
.
جاء الليل و كل حد انفرد بنفسه في يلي شاغله وصية امه وفي يلي حب من اول نظرة و في يلي دموعه مفارقوش خدوده و في يلي يلهوس بإسم سنين يتذكر فيه وفي يلي في عالم غير عالمنا وفي يلي متحسر على حياته وفي حالات واجد غيرهم بس كل حينوض و انسان غير يلي كان عليه في الليل #يتبع
#رواية_المجهول
#rwayat_br0o