المجهول 💗 ( روايات ليبية ) مكتملة

الحلقة 15 💗

المجهول 15
.
محمد : هيي وين رحتي
تالين : هييييييي المحاضرة بدت (ناضت نفضت روحها من الرملة ) ، اسمع انت يلي اسمك ..
محمد: محمد
تالين : المهم خلاص اهو فضفتلي وتم و ماشي الحال بكينا و اذكرنا ابشع القصص يلي عشناها و نتمنى انك تصالح امك في اسرع وقت وشوف حياتك كيف حتتغير المهم سلام
محمد : ياا..
تالين : خلي اسمي مجهول احسن مش لازم تعرفه
محمد : في مجال نتلاقوا مرة ثانية
تالين : خليها على ربي خلاص انا تأخرت
محمد بإبتسامة : موفقة
تالين ردتله الابتسامة : ان شاء الله
.
(تالين خشت جري للمحاضرة وكانت محاضرة لمهند استغرب وين كانت و سمحلها انها تخش و محمد قعد على الشط يفكر )
محمد : صح كلامها شن ذنب امي في يلي صار لو انا فقدت بوي هي فقدت راجلها و ولدها اعوذ بالله من الشيطان الرجيم (ناض واتجه لمحل الذهب خدالها سلسلة و باقة ورد كبيرة و غداء من برا و اتجه للحوش و هي كانت مقعمزة كالعادة في الصالة بروحها )
محمد : أمي
سامية : نعم (محمد ركع على ركابه و مدلها باكوا السلسلة و الباقة و شد يدها )
محمد : آسف على كل كلمة وجعتك بيها آسف على كل يوم احتجتيني و ملقيتينيش سامحيني يا الغالية و الله حياتي انقلبت قعدت كلها حزن و هم نسيت طعم الضحكة من القلب
(سامية و مش مصدقة ان ربي استجاب دعائها قعدت حاضنته واتقول )
سامية: الحمممممد اللله ياربي الحمممد الله مسامحتك دنيا و آخرة يا روح امممك
محمد : وعد مش حنخليك تحتاجي حد و انا حيي
سامية: اصلا معنديش غيرك
محمد : هيا جبت غداء من برا نتغدوا و عندي ليك مفاجأة
سامية : هييي (وفي داخلها فراشات يطيرن من الفرحة مش قادرة توصف فرحتها و تاكل و اتشوفله وتحمد في ربي )
محمد : هي وتي روحك بنمشوا لمكان
سامية : هيي دقائق وانكون واتية
.
بعد ربع ساعة
سامية : وين ماشيين
محمد : لمكان انتي تحبيه
سامية : حوش هلييي
محمد : اييه
سامية: بس خوالك يكلموش فيك
محمد : نتأسف منهم عادي
سامية : عادي نسألك سؤال
محمد : عارفك بتعرفي شن سر التغير هضا
سامية : ايه
محمد : بمأن الطريق مزال مطولة فحنحكيلك (وحكالها بالتفصيل كيف تلاقى مع تالين و حكالها قصتها بالتفصيل )
سامية: ياروحي قديش ما عانت هالبنت ربي يفرجها عليها و يفتحها قدامها وتلقى ولد الحلال (وشافت لمحمد و محمد اكتفى بالابتسامة )
.
.
عند تالين في الكلية؛_
مهند : وين كنتي امبكري
تالين  : نعم ! الواحد ميحقلاش ينفرد بروحه شوية شن هالعيشة الحرفة
مهند : الواضح انك معصبة المهم تقدري تروحي توا و سلميلي على سدين
تالين : مهند انت تحبها ؟؟
مهند : ياريت نقدر نجاوب حتى انا
تالين : هه متناقض حتى مع نفسك (و مشت وقعد مهند يقول في خاطره )
مهند : للدرجة هذي واضح عليا الحب اااه يا سدين
.
.
في حوش فرج
.
سامر : لقيتلها دكتورة الحمممد الله
سهام : الحمد الله و فوقها دكتورة
تالين : امتى اول موعد
سامر :اليوم العشية الساعة 5 تمام
سمر : ان شاء الله تتعالج و تقعد كويسة
كلهم: ان شاء الله
تالين : غريبة سراج متصلش
سامر : قاعد في الجو توا ، ان شاء الله بعد تتعالج سدين نمشوا للشاليه نحنا و خوالي (تالين اذكرت كلامها مع مهند اليوم)
تالين : اييه ياريت
سهام : انشوف فوني يرن و انجي (ومشت)
تالين : سامر
سامر : ها
تالين : نسألك سؤال 😅
سامر : غريبة تستأذني ربي يستر
تالين : نسأل ولالا
سامر : أسئلي هي
تالين :  الراجل شن اسمه
سامر : اي راجل
تالين بتردد : ر راجل يلي ضربته بالسيارة
سامر : ليش تسألي تالين الموضوع هضا مدابيك معش اتجيبي سيرته قدامي
تالين : تمام ..
.
عند سهام :
ادم : ايوا
سهام : اهلين
ادم : شن فيه اتقولي فيها بالسيف
سهام : تبي الصراحة
ادم : اكيد
سهام : انا معش نقدر نكلمك حتى لو كانت نوايا صافية بس مش قادرة نحط عيني في عين خوتي و بدات سامر يلي مش منقص علينا شيء شكرا لانك سمعتني و نصحتني و حتقعد ذكرة حلوة
ادم : سهام ..(قطعت عليه)
سهام: في امان الله (وسكرت)
سمر : هضا التصرف الصح
سهام بصدمة : سمرر !!
سمر : كنك مصدومة اها انا نعرف من اول يوم تكلمتوا فيه وعارفتك حبيتيه وخفتي هو ميبادلكش نفس الشعور فحبيتي تبعدي
سهام : سبحان الله اتقول قاعدة في قلبي
سمر : هههههه الحاسة السادسة المهم بنوتي سدين عشان تمشي للدكتورة
سهام : بتمشي معاها؟
سمر : ايه ماه هي أخت صاحبه
سهام : اي صاحب !؛
سمر : هههههه تريحي مش ادم واحد اسمه زياد كان يقرا معاه في الثانوي
سهام : اه تمام .
..
سامر: هييا سمر
سمر : نازلة ، هيا سدو سامر لوطة
سدين: ......
سهام : ياااااااارب
تالين : في امان الله
.
.
عند الدكتورة زينب : ( زينب اصغر من زياد مليهاش فترة متخرجة دارت عيادة صغيرة تستقبل فيها الحالات و هي ذكية في تعاملها مع الناس جتها كم حالة و قدرت تعالجهم )
.
سامر: السلام عليكم
د.زينب: وعليكم السلام
سامر : أنا سامر فرج ...
د.زينب : تشرفنا قالي زياد تفضلوا قعمزوا حقيقة اختك كيف ما حكالي زياد تبيلها يمكن جلسة بس او جلستين بالكثر
سامر: و الجلسة كم تاخد
د.زينب : ساعة
سامر : تمام ، هي انا نستأذن ساعة و انجي
د.زينب : تمام ، سدين
سدين : امم
د.زينب : هي تعالي معاي (وخدت سدين من يدها وشالتها لدار في ضوء منخفض و فاتحة صوت كأن اميه او موجة معش تعرفه )
د.زينب: خودي شهيق و زفير (ودارت سدين زي ما قالتلها الدكتورة)
د.زينب: تو قعمزي هنا واحكي اي شيء اتشوفيه
سدين : ااااااه شن يلي مشفتاش ماما توفت بابا سافر معش بنشوفوه و اختي حاولت تنتحر
د.زينب : لو البكاء يريحك ابكي
سدين : لو دموعي قاعدات راه بكيت بس دموعي جفن من كثر ما نبكي في الليل
د.زينب : ليش في الليل بدات ؟؟
سدين : نستاحش في ماما
د.زينب : ليش خواتك ميديرنش زيك في نظرك
سدين : خواتي انشوف فيهن مرة في اليوم اكثر وحدة سمر اتجيني للدار وتسأل عليا
د.زينب : توا بعد تروحي نبيك اديري دوش بمية دافية و تصلي و تدعي ل ماما بالرحمة تمام و تحاولي تقلدي خواتك وهنا كيف عايشات تمام !!
سدين : نوعدكش
د.زينب: بس انتي مش حتستفيدي شيء لو قعدتي منعزلة عن العالم حتى خوتك حينسوا وجودك معاهم
سدين : حاضر حندير يلي قلتيلي عليه (وجاء سامر بيروح بسدين )
سدين : شكرا دكتورة
د.زينب : العفو هضا واجبي
سامر : شن الوضع
د.زينب : الحمد الله استجابة معاي بس نبيكم معش تخلوها بروحها ديما خليكم يالاها احكوا معاها طلعوها ادوهوروا هي ضغوط نفسية صارتلها وهذي اي حد معرض للحاجة هذي بالدات توالي الصدمات
سامر بفرح : حاااضر حندير يلي قلتي عليه في جلسة ثانية اول لا
د.زينب : الاسبوع الجاي نفس اليوم جيبها انشوف في تحسن او لا
سامر : تمام .
.
.
بعض الصدمات كفيلة بأن تحجزنا داخل كوخ مصنوع من الوهم و الحزن و الدموع و الارادة هي المطرقة يلي سوف تهدم ذلك الكوخ #كتاباتي
#يتبع
سدين بداية تحسن فماذا سينتظرها يا ترى ؟
شن رأيكم في تغير محمد ؟؟
#رواية_المجهول
#rwayat_br0o