المجهول 💗 ( روايات ليبية ) مكتملة

الحلقة 22 💗

المجهول 22.
.
مروة: الله تهبل ونظيفة بس وين نحطه ، حي اهي ندفنها في الوردة(مهند عنده سطل فيه وردة في الروشن ) ايوا (وهي تنفض في يديها من التراب تتلفت وتلقى ...
مهى : شن اديري هنا
مروة : ا ا لقيتها مفتوحة جاني فضول انشوفها
مهى : اها باهي اطلعي قبل لا حد يشوفك
مروة : اهو طالعة وانتي زي الهم .
.
.
عند محمد :
.
أسامة: عندي فكرة
محمد : شن
أسامة : قبل هضا كله كيف عرفت اسمها
محمد : هههههه تمام ، هضكي اليوم لما تلاقينا و هدرزنا ناضت بسرعة  وقالت عندي محاضرة بعدها عرفتها تقرأ في كلية الاقتصاد لان القانون كانوا موقفين عشان الصيانة ثاني يوم جيت وجبتلها فطور و لقيتها مع أختها ناديت بنت وباين انها طيبة على نياتها وقلتلها نبي منك طلب قالتلي شن قلتلها نبي نخطب بس خايف ان تكون مرتبطة
البنت : وبه
محمد. : عارفة هذك يلي واقفة لابسة سماوي
البنت: اه تالين كنها
محمد : (حي طلع اسمها تالين هاهاها )
البنت : هيي يا اخ
محمد : ا ا عطيها الفطور هضا و قوليلها من #مجهول تمام
البنت : تمام
.
نردوا للواقع :
محمد : وهكي قعدت كل يوم انجيبلها فطور ومعاه كرت و انديرلها في #المجهول وهي مش حتعرف ان انا لان الاسم و مكان الكلية
أسامة : ههههههههههه انت احرف من كونان
محمد : هههههه به شن هي الفكرة
أسامة : المرة الجاية اعترفلها و قوللها على مشاعرك خير ما اطير منك
محمد : زعمك !!
أسامة : خليك مقعمز لين اطير منك
محمد : به سكر فمك ، تعالى ننزلوا نتفرجوا على فلم
أسامة : أصبر شن صار في الكلية
محمد : مزال سمسترين يعني 10 مواد نكمل ونفك روحي
أسامة : انا بنمشي بكرا
محمد : حتى انا .
.
.
عند التوأم :
.
سدين : تي كيف بنعرفوا ان بوه او لا
تالين : و الله بووووه هييي
سدين : كيف عرفتي ؟!!
تالين : سامر شفته كاتب اسم الولد في مذكرة فونه و امبكري شفت بطاقته الشخصية حاطها مع فونه لما نزل
سدين : نهاااار ابيض و شن بنديروا توا ؟؟؟
تالين : يكمل سريب سمر و سهام قبل
سدين : متخليشي يقتل سامر و النبي
تالين : مستتحيل لو يقتلني انا بدال سامر
سدين : خطرها سراج قال اليوم عنده رحلة لدبي
تالين : به ربي يفتحها في وجهه و يسلمه من كل مكروه
سدين : ان شاء الله ، تالين
تالين : اممم
سدين : نبي حل لعلاقتي مع مهند
تالين : مهند معش يحترم فيك و لو سقط الاحترام خلاص امسحي رقمه من فونك وانسي انك كنتي في علاقة معاه و اقنعي روحك ان هو كذب عليك
سدين : ااااااااه ياربي
تالين :ردي بالك تنهاري بسبب واحد مخادع كذاب
سدين : تمام تصبحي على خير
تالين : وانتي من اهل الخير
.
.
عند سهام : آدم: اها بعد اسبوع البيان  وبعد شهر العرس اتفقت مع سهيب (تعرفوا على بعضهم وقعدوا صحاب)سهام :  امم كويس آدم نسألك سؤال
آدم : شن
سهام : في يوم ندمت انك خطبتني ؟
آدم : سهام ليش تفكري بطريقة سلبية مفروض اتكوني عارفة الاجابة
سهام : هههه ريحتني المهم قلتلك بنبدأ نطلع انا و خواتي
آدم : بروحكن ؟؟
سهام : اها لان سامر عيادة و سراج اليوم ماشي عنده رحلة لدبي
آدم : خلاص بعد تطلعوا ديريلي رنة و قوليلي وين ماشيين
سهام : تمام حاضر
(وقعدوا يهدرزوا لين نعسوا )
عند سمر :
سمر : امتى بنسافروا
سهيب : ثالث يوم عرسنا يعني متشريش دبش واجد مدا بيك خودي حاجات المهمة و الحاجات الثانية زي القفاطين وهكي خوديهن من غادي لما بنروحوا
سمر : امم صح فكرة
سهيب : سمر
سمر : نعم
سهيب : نحس فيك مش راضية
سمر،: لالا مش هكي بس اليوم نحس في روحي متضايقة بكل
سهيب : تو نقرالك قرآن لعند ترقدي (صوته حلو في تلاوة القرآن)
سمر،: جدد
سهيب : ليش منصدمة راك خطيبتي ومرتي قريبا
سمر :اااه ربي يحفظ ليا
سهيب : وليا شن السورة يلي تحبيها
سمر : الرحمن
سهيب : بسم الله الرحمن الرحيم (وقعد يقرالها في السورة و قرالها المعوذات لين رقدت ) .
.
(فات اسبوع و قرب موعد البيان و مهند و مروة قعدوا في علاقة بدون علم حد الا مراد  و سدين تحاول تركز في محاضرته بدون تفكير في الماضي و مرات متحضرش و محمد مستمر في الخطة امتاع الفطور و مراد يراجي في عرس مروة و مهند عشان يخطب سدين )
.
سهام : كل شيء واتي؟؟
رقية : متتوتريش واتي كل شيء (طلعت من العدة ليها يومين )
حليمة : اركبي ارتاحي يا بنتي
وداد : وين ترتاح المنظومة يا عم
سدين : حي من بيجيبها
نرمين : عمتكم وداد طلعت للاولاد و قالتلهم نبي منظومة و بنغيروا جو مش عارف من مشى
تالين : غريبة عت خالي مسعود مجوش لعند توا
مهى: اييه غريبة
سالمة : امي
حليمة : نعم
سالمة : ذبحوا ولا مزال
حليمة : ماشيين خوتك وبوك بيذبحوا
سمر تنادي : سراااج يا سرااج
سراج : ها
سمر : الموالح و المية و الشكلاتة جبتهن
سراج : ايه و عطيتهن لتالين خششتهن
سمر : باهي المهم العيلة شكلهم بايتين جيبلنا فطور للصبح وانت طالع
سراج : تمام
سامر : ناديلي تالين
سمر،: مش فاضية تالين كنك تبي حاجة
سامر : قوليلها تحددلي اللبسة يلي على السرير
سراج : ووانا اللبسة يلي جبتوها ليا
سمر :تمام .
.
.
سمر : تالين (وقالتلها على التحديد )
تالين : وووك وين بنقسم روحي انا
نرمين : اهدي مزال الليل مطول راه بعدين كسدي عليهن
سدين : يا بنات هذين 100 طرف كنافة (امدايرين بيان كبير و عازمين حتى الجيران )
تالين : و العبمبر واتي في الثلاجة
وداد : و خلطت الفاكهة درتها عصير
نرمين : خلاص مزال نوتوا السلايط في حافظاتهن بس
.
.
في حوش مسعود :
مرام : هيااا يا ماما وقت اكيد كلهم غادي
مروج : يا ذكية السيارة عند مهند
مهند : سمعت اسمي
مرام : تحكي على القط يجيك ينط
مهند : مسمعتش
رؤية : مش وقت عرايكم توا
مهند : امي نبيك في موضوع ضروري
رؤية : شن
مهند : نبيك تخطبيلي مروة بنت عمي عيسى اليوم
رؤية : هييي مروة ؟؟
مهند : ايه وكلمت بوي وقالي قول لامك
مرام : طيح سعدك شن عجبك فيها بسس
مهند : انا يلي بنعيش ولا انتم
مرام : صح انا مدخلنيش
رؤية : مدام بوك موافق خلاص
مروج : هياا تأخرنا
مهند : هي اطلعوا
(طلعوا ومهند فرحان ان خلاص مروة بتقعد حلاله ويغني لعند وصلوا )
.
.
في حوش فرج :
رؤية : لولولولولي مبرووك عليكن ان شاء الله بسلامتكن
سهام : الله يبارك فيك عقبال لبنياتك (سلمن و باركن وبدن البنات ينفظن في الحوش سدين تحول في فرش الممرات سمعت )
رؤية : و الله توا مهند قالي اخطبيها مرة وحدة وقال لبوه و وافق (سدين فرحت تحسابه عليها و مسمعتش باقي الكلام قعدت تحول في الفرش بحماس )
نجاة : نحنا وين نلقوا احسن منه خلاص توا نشاور البنت وانقولك
رؤية : تمام على بركة الله( مشت نجاة قالت لمروة و مروة الفرحة مش سايعتها و مشت للبنات في المطبخ وقالت )
مروة : بنات باركلي
سدين : على شن
مروة : انخطبت
وداد بصوت خفيف: ومن دعيس الحظ
تالين : مبروك
مروة : تبنش تعرفن من ؟؟
نرمين : ومن ان شاء الله
مروة،: مهند
سدين : ..........
.
#يتبع
احتمال انزل حلقة ثانية اليوم ☺
أوشكت الرواية على النهاية ❤
#رواية_المجهول
#rwayat_br0o