المجهول 💗 ( روايات ليبية ) مكتملة

المجهول 2 ح 9

المجهول 2الحلقة 9
.
.
سدين : 😱😱 شوفن المغنية توفال توركاي (مغنية تركيا صوتها فوق الروعة ❤)
سمر : اول مرة نسمع بيها
سهام : سدين هذي حافظة شعب تركيا كله
سدين : يامامي بنصورها
تالين : تحشمي مفيش حد صور معاها
سدين : باهي من بعيد (وصورتها )
سمر : هي تعالن نخشوا للمحل هضا فيه حاجات حلوات
سهام : هيي
.
.
عند مراد :
مراد : فاااروق
فاروق:ها انا هنا
مراد : خووي مهند دزلي على الفيس ان بوي تعبان ولازم نروح والنبي احجزلي على اقرب رحلة
فاروق : ان شاء الله لابأس تمام هييي
مراد : يااارب طوول في عمرره ياااارب 💔💔 (و لأن مهند ميعرفش خوه وين او رقمه فلقى ان الفيس هو الطريقة يلي حيوصله بيها ، بعد ما طلع فاروق يحجز لمراد قعد مراد يجهز في شنطته )
.
.
في حوش مسعود :
مهند : مراد يومين بالكثير ويكون عندكم
مرام : ك ك كيييف
رؤية : الحمممد الله ياربييي
مسعود : كيف قدرت توصله
مؤمن : احم هذي فكرتي ربي يحفظني 😌🙌
مهند : عن طريق الفيس وقتله ان بوي مريض طبعا بعيد السو عشان يجي
مروج : المهممم بيروح واخيييرا
مسعود : مهند وين مروة
مهند : راقدة يمكن
مسعود : اه باهي نحسابها نايضة اتجي تهدرز معانا
مهند : امم لالا راقدة، اهو مراد دز انه يوصل ليبيا بعد بكرا الساعة 5 العشية
مؤمن : معناها الخميس
مهند : ايوااا
رؤية : ربي يرعاه
.
.
عند مروة :
مروة : تخااايلي ميبينيش حتى نهدرز معاهم وننزل على الوجبة ناكل و نركب اتقول في حبسسس
مها : تي باهي هو يلي ردك كان واحد غيره راه طلقك من زمان
مروة : هو رادني عشان البنت بس راه
مها : المهم احسنلك من طرايح بوك
مروة : لا احسن شن جاب ل جاب
مها : باهي انا بنسكر توا
مروة : باهي سلام
مها : سلام (سكرت مروة من اختها شوي و خش مهند )
مهند : مع من كنتي تحكي
مروة : مها اختي
مهند : اها ، اكيد درلتيها جو حابسني وهك المهم متفرحيش واجد لان فترة بسس وانقولك هك لحوش هلك
مروة،: ولييش جايبني مدام بتردني
مهند : بنديرلك سحر (مروة هنا ولا حرف وملامح وجها تغيرن)، اممم زعمك شن نوعه (وشافلها وقال) ساعديني انتي ادرى في الحاجات هذين هههه
مروة بعصبية: خلااااص فهمتتت اني غلطتت خلاااص باهي
مهند : لا فوقها تعصبي انتي بتدفعي الثمن غالي و واجد زيادة  اكثر من يلي مراد دفعه عشان السحر ذكريني كم كنتي تستلمي منه (ومروة مقعزة وتبكي شوية وطق الباب وطلع مهند )
مرام : يبيك بابا لوطة
مهند : متقوليش سمع صوت البلاء هذ
مرام : اهاا
مهند : ووواااكك (وطربق باب الدار ونزل لقى بوه يراجي فيه )
مسعود : شن في ؟؟
مهند : شن ؟؟
مسعود : ليش تتعاركوا ؟؟
مهند : تبي حوش بروحها وقلتلها لا
مسعود : ليش مخدش راحتها معانا ولا شن
مهند : متعدلش عادي
مسعود : باهي مش تعلوا صوتكم
مهند : حاضر
رؤية : ربي يهدي

.
.
في تركيا :
تالين : واخيرا وصلنا كرعياا خلاااص
سهام : المشي كويس للجسم
سدين : آدم طلق عليك شكله
كلهن : هههههه
سمر : هي بدلن و نحطوا العشاء
تالين : انا بنحطه و بنصور (الرجالة قاعدين في شقة ثانية بروحهم في نفس العمارة عشان كل حد ياخد راحته )
سمر،: حطي االاماعين قدامك
سدين : الباب يطق (مشت سمر اتشوف)
سمر : هضا سامر
سامر : كيف مروحات الباين
تالين : قاعدين مبدلناش حتى
سامر : مستمتعين
سدين : فوق الاستمتاع و الله جوو يا سلااام
سامر : تبن شيء
سهام : اقعد تعشى معانا
سامر : لالا بنتعشوا برا غير قلت نسأل عليكن ونلحقهم
سمر : قوله يشيلكم لمطعم المدينة يجننن هههه
سامر : تم هههههه (وطلع)
.
.
عند محمد :
محمد : أسامة كنك من االصبح مش تمام
أسامة : مرت بوي عطاتك عمرها
محمد : ان لله وان اليه راجعون ، باهي مش انت تكرهها ليش امنكد على روحك توا
أسامة : مهما كاان راه عشت معاها 10 سنوات
مش شوية 
محمد : وانت كيف عرفت (أسامة نزل رأسه )
أسامة : شفت خيمة قدام حوشنا وعياطات خفت سألت الجيران خبروني
محمد : نوض نمشوا نعزوا
أسامة : بس
محمد : نوض بلا دوة زايدة
أسامة : نبدل وانجيك
(ومحمد كلم تالين وقعدوا يهدرزوا لين جاه أسامة)
محمد : هياا (وانطلقوا للوفاة ولقوا زحمة لانها كيف مدفونة )
أسامة : توكلت عليك يا الله (خش لقى بوه ولما شافه وقف من الصدمة أسامة مد يده ) عظم الله اجركم
بوه بتوتر : شكر الله سعيكم
محمد : عظم الله اجركم
بوه : شكر الله سعيكم ، أسامة تعالى قعمز
أسامة : ليش نقبل فيها التعازي وهي متقربليش (ومشى قعمز هو محمد مع باقي الناس ويلي يشوفه يقوله وين كنت يقوللهم مسافر )
محمد : هي نوض انروحوا
أسامة : هي قلقت اصلا (وناض وهو يشوف لبوه وبوه يشوفله وطلع)
محمد : ليش قلت لبوك هكي
أسامة : شنن إنسيت شن داار فيا يوم روحت مرييض
محمد : مهما كان هضا بووك (أسامة سكت وقعد يشوف للطريق لين وصلوا وركب طول لداره )
سامية : مفروض ممشاش
محمد يلي صار صار ، نركب انبدل وانجي نتعشى
سامية : تمام تلقاه واتي
.
.
في تركيا :
آدم : مطعم يجنن
سهيب : ايه وكاله تبارك الله
سراج : صار هذكن شرن عشاهن من برا
سامر : هههه ايه و الله وعايشات الجو
سراج : ههههه سدين قاعدة مش مصدقة اكيدة
سامر : هيا اكثر وحدة تبي السفرة هذ (واتجي عينه في عين شخص آخر حد يتمنى ان يقابله سامر وشالاته ذاكرته لقبل 7 سنين نفس الملامح متغيرتش نفسها هي اها وئام اكيد هضا راجلها بس كأني شايفه انا من قبل  ااااااه ياربي ليش طلعتيلي من جديد بعد تعودت على غياابك ليييش )
سهيب : هيي سامر راه بنكملوا عليك
سامر :ا ا ا اهو ناكل انا
عند وئام :
وئام تفكر : سامر نفسسه هو سامر متغيرش بس زادن عليه الهلات يلي يحبهنش هههه اكيد يحسابني تجوزت ، ااااه يااربي سبحانك على النصيب بعد 7 سنوات نتلاقوا برا البلاد
وائل : اويي وئام وين رحتي
وئام : هههه شيء نفكر في امي و بوي اساحشتهم شن رأيك نمشوا زيارة
وائل : حتى انا كنت نفكر فيها خلاص تو نحجز بكرا
(وائل توأم وئام بس مفيش شبه يلي اتقول عليهم توأم وكل حد متخصص في مجال وئام طب عيون و وائل إدارة اعمال بس كان مرة مرة يروح بيها من الكلية ، ردت وئام تفكر في يلي صار قبل سنين ).
#قبل 7 سنوات :
.
.
#يتبع
#رواية_المجهول_2
#rwayat_br0o