المجهول 💗 ( روايات ليبية ) مكتملة

المجهول 2ح 8

المجهول 2الحلقة 8.
.
.
سدين : الكلام يلي بنقوله توا في مصلحتنا نحنا الاثنين وارجوك متقاطعنيش
مهند : تمام قولي
سدين : رد مروة
مهند : ل (قبل لا يتكلم قاطعاته سدين )
سدين : خليني نكمل للآخر ، اها رد مروة شوف صح مروة ومراد غلطوا بس هضا كله لييش مش عشان يحبونا وخايفين نريحوا منهم بعدين ربي يلي هو ربيي يساامح من نحن البشر عشان منسامحوش على الاقل تعطيها فرصة انا متأكدة انهم ناادمين خلاص سادنا مشاكل رد مروة و ربوا بنتكم نور يلي قاعدة ملائكة متفهمش شيء ومحتاجة حضن امها و محتاجة حنانك، وبعدين كلنا نسينا اهم نقطة الناس كلهم كانوا عارفين ان انا مخطوبة لمراد بعدين يسمعوا انك خطبتني و حتى عيلتك انا اول وحدة حننضر وحيبدوا يحكوا كلام مش هو بكل 
مهند : انتتتي متأكدة من يلي قلتيهه
سدين : وكللل التأكيد
مهند : بااهي ليش انتي يلي كشفتي القصة ليش مسكتيش
سدين : كنت مقهورة ان مراد استغفلني و صدموني هما الاثنين ونبيهم ياخدوا جزائهم (شوية وتسمع في تالين جايتها تجري واتقول )
تالين : سدييين نجحنا 🎓
سدين : الحمممد الله
تالين : كيف حالك مهند
مهند : الحمد الله ، مبروك النجاح
تالين ، سدين : الله يبارك فيك
مهند :هي عن إذنكم
تالين: كنك
سدين : قتله ........ (وحكتلها )
تالين :هييي انتي سدين لالا بلكي نحلم لا كلام حكم كله توتو مش مصدقة
سدين : هههههه تي صقع عليك مواهب مدفونة ، هي هي نروحوا ورانا سفر
تالين : وام محمد يلي قلتيله جيبها شن
سدين : هيييي ان شاء الله بجيبها
تالين : مالا شن حضرتك كبشتي فيه ، المهم هي نمشوا ناخدوا حاجة حلوة وانديروا ثلاثة انواع موالح
سدين : هييي
.
.
عند مراد :
فاروق : مراد
مراد : ها
فاروق : انا الاسبوع الجاي ماشي لتركيا بنشوف شركات غادي شن رأيك تمشي معاي تغير جو
مراد : تو نفكر ، شن صار لقيتلي مكان ؟؟
فاروق : في كم مكان شن رأيك بكرا الصبح نمشوا انشوفوهن ؟؟
مراد : تمام
فاروق : كنه جوك مش تمام
مراد : شيء ، هي تصبح على خير
فاروق : وانت من اهل الخير
(مشى مراد لداره لان هو وفاروق مأجرين نفس الشقة كل واحد داره )
مراد يفكر : زعمك شن صار فيهم تجوزوا ولا مزال وبوي وامي شن صاير فييهم ، ياااااااارب سامحني ياااااارب (بعدها تنهد ورقد)
.
.
في حوش مسعود :
مهند : امي بوي
مرام : في دار المعيشة قاعدين
مهند : تمام وتيلي نور (مرام شافتله بتشكيك ) ، هههه متخافيش مش امدايرلها شيء بنتي راه
مرام : مدام متذكر انها بنتك خلاص حنوتيها
(مشت مرام تبدل لنور و مهند مشى لامه وبوه )
مهند : السلام عليكم
امه، بوه: وعليكم السلام
مهند : كيف حالكم
امه : انا كويسة
بوه : في نعمة
مهند : انا نبي نرد مروة
امه ، بوه : 😦
مهند : اول حاجة لانها ام بنتي و بنت عمي وانا منرضاش تصير مشاكل في العيلة بعدها اكيد هيا عارفة الغلط امتاعها ونادمة وربي سبحانه وتعالى يغفر من نحنا عشان منسامحش ؟؟(😂😂اقتباس من سدين )
بوه : و الله زين العقل يا ولدي وحتى خووك الله يسامحه وغلط حتى هو
امه : وين بتعيشوا بعدها
مهند : انجيبها هنا لين نحصل شقة
امه : بس قعدت نخاف منها
بوه : كلام امك صح مهما كان لازم تاخد حذرك
مهند : تمام هي (وسلم على رؤوسهم )
مرام : هاك بنتك
مهند : هههه هاتي
مرام : وأخيرا شفنا ضحكتك
مهند : حولي من قدامي (وخدا بنته وطلع ركب السيارة وقعد يفكر هههه كلهم يحسابوني سامحتها بالسهولة هذ هههه مزااااال يا مروة طرييقك طويييلة والفضل يرد لسدين ، بس كلامها صح هي كانت مخطوبة لمراد مش بالساهل حيرضوا ان نخطبها وقطع حبل افكاره بنته نور تبكي ) ، اسس يا بابا هيي ماشيين لماما اسسس
.
مرام : كنك
رؤية : خوك ماشي بيجيب مرته
مرام : هيييي بعد كل يلي دراته
رؤية : هو حر انا معش دخلني
مرام : و الله مهند هضا في رأسه حاجة
رؤية : هو حر في حياته (ومشت )
.
.
عند محمد :
محمد : السلام عليكم
امه : وعليكم السلام
محمد : وين أسامة
امه :  ماشي للمحل بيجيب قهوة
محمد : شن رأيك بعدين تمشي لنساباتك 😎
امه : ههههه شن عندهم نساباتي ان شاء الله
محمد : كنتك نجحت اليوم 🎓
امه : مشاء الله مشاء الله ، عيب نمشي فاضية
محمد : لا حاسب حسابي هاك (عطاها بوكس دبلة يعني مؤقتة ورائحة si و ساعة من Dior  ) توا بنشيلهن للمكتبة يديروا جوهم ، ها شن رأيك
امه : هههه لا كله عال العال ربي يزيدك من خيره
محمد : آمين
أسامه : وينك من صبح ربي مش قاعد
محمد : مشوار كنك
أسامة : شيء شن جايب
محمد: حاجات للمدام اليوم نجحت
أسامة : مشااء الله مبروك
محمد : يبارك فيك ، هي بنمشي للمكتبة تمشي معاي
أسامة : هي
محمد : شن رأيك اتجي معانا
امه : والغداء
محمد : كثر الله ما كثر المطاعم غير هيا
امه : تمام 5 دقائق بس
محمد : تمام هي
.
.
في حوش عيسى :
يوسف : جيييت هي (ولما فتحه لقاه مهند) لو تبي ادير مشكلة راه من توا مننصحكش
مهند : متخافش نبي عمي
يوسف : خش
عيسى : نعم
مهند :( وعاود نفس الكلام يلي قاله لهله هههههه )
كلهم : 😦😦 (مها مشت جري لدار يلي فيها مروة و خبرتها )
مهند : شن قلت ياعمي
عيسى : كلامك اقنعني و عندك الحق هذي مرتك تو اناديها ليك
(مشى عيسى قال لمروة انها حتمشي مع راجلها و فرحت لبست عبايتها و طلعت وهي مش مصدقة ركبوا السيارة وهو متجاهلها هي تاخد وتحضن في بنتها ولما وصلوا استقبلها مسعود بس بعدها قاللها مهند اركبي للدار و معش تنزلي  )
.
.
عند التوأم :
(جتهم ام محمد ساعة بس وعطت الهدية لتالين وروحت لان عارفة ان عندهم سفرة وتن البنات كل شيء و هنا فرحانات و جتهم سهام باتت عندهم عشان يطلعوا مع بعضهم )
ثاني يوم الساعة 12 الظهر  :
سدين : بنعيييط يا ناااس وأخيرررا الي تركيااااااا
آدم : هههه شن السر زعمك
سامر : هههههه والله هالبنات ما ينعرفلهن
تالين : خليكم هكي بنصوركم 📷(وبدأ النداء الاول للطائرة و تالين دزت لمحمد انهم بيركبوا توا )
بعد 4 ساعات :
سهيب : هيا راه قريب يوصلوا (طبعا سمر متندريش ان هلها جايين امقايللها صحابي  جايين بعائلاتهم )
سمر : كل شيء واتي بنمشي نبدل
سهيب : تمام وانا بنمشي قدام العمارة
سمر : تمام (طلع سهيب لقى التاكسي كيف حاطهم و ينزلوا في الشناطي )
سهيب : الحمد الله على السلامة (وقعد يسلم عليهم)
كلهم : الله يسلمك
سهيب : هي خشوا (وبعد خشوا قعمزوا في الصالة بعدها قاللهم اناديها وانجي ) ، سمر
سمر : نعم
سهيب : وصلوا راه
سمر : هي جاية
سهيب : البسي وشاح
سمر : ليش
سهيب : غير البسي
سمر :_ تمام ها لبست (وطلع وطلعت وراه لما لقتهم في الصالة وقفت قعدت مصدومة )
سدين : هههههه سبرايز (ومشت حضنت سمر وسلمت عالباقي وقاعدة مش مصدقة هههه )
.
.
عند مراد :
فاروق : اسمع انا ماشي بكرا لتركيا مصارش من الاسبوع الجاي وحجزتلك
مراد : من قالك نبي نمشي
فاروق : بالسيف عليك بتمشي 😊 وهي وتي شنطتك
.
.
بعد يومين :
سمر : هيااا
سدين : من بيشيلنا
سمر : الباص امتاع المول هنا كل مول ليه باص وانتي اوقفي هو يوصل للمول طول 
تالين :  😭 معش نبي نروح ل ليبيااااا
سهام : هههههه مزال بنشوفوا
سمر : هيا راه تفوتنا الباص
سدين : به شن اسمه المول
سمر،: 212 حلو ونحب نمشيله انا
تالين: هييي انطلقوا (مشن البنات وراجن ربع ساعة بعدها جاء الباص و وصلهن للمول )
سدين : 😱😱
#يتبع
#رواية_المجهول_2
#rwayat_br0o