المجهول 2 الحلقة الاخيرة الجزء الثاني :
.
.
سدين : ب ب ابا
سمر شدت سدين من يدها : سدين انتي يتهيألك
سدين : لا والله هو يا سمر هووو
سهام ضاغطة على سنونها : سدين فوتتي شوفيه كيف عايش حياته بدونا و اهو عنده حتى بيبي هه
سدين تبكي : لييش دار فينا هكك لييش 😭😭
سمر : تعاالي (وقعمزتها على الكرسي يلي في المول )، شوفيلي هنااا
سدين : ه ها
سمر : خلاص نحنا تعودنا بدونه هو تلقيه شافك وعادي واصلا احتمال يكون ناسي شكلك مرة وحدة
سهام : انا بنروح معش قدرت رااه
سمر : هيا ناخدوا تاكسي (وسدين هضا كله مش معاهم اتشوف لبوها و هو مش هامه ، سمر طلبت التاكسي و وروحوا )
تالين : مطولتوش غريبة
سمر قعمزت على الصالون وقالت : عليك مشيت ياريت قعدنا معاك
تالين : سدين كنها خشت طول للدار
سهام : والنبي احكيلها سمر معنديش جهد نحكي
سمر : كنا طالعين من القهوة (وحكتلها )
تالين : ان شاء الله هالبكاء عليه (ومشتلها للدار ) ، شنن بسرعة مااا نسيتي يا سدين يلي داره فينااا نسيتي بعد وفاة ماما بشهر او اقل تجووز نسيتي شن قااللنا قبل لا يهج هو ومرته نسيتي سهام كيف قعد حالها و انتييي يا سدين نسيتي شن صار فييك معقوولة هضا كله نسيتيه
سدين : ب ب بس هو بونا
تالين : لو كان هو بوونا على قولتك راه مصارش هضا كله نوضي بلا نكد سلم خيتي سادنا حزن
سدين تمسح في دموعها : الشيء هضا مش حيفارقنا طول العمر
تالين : بس مش حيبقى يأثر فينا كل مرة حينقص التأثير ، بعدين شوفي للجانب الايجابي للحياة
سدين : معرفتكش هههههه حكم وجو
تالين : هههههه تي صقع عليكم مزال مشفتوا شيء ، نوضي بنردوا نطلعوا
سدين : معنديش نية
تالين : مناخدش في رأيك عطيتك العلم اغسلي وجك هي معش في وقت
سدين : باهي شفتي الاحذية يلي جبناها ؟
تالين : اهو بنبدل وبنشوفها ( تالين اقنعت خواتها انهن يطلعن ومشن لمول واحد ثاني و ادهور و روحن )
.
.
في حوش الجد :
رقية : تعرفي في قضية توا شاغلة نص المحاميين
حليمة : شن هياا
رقية : في عصابة مخدرات يوزعوا فيهن بين مدارس الثانوية وكل مرة جايبين مدير يحققوا معاه ومرة شدوا واحد من امتاع العصابة قال ان يلي ماسكهم ميبينش في وجهه و وميعرفش اسمه اولياء الامور يجوا يشكوا وكثرت الشكوى على هالعصابة
حليمة : ضيعوا الشباب الله لا تربحهم
رقية : انا يلي مش قادرة نستوعبة شنن بيستفيدوا بسسس في مية طريقة يقدروا يجيبوا بيها فلوس حلال
حليمة: يابنتي ديري جهدك وساعدي هالوليدات حرام يضيع مستقبلهم
رقية : انا عرضت عليهم فكرة ان انديروا حملات في الكليات و المدارس ضد هالشيء يلي يصير
حليمة : وشن صار
رقية : قاعدين يدرسوا فيها
حليمة : ان شاء الله ربي يوفقك
رقية : آميين ، بابا كنه تأخر
حليمة : ماشي يعزي
رقية : بعد يجي نحط الغداء
حليمة : حطي جيبيلي طويسة شاهي وخبزة
رقية : حاضر هي
.
.
(فات الاسبوع وروحوا من تركيا وجت معاهم سمر عشان تحضر العرس لكن راجلها قعد لان يقرا و مراد رد لحوش هله و ميتكلمش مع مهند ، و العصابة وصلتهم الكمية و وزعوها بكل ارياحية و بدون تأنيب )
تالين : هههههه وين كنا و وين اصبحنا
سدين : نبيش نفتح عيوني 😂
آدم : هي نستأذنوا نحنا
سامر : من بيروح بيكم
آدم : سيارتي هههه
سامر: نسيت انك جاي بيها هي توكل
آدم : نتلاقوا
سامر : ان شاء الله
.
.
في حوش خيرية :
أنت تقرأ
المجهول 💗 ( روايات ليبية ) مكتملة
Mystère / Thrillerالمقدمة : رواية غامضة و و كوميدية في نفس الوقت تحكي على بنتين توأم بيصيرن حاجات واجد معاهن و لكل وحدة شخص مجهول بيقلبلها حياتها . هل للاحسن ام للأسوء ؟؟ حتلقوا الاجابة في الحلقات الرواية 💗 وانا كاتبتها يعني مش مقتبسة او منقولة وكل الاحداث والشخصي...
