المجهول 💗 ( روايات ليبية ) مكتملة

الحلقة 17 💗

المجهول 17
.
تالين لقت ورقة مكتوب فيها : حين نعشق لانتختار من نعشقهم ولكن القدر قد يقودنا لأشخاص قد نجن بعشقهم ❤❤
تالين : من هالبلاء على صبح ربي جن ان شاء الله يركبك اهو حصلت من وراك فطور كنت منحلمش بيه
.
عند سدين و مهند  :
سدين : اووي وين سرحان
مهند : سدين
سدين : امم
مهند : انا شنو بالنسبة ليك ؟؟
سدين : ك ك كيف يعني
مهند : أنتي تحبي حد
سدين : خلي انقولك حاجة حتى لو نحب حد حنكتمه جواا هنن حتى للشخص نفسه ما انقوله لأن الناس تتغير يقعدوا مينطاقوش لما نتقرب منهم اكثر من اللازم
مهند : بس انا مش هك
سدين : كيف ؟
مهند : حتى انا ...(قاعد منطقش و تقطع عليهم مروة)
مروة: اووووو عصافير الحب مشاء الله سدين كيف حالك نورت الكلية
سدين : اها حتى انا حسيت وتوا بترد اظلم
مروة : شكلك لقيتي من يعالجك
سدين : اها صح قالولي انك ادوري في دكتور نفسي بتعالجي تو نعطيك العنوان (مهند شاد ضحكته وعاجبه قصف سدين )
مروة بتكشيخ: كنت اندور فيه ليك
سدين : شكرا متعبيش روحك مهند قام بالواجب (مهند انصدم بعدها عرف انها خطة اما مروة انصدمت )
مروة :قصدك مهند هو يلي لقى الدكتورة !!
سدين : اهاا ، هي ممكن استاذ مهند تشرحلي المحاضرات يلي فاتن
مهند : تمام هي نمشوا للمكتبة (مشوا وخلوا مروة واقفة )
مروة بكل غل  : وربي يا سدين لما نخليك تندمي
(المهم هضا كله وعمتك تالين طايحة تفطر و مستمخة و متندري على شيء )
في المكتبة :
مهند : ههههههههههه وووه شكلك فضيع
سدين بعصبية : مزال اضحك بقوة ليش كامدها
مهند : بس طيرتي جبهتها
سدين ؛ شن خايف عليها ؟؟
مهند : من هي عشان نخاف عليها
سدين : بنت عمك و الواضح تحبك
مهند حب يختبرها : بجدد مكنتش ملاحظ
سدين : فرحت شكلك ما صدقت
مهند : خسارة تو اكيد زعلت
سدين بعصبية : نووض راضيها كان خايف عليها
مهند : ههههههههههه بالشوية اعصابك
سدين : دخلكش هنا اعصابي ولا اعصابك
مهند : انتي بتعصبي حتى انا بنعصب
سدين : اها واضح وانت من بكري تضحك
مهند : سدين أنا....(وتقطع عليهم تالين هههههه )
تالين : هياااا يا بلاء محاضرة
سدين : حيييي هي سلام مهند
مهند بدون نفس : سلام (وفي خاطره يقول : حظظظي سوداني من يومي جت على هذي مثلا !)
.
.
بعد المحاضرة :
.
تالين : سدين
سدين : ها
تالين : مهند شن قالك
سدين : شيء ليش
تالين : اممم متأكدة
سدين : و الله متأكدة يعني شن بندس عليك
تالين :خطرها تعالي انقولك على موضوع
سدين : تعالي السيارة أمن اكثر لان الدكتور ميلاد مجاش
تالين : احسن هي تعالي ( وصلن للسيارة و تالين قالت ل سدين على محمد و احتمال يكون ولد الراجل هضكي )
سدين : شوووفي سبحان الله تخايلي يطلع هو
تالين : و الله بعدها يقتل سامر واضح عليه مش حنون
سدين : تعالي نروحوا بعدها نفكروا بالشوية علينا
(وصلوا للحوش لقن سامر يراجي فيهن )
سامر : بإختصار بمأن اليوم خميس و انتي كويسة جدي عازمنا على شاليه...لمدة ثلاث أيام
سدين :جتتت في وقتها
تالين : وخالتي رقية من بقعد معاها؟
سامر : حييي صح نسيت مسألتاش
سمر : كلمتها قالت بيقعد معاها يوسف
سامر :اهاا.باهي وتن شناطيكن
.
.
عند العريس سعد :
سعد : وفاء (مرته الجديدة )
وفاء : نعم
سعد : وتي روحك بنطلعوا
وفاء : تممام ثواني هي (طبعا وفاء طيبة و فالحة و متعدلش على كلام الناس )
سعد : بننزل قبلك
وفاء : تمممام
(نزل لامه)
امه: اهلين اهلين بوليدي
سعد : اهلين
امه:_ شكلك طالع
سعد : ايه انا و وفاء
امه : ياولدي رد بالك منها راهي بنت ناس و امانة عندك
سعد :_ هه ورقية بنت شوارع مثلا ؟؟ (على نزلت وفاء سكتوا بعدها طلعوا مشوا للمحلات و جابوا غداهم من برا و روحوا )
.
.
في الشاليه :
.
سامر : ايوا ادم
ادم : انت وين صوت زحممة يالاك
سامر : ايه انا في الشاليه مع خوالي ليش تبي حاجة ؟
ادم : لالا بعد تروح تو انقولك
سامر :_ تمام هي نستأذنك
ادم : اذنك معاك
.
تالين : خويلة خيرية
خيرية : نعم
تالين : خاطري في رز ابيض
خيرية : حاضر بكرا تو انديره لك
تالين : احلىى خالة و الله
وداد : اسمله علينا طايحين الحظ
نرمين : يا مظلوم معاك الله
(هدرزوا و ضحكوا وقريب المغرب كل حد خش لمكان )
سدين : انا بتمشي
سمر : متتبعديش
سدين : تمام
.
(مشت وكانن في عيون يراقبن من بعيد المهم على طلعت مهند )_
مهند : اووو صدفة
سدين : هههه غير بتمشى
مهند : بروحك !
سدين: شن اتشوف في حد معاي؟
مهند :_ ايه انا هههههه
سدين : سماطة (ومشت ولحقها وقعدوا يهدرزوا وفي حد قلبه محروق )
مروة : هههه واضح تحبها من نظراتك هذين
.....: هه شن بتفرق توا هي تحبه واضح
مروة،: ليش تستسلم  بسرعة خ
...: وشن تبيني اندير مثلا نلحقه وانقوله نحبها بعد عليها
مروة : انا عندي خطة
...: شن
مروة : .....  
....: باه من قالك هو يحبها
مروة : شوف نظراته ليها و كيف مهتم
....: خلينا نراجوا لو لقيناها تبادله نفس الشعور انديروا يلي قلتي عليه
مروة بخبث: وكل حد فينا ياخد يلي يحبه
.....: تم
.
عند مهند و سدين :
مهند : سدو
سدين : هههههههه
مهند : كنك بسم الله
سدين : اول مرة اتقولي سدو
مهند: اسمك طويل هههه
سدين : تنبال هو اربعة حروف بس
مهند : سدو ثلاثة هههههه
سدين : هههههه (مهند وقف وقعد يشوفلها و يالاهم البحر و صوت الموجة )
مهند : انا نحبك (سدين قعدت اتشوفله وبس ومصدومة معش عرفت شن ترد )
مهند: مش من توا مش من يوم او شهر او سنة من سنين وانا مش قادر نعترف نخاف من ردة فعلك حتى في الغربة كنت ديما نتابع في اخبارك من مرام
سدين : نفكر في الموضوع ونرد عليك (يعني عشان تبان ثقيلة وهي لو تلقى تنقز من الفرحة ومهند حس انها موافقة حتى هو فرح وتمشوا شوية و ردوا لقوهم كيف باديين بيشووا مفيش حد منتبهلهم الا اثنين ) 
.
عند محمد :
.
سامية : محمد
محمد : نعم
سامية : كيف حال صاحبك
محمد بتنهيدة : تعاركنا لينا فترة
سامية: ليش مكلمتاش تسامحت منه
محمد : كلمته ميردش
سامية : تعرف حوشهم
محمد : اييه خايف يردني
سامية : لالا ميردكش غير امشيله
محمد : ادعيلي
سامية : ربي يفتحها قدامك وين ما مشيت
محمد سلم على رأسها : آمييين (وطلع واتجه لحوش أسامة بعد ما وصل قعد يطق لعند فتحتله )
محمد : السلام عليكم أسامة موجود ؟
المرأة: هه أسامة ......
محمد : شننننن اتقولي انتي
.
.
#يتبع
من الطرف التاثي مع مروة؟
شن صار في أسامة ؟
#رواية_المجهول
#rwyat_br0o