المجهول 💗 ( روايات ليبية ) مكتملة

المجهول 2ح7

المجهول 2 الحلقة 7
.
.
محمد : 😦😦
منصور : 😦😦😦
سامر : كنك محمد خش
محمد : ا ا ا شيء (في عقله : الله على الصدفة )
منصور بالصوت الخفيف لمحمد : هههههه طلعت حفيدتي يلي مهبلاتك
محمد : هههههه انا بديت نخاف منها عيلتكم (اسامة نخص محمد بمعنى تكلم ) ، انا من قبل كلمت سامر ان نبي اناسبه و وافق و مسخرش الحال ان انجيب الوالدة الا توا (أسامة زاد نخصه لان معرفش يتكلم )
أسامة : خوي محمد رايد القرب منكم ويلي تبوه حيصير ان شاء الله
منصور : مفيش حد كبير يجي يتكلم ؟؟
محمد : و الله يا عمي بوي الله يرحمه وحيد هله و خوالي في مدينة ثانية ميقدروش يجو (يكذب )
منصور : نحنا نشاوروا البنت لو موافقة على بركة الله ولو مش موافقة نحنا منقدروش نغصبوها على شيء
محمد : اها معاك حق
.
.
حليمة : شن يشتغل وليدك
سامية : متخرج من الاقتصاد وتوا يخدم في شركة بوه
رقية : مشاء الله
سامية : سلمك ولو بنتكم موافقة حتكون زي بنتي واعز ان شاء الله
حليمة : لا من الناحية هذي مطمنين نحنا
سامية: شن وين كنتي
رقية : هههههه اكيد متحشمة تو نمشي انشوفها (وناضت مشت للبنات في المطبخ )، هيا المرأة تسأل عليك
تالين : كان شريرة منبييش
رقية : تي عسلل بككل و الله
سدين : خششي ولا نخششك بالسيف
تالين : ها مشيت (وخدت صفرة القهوة وخشت ) السلام عليكم
سامية : و عليكم السلام مرحبتين بكنتي وبنتي (مدت تالين القهوة و قعمزت )
تالين : كيف حالك عمتي وشن دايرة صحتك
سامية : الحمد الله في افضل حال (قعدن يتعرفن ويهدرزوا وقبل المغرب بشوية روحوا )
سامر : جدي انت تعرفه ؟؟
منصور : مرتين بس متلاقي معاه في محل (ميبيش يقول بحر متحشم هههههه )
سراج: شن رأيك فيه
منصور : نسألوا عنه قبل بعدها يا من حي
سامر : تو بكرا نمشي نسأل ، هي تعالوا نخشوا (خشوا لقوا حليمة ادير في الشاهي و رقية وسهام يهدرزن و سدين في المطبخ )
منصور : وين تالين
سهام : ركبت تو اناديها
منصور : قوليلها جدك يبيك
سهام : حاضر هي (ومشتلها)
سامر : شن هله كويسين ؟
رقية : امه تبارك الرحمن
حليمة : و الولد شن
سراج : بكرا بيمشي سامر بيسأل عليه
تالين : نعم جدو
منصور،: يابنتي انتي موافقة ؟(يدير في الجو وهو عارف قصتهم من البداية )
تالين : 😳
حليمة : البنت تحشمت انتم أسألوا قبل بعدها ساهل
سراج : بمأنكم انتم هنا فنبي نفتح موضوع
منصور : شن؟؟
سراج : نبي اندير تلبيسة بسيطة يعني العيلة بس يوم الجمعة الجاية
سهام : راه موتيناش شيء انت تحساب ساهل الموضوع ؟؟
منصور : كلام اختك صح وتوا حاجاتكم و انكلم راجل خالتك وانديروها
حليمة : عقبال يلي مزالوا (واتشوف لسامر )
سامر: قعادك تراجي ههههه
رقية :تو تلقى نصيبك متستعجلش (وقعدوا يهدرزوا و باتوا عندهم لان ثاني يوم بيطلعوا بياخدوا حاجات التلبيسة )
.
.
ثاني يوم العشية :
عند سعد :
.
وفاء : كم مزال على عرسك
حنين : بعد اسبوعين هك
وفاء : على خير ان شاء الله كملتي حاجاتك ولالا
حنين : ايه كملت قديش ليا
امه : حنين دريلنا قهوة اكيد مرت خوك مشربتش
حنين : هي نايضة
وفاء : خليك تو انديرها ليكم انا (وناضت قعدت ادير في القهوة وحنين قعدت مقعمزة مع امها)
حنين : ليش تعاملي فيها هكي ؟؟ اهي رقية عاملتيها بالاسلوب هضا شن استفدتي ؟؟ شيء خلي سعد مراته في حالهم لو وحدة ثانية من قبل ماشية لهلها بس هذي مكبرة عقلها ومتبيش المشاكل (شوية وخشت عليهم وفاء بصفرة القهوة و حاطة معاها بقلاوة )
حنين : بقلاوة من وين ؟؟
وفاء : امبكري سعد جابها قلت خليها ناخدوا عليها قهوة العشية
حنين : اها
.
.
#تسريع : فات اسبوع مهند في كآبة و سراج يوتي للتلبيسة امتاعه و وافقوا على محمد بس قال يبي عرس طول ميبيش تلبيسةو السفرة امتاعهم بعد تلبيسة سراج بيومين
يوم الجمعة (تلبيسة سراج ):
.
.
خيرية :  لولو لولوي
وداد : هههههه قاعدة مش مصدقة و الله ان اليوم تلبيستك
نرمين : بلكي انا مصدقة (شوية وخش عليهم مهاب )
مهاب : هضا الموالح وجبتهن و الحلو بيوصلوه هما و العصير حتى هو هما بيوصلوه و الشركة التنسيق برا خلاص ولا
وداد : قلتلهم كيف يديروا الديكور
مهاب : هما ادرى ، معش في شيء ناقص ؟؟
خيرية : لالا كان في تو انقولولك
نرمين: نردوها لك في عرسك هههههه
مهاب : بنتعبكم في عرسي
خيرية : هههه خلاص الحشم
مهاب : اهم وصلوا امتاعين الحلو و العصير (وطلعلهم خداه منهم والحلو كان : تيراميسو و كنافة حبو يكون نوع شرقي و نوع غربي و العصير طبيعي انواع )
وداد : تو انا انظمهن وانتي امشي بدلي
نرمين : هي ماشية
(المعازيم كانوا خوالها و عمامها و صاحباتها )
مهاب :هي كملوا الشركة و روحوا تعالي شوفي
وداد : هي جيت ، مشاااء الله يجنن ( كان الديكور بسيط وهادي ، كملت وداد التنظيم والناس قعدت اتجي و قبل المغرب بشوية جو سيارتين سامر و تالين ولبسوها وداروا جو روحوا )
سدين : بعددد يومينننن ياناااااس بنمشي لترككككياااا
سهام : ههههه سمر تكلم اكيد تقصقص
تالين : هههههه ردي عليها
سهام : الو
سمر : قولي للفرختين يفتحن السكايب بسسرعة (وسكرت )
سهام : هههه حي عليكن فاصلة ، المهم قالت افتحن السكايب بسرعة
سدين : اهي ترن ، مرحب
سمر : متقولنش اختنا براا تبي تعيش اللحظة
تالين : و الله مالينا واجد مروحين
سمر : بااهي احككننن بالتفصيل
سهام : ياحنة جايبين شركة تنسيق تجنن و اول ما وصلنا قعمزنا على الطاولات مدوا عصير طبيعي و شوكولا تجنن مش عارفة نسيت اسمها هههه
سمر : هههههه المهم هي بعدها
تالين : بعدها نزلت نرمين وكانت تجنننن تبارك الرحمن و قعمزت شوية و لبستها سهام الدبلة و داروا تنوير وجو
سمر : هههههه خلاص اس معش تقهريني فرخ سراج مخطرش عليه الا تواا وانا مسافرة ، وانتي فرخة تالين امتى عرسك
تالين : مزال محددوشي مرات بعد ما نتخرج هههه
سدين : مستحيل يصبر محمد هههه
سمر : هي سكرن صهيب روح
سهام : سلميلنا عليه
سمر : يوصل هي في امان الله (وسكرت )
سهام : نوضن هي انتن بكرا وراكن كلية ولا
سدين : ايه بنشوفوا النتيجة قالوا طلعت
تالين : خااايفة 😢
سهام : توا شن يفيد الخوف امشن ارقدن
تالين : بنرقد هنا على سرير سمر
سدين : هي تصبحن على خير
تالين ،سهام : وانتي من اهل الخير (مشت سدين لسريرها وتفكر كيف حتتصرف مع مهند يلي بدا معش يعنيلها شيء وكرهاته لين وصلت لحل تغطت ورقد لين ثاني يوم الصبح تنوض فيها تالين )
سدين : اهوو نضت
تالين : سنة انوض فيك
سدين : حي بدلتي
تالين : لا بنراجيك اهو نازلة بنكلم محمد عندك نص ساعة وتنزلي (ومشت ردت على محمد ) ، صباحو
محمد : هههه خوافتي نايضة
تالين : ربي يستتر كان بنسقط منك
محمد : وانا شن دخلني
تالين : لان في الامتحانات مركزتش من كثر ما نفكر فيك
محمد : هههههه ناعلي مدام هكي معناها ناجحة
سدين : هياااا تالين واتية انا
تالين : بنسكر توا
محمد : طمنيني
تالين : ان شاء الله (وسكرت طول و قعدت اتسوق لين وصلوا لقت محمد قدامها وشاد باقة ورد كبيرة ) ، هههه من امتى انت هنا
محمد : من لما نكلم فيك ، كيف حالك سدين
سدين : كويسة الحمد الله كيف حال عمتي سامية
محمد : كويسة تبي اتججيكم كل مرة بس قلتلها عندهم سفرة توا
سدين : جيبها اليوم نكسبوا هدرزتها
محمد : ان شاء الله
سدين : هي على اذنك (ومشت قابلها مهند في الاول ترددت تمشيله بعدها جمعت كل قوتها ومشتله
سدين : صباحو
مهند مصدوم : صباح الخير
سدين : هههه كنك مصدوم
مهند : ااه شيء متفاجأ بس
سدين : امم مهند
مهند : نعم
سدين : .....
مهند : 😦 متأكككدة من يلي اتقولي فييه
سدين : وكل التأكيد ....
#يتبع
أشرفت الرواية على #النهاية وكل نهاية بداية لقصة جديدة وابطال جدد
تتوقعوا شن كان قرار سدين ؟؟!
وشن اكثر شخصية حبيتوها وتعاطفتوا معاها ❤؟
#رواية_المجهول_2
#rwayat_br0o