المجهول 💗 ( روايات ليبية ) مكتملة

الحلقة 23 💗

المجهول 23
.
مروة،: مهند
سدين : شننن
تالين بصوت واطي : حي سدين نسيتي مطلعتيش الطاجين من الفريز (وكرتها ) ، شن قلتلك اناااا اه قلتلك انسيه يا سدين هو مش نصييبك ولا
سدين : بسسس مش مروة
تالين : هه وشن بتفرق يعني ، ها ردي باالك تبكي راه هو يبي يكسرك شوفيلي هنا توا امشي صلي العشاء كيف اذن و ادعي
سدين : تمام
سهام : شن في
تالين : ا ا سدين المجنونة تبي تستاحشكن وعارفتيها قعدت حساسة (سهام كانت تفكر لو امهن معاهن توا وكلام تالين فقعدت تبكي وجتها سدين حضنتها وقعدت تبكي لين جت فكتهن رقية )
رقية : شن الهبال هضا بدال ما تفرحن بديري حوش و عويلة و اكيد بتجيكم مرة مرة
سدين : ص ص ص عب ه ه ه هنا االاثنين
رقية : هضا نصيبهن ، خلاص امشن اغسلن وجوهكن وتعالن ندربكوا
سهام تمام .
..
تالين : هيااا يا بنات ندربكوا
وداد : هااتي هنا
نرمين : هااتي البندير (وبدن يدربكن )
رقية : لولولولولولولوي
سدين : احنا وادينا وادي طيب....ياسعد اللي انديروه نسيب
وداد : أمه جاباته يوم مطر ...اللي  حصلها هالقمر
رقية :  ان شاء الله زولك مايتوارى.... ياام الرجاله العصاره ( قالولهم الاولاد بنخشوا انديروا معاكم الدربوكة وقالولهم باهي وسدين متبيش تفكر في مهند و تغني وهايمة متبيش تنكسر )
سدين : سلم خوها عطاها كنة عارفها ما تخيب ظنه
الاولاد : ايوا ايوا
رقية : نحط اوشيقه في المربوعه .. وين يخشو بالمجموعه
حليمة : لولولولولوي
اياد : غنوا امتاع ديري عزم ستر الله باقي 
نرمين : مقدمها
سدين : هي هاتي البندير تو نغنيها انا وياه وانتم ردوا (مراد هنا شاطت فيه النار و مروة مستغربة من ردة الفعل )
اياد بفرح : هيي
سدين اياد : ديري عزم ستر الله باقي ...بعد فراق سيورا تلاقي يانا يانا ديري عزم
ريت الزين في باب المدينة يانا يانا طفل صغير شاورلي بعينه يانا يانا (المهم غنوها و لين دهشوا بعدها ناضوا كل حد والبنات فتحن المنظومة و بدن يفرش في الصالة يلي بيديروا في البيان و كملن ركبن قعدن يديرن في ماسكات طبعا مروة روحت عشان تكلم مهند ودارت حجتها خوتها و بوها )
ثاني يوم :
سدين : بيجوا عشية هما ولا كيف
سامر : على المغرب على العشاء
تالين : المشروب راك تنساه مشور شيء بعدها
سامر،: مشى سراج يجيب فيه المهم هي قولي ل سهام و سمر يطلعن وقت راه ( بيمشن للمزين )
سمر: جيت تالين ردي بالك منبيش شيء ينقص
سدين : اطلعي و النبي اتشوفي في كل شيء بعينك و منظم
سهام : هي نبي نروح نلقاكن مبدلات
سامر : اطلعن ساد
حليمة : لولولولولولولولي
رقية : سامر وين سراج
سامر : بيجيب المشروب و بيجي
رقية : تمام قبل بنقوله هي توكل تأخرتوا
سامر : تمام هي .
.
.
في حوش سعد :
وفاء : اليوم بيان ولد خالي
امه : اه يلي قلتي امه متوفية
وفاء : ايوا هضا هو و بنمشي مع امي و خواته و باقي خالاتي وبناتهن
امه : باهي مشاء الله من مناسب هو
وفاء : والله نسيت هو قالتلي امي بس نسيت
امه : اه المهم تكون بنت حلال
وفاء : لا تشكر فيها امي هي وخواتها حتى اختها الثانية بيانها اليوم معاها
امه : يافرحة امهن
وفاء : متوفية امهن
امه : يا روحي الله يرحمها ان شاء الله
وفاء : ان شاء الله ، هي نستأذن نوتي روحي قريب يجي سعد
امه : اذنك معاك يابنيتي
.
.
سعد : شن واتية ؟؟
وفاء : ايه هياا
سعد : هي
وفاء : بتمشي بعدين
سعد : مش عارف
وفاء : امشي
سعد : تو نفكر المهم منوصيكش الخمار ميتحولش الا لما تخشي
وفاء : هههه حاضر
.
.
في حوش سهيب
نعرفكم على عائلة سهيب
عنده اخ واحد اسمه معتصم
وثلاثة خوات روان و رناد توأم  و نورهان هذي متجوزة وعندها بنت عمرها سنة وشهرين اسمها ألين
امه
نجية
بوه،: خليفة
.
نجية : لولوللولولوي واخيرا بنفرح بوليدي
نورهان : رنااد شدي ألين شوية تبكي لين نكمل التغليف
روان : رناد مش فاضية تو نعطيها لمعتصم مقعمز هكي وخلاص (وشالتها ليه ) ، هاك تبكي
معتصم : شن انديرلها مثلا
روان : سكتها والنبي كلنا مشغولين و الحوش بدأ يزحم
معتصم : هاتيها حبيبة خالها هاتي (وقعد يسكت فيها لين رقدت ورقد هو هههههه )
سهيب : وين معتصم
رناد : في داره شاد ألونة
سهيب : هههههه غريبة
روان : حطيتها وطلعت هههه
سهيب : اكيد طلعله الشيب توا هههههه
رناد : امشي شوفه ترا
سهيب :هي ماشي (مشاله لقاه راقد و مرقد ألين قعد ينوض فيه بالشوية ) ، معتصم نووض يافرخ هي معتصم
معتصم : ها
سهيب : نقص صوتك ألين راقدة
معتصم : نسيتها ، شن تبي
سهيب : عمامك بدوا يجوا نوض
معتصم : اهو نضت (ناض و دار لألين مخاد لان مرات تتشقلب و غسل وجهه وطلع ) .
.
عند محمد :
أسامة : نووض وقت على الكلية نوض
محمد : باهي شوية بس
أسامة : اقعد ماشي بروحك
محمد : اهو نضت الهم
أسامة : انا نازل الحقني
محمد : اقلب اهو نضت
أسامة : سلمهه الفالح (ونزل لقى سامية موتية الفطور )
سامية : كيف بنركب بنوضكم قلتوا امس عندكم كلية أسامة : محمد محوتك ناض
سامية: هالفرخ بيجنني ، المهم اهو قهوتك عالنار انجيبها ليك
أسامة : لالا تريحي تو نصبها بروحي
سامية : كان مخدمتش وليداتي من بنخدم
أسامة : ربي يخليك لينا
سامية : ان شاء الله ويخليكم ليا
محمد : هيا هيا وقت و النبي يا الغالية حطيلي قهوتي في المق الحراري
أسامة : توا عرفته وقت يا فالح
سامية : هاك قهوتك و هذين نصين كولوهن في السيارة
أسامة : تمام هي (وطلعوا و بعد ما وصلوا لقوهم في نص المحاضرة بالسيف خششهم الدكتور )
.
.
في العشية :
.
وداد : صوت تبييب اكيد وصلن
سدين : تعاالن وصلننن
حليمة : لولولولولولولولوي
خيرية : لولولولولولولولولولي
(واستقبلنهن و بدن يبدلن و على صلاة المغرب وصلوا هل آدم وبعدها بربع ساعة هل سهيب داروا بيان كبير وبعد عشوهم قعمزوا يهدرزوا )
رقية : وين عزووزتك
سمر : اهيا
رقية : تمام (ومشت سلمت عليها و وصتها على سمر وهك وبعدها قعمزت )
وفاء : شكلك قريبة منهن
رقية : اها هذين بنات المرحومة
وفاء : الله يرحمها
رقية : تعيشي ، شكلك عروسة مازلتي
وفاء : اها وانتي
رقية : مطلقة
وفاء : مشاء الله مش باين عليك
رقية : هههههه عادي وكان اطلقت مش نهاية العالم (وقعدن يهدرزن بدون مايعرفن الاسامي و سعد حظه ممشاش لبسوهن الدبل و روحوا وبدن يضمن )
فاتن ثلاث أسابيع خلي انقوللكم شن صار فيهن (محمد شد في قرايته وقريب امتحاناته و اقنع تالين تعطيه رقمها سدين لاهية توتي مع خواتها تبيش تذكر ان مهند عرسه قبل خواتها بس حظهن جاء في امتحاناتهن و مروة وقفت قيدها و هو وقف لان بيسافروا شهر عسل و مراد يراجي فيهم يسافروا عشان يتقدم لسدين  وسامر فقد الامل ان يلقى الولد و رد للعيادة و سراج ميفضاش يروح يوم اثنين و يطلع لرحلة و سعد يتعالج دون علم وفاء و كل ما بدير كشف يطلعلها سبلة )
سمر : بنمشوا للسهرية اليوم
سهام : سدين قالت بنقرأ
تالين : ا ا ايه عشان امتحاناتنا
سمر : تمام اهو سامر بيمشي هي
سهام : غير امشن غيرن جو هو الامتحان بعد بكرا
سامر : قرايتهن اهم
سدين : اهو سامر قالها خلاص متخافيش
سمر : تمام هي نبدل و ننزل
تالين : خلي انشوف فوني كنه يرن (ومشت لدارهن لقاته my friend )
محمد : يا هلا
تالين : اهلين شن جو امتحان اليوم
محمد : تمام التمام حنصفي بإذن الله
تالين : هههه دوم المعنويات هك ان شاء الله
محمد : شن قالولك انا محبط ؟؟
تالين : هههه لالا استغفر الله
محمد : شن رأيك اتجي بكرة للبحر
تالين : هههههه شن عندك زي المرة يلي فاتت زنيت و تبي الرقم اعترف
محمد : يعجبني ذكائك هههههه
تالين : تي صقع عليك المهم قولي من توا شن
محمد : تي مفاجأة يا سامطة ومتجبيش اختك
تالين : هههه عليك تملك
محمد : انقولك قعمزي هي
تالين : خلاص تو انجي و انت فيسع ما تزعل
محمد : ماه انتي باردة لين اتشيطي الريق ، المهم شن صار في اختك
تالين : حالتها تسخف اليوم سهريات بدن
محمد : ربي يعوضها المهم انا بنسكر بنقرأ
تالين : هههه باه امشي موفق
محمد : تضحكي تي باهي باه ان شاء الله اجمعين (سكر ومشى يقرأ لان امه قالتله منيش خاطبتلك لعند تتخرج و أسامة حتى هو و تالين مشت لسدين وقالتلها )
.
سدين : اوووو مفاجأة وجو واتقولي اصدقاء
تالين : و الله اصدقاء هي ياسامطة متنسيش لو عرف بالقصة
سدين : اها صح قوليله بكرا
تالين : منقدرش خليها للوقت
سدين : تمام وانا بكرا منيش ماشية
تالين : تمام نوضي نقروا
سدين: هي
.
.
ثاني يوم الساعة 11 على البحر :
.
تالين : جيييت
محمد : واخيرا
تالين : الدكتور السامط بعد المحاضرة كلمني
محمد بعصبية : وشن يبي
تالين : تصدق بيخطبني هههههه
محمد : شننن وشن قلتيله
تالين: كنك محمد
محمد : مالأخير انا رايدك بالحلال و ننراجي امتى نتخرج عشان انجيب امي (تالين كان في خاطرها اتقوله ووانا حنراجيك لآخر العمر بس خوها اهم من مشاعرها )
تالين : بس انا منفكرش فيك الا صديق (محمد انصدم بردها )
محمد : متأكدة
تالين : اها وهي انا تأخرت لازم نروح (مشت مراجتش شن بيكون رده )
محمد : اااااااه يا تالين
.
.
(جاء عرس خواتها و مهند سافر لمصر و كمل العرس و سمر بتسافر اليوم )
سهيب : هيااا سمر تأخرنا
سمر : هيي واتية
سهيب : هي نمشوا نسلموا على هلي بعدها هلك
سمر : تمام (مشوا سلمت على هل سهيب و مشت لهلها و سلمت عليهم )
.
.
في حوش فرج :
سامر : تالين ، سدين وين هذين اكيد في دارهن (ومشى ركب لما جاء بيفتح يسمع فيهن يحكن )
.
تالين : مسيتحيل نوافق يا سدين و تخايلي وافقت حيجي يوم ويعرف ان سااامر قتل بووه (ويفتح سامر )
سامر : .......
.
.
الي اللقاء في الحلقة الاخيرة ❤
#رواية_المجهول
#rwayat_br0o