المجهول 💗 ( روايات ليبية ) مكتملة

الحلقة 11💗

المجهول 11
.
سمر : انا قررت ان مش حنبكي من يوم و غادي و حندعي لماما عشان تكون فرحانة و نستمر في حياتي  هضا ربي يختبر في صبرنا و لازم ننجحوا في الاختبار هضا
البنات : حتى انا ( شافن لبعضهن وابتسمن)
تالين : بكرا تخرج سراج
سهام : شن رأيكن انقولوا لسامر يطلعنا نشروله هدايا
سمر : هيي
سدين : و الفلوس !!
سهام : بابا وين خطرها ؟؟
سمر : هه بابا وين بالله هو من ثاني اسبوع رد يقري اصلا محسيتش بوجوده تخايلي سامر هو يلي قعد اب الحوش
سدين : ياخوفي بس
تالين : تخايلي صح ؟؟
سمر : هي هي نمشوا لسامر وانا عندي فلوس داستهن من قبل نتقاسموهن
البنات : هيي (ومشن لداره كاين متكي )
سهام : سامر
سامر : امم
سمر : بصراحة
تالين : وبكل راحة
سامر : باهي وبعدها قولن شن تبن
سدين : بنطلعوا بنشروا هدايا لسراج بكرا تخرجه
سامر خبط راسه : حييي نسيت هي هي عندكن 10 دقائق ونلقاكن لوطة (البنات جري مشن )، الحمد الله ياربي يلي بدن يتغيرن الحمد الله (وقطع عليه رن فونه لقاه مهند ) الو مرحب
مهند : لا من صوتك باين كويس
سامر: الحمد الله
مهند : شن صار في سدين !!
سامر: هي كانت تحتاج شيء تصدق بيه و لما شافت القبر و الاسم صدقت وفرغت يلي في قلبها كله غادي وتوا الحمد الله
مهند : باهي الحمد الله
سامر : قلتلك بكرا تخرج سراج بيش اتجوا انت والعيلة وخبر خوالي كلهم
مهند : بجد ، باهي ان شاء الله تو انقوللهم
سدين من لوطة : سااااامر هياااا
مهند : هههه سبحان مغير الاحوال
سامر : اييه هههه هي نستأذن
مهند اذنك معاك
(مشوا البنات كلهن للسوق شرن هدايا لسراج و كذلك خواله قرروا يديروله مفاجأة وفرج ميندريش على الدنيا وين زارقة ويلود )
#ملاحظة : فرج هو وحيد امه وبوه ومتوفيين  فلهاذا هما معندهمش عمام
.
.
تالين : هي بنغلف الجاكيت ( تالين شرت جاكيت لونه بيج ونوعيتها تهبل )
سدين : بنات شن تقترحن عليا اندير مع الساعة (خدتله ساعة من Dior)
سمر : معاها رسالة هك ،باهي هاتي الغلاف نغلف السروال ( خدتله سروال جينز ازرق كحلي عشان الجاكيت بيج)
سهام : حييي يا بنات توا مزال السورية و الحذاء عشان تكمل اللبسة توا انا عطر (خدتله عطره المفضل ) (شوية وطقطق الباب )
سامر : نخش عادي ؟
سهام : خش خش
سامر : شن رأيكن توا رديت خديتله سورية و حذاء
سدين : اصبر خلي انشوف ، حيي تجنن يمشن مع اللبسة ( خداله سورية سماوية و الحذاء كندرة بيج )
سامر : هي مالا غلفن راه هو قريب يوصل ، واه على فكرة هو ميندريش ان حنمشوا بكرا وكلمت خوالي بيجوا حتى هما وكان سئلكن قولن مناش ماشيين
البنات : تممم
سامر : خطرها حجزت في كيكة لبكرا
سمر : بنشيلوها معانا؟
سامر : ايه هو الحفلة تبدأ التسعة ونص الصبح و المحل يفتح التسعة  ناخدوا الكيكة بعدها نمشوا الحفلة
سدين : حسه وصلل
سامر : هي ماشيله انا وانت غلفن بسرعة
.
.
عند محمد :
.
اسامة : ليش معش تمشي للكلية
محمد : هك بنغير التخصص
اسامة : محمد راه يلي في عمرك متخرجين و يشتغلوا
محمد : يا ربي شن دخلك فيا
اسامة : تمام معش بندخلك فيك ويلي تبيه ديره وهي معرفة خير (وناض )
محمد : اووووف ياربي اووف
.
.
في حوش فرج :
.
سراج : الحوش مهفت وين البنات
سامر : فوق يهدرزن ، كنت يالاهن طردني قالن بنحكوا في امور خاصة ( عشان يبيش سراج يمشيلهن)
سراج : اها ، قبل بنقوللهن على حفل التخرج بكرا
سامر بصدمة : بججد مقتليش
سراج : قلتلك
سامر : نسيت معناها
سراج : اكيد نسيت ( كانت الساعة 10 في الليل وسراج كيف يلي اضايق ان خوه نسى حفل تخرجه ) ، انا ماشي بنرقد وانت قول للبنات
سامر : عيب انا انقوللهن ( جاه مسج سدين : اطلقه كملنا 😎) ، هي نركبوا انديرولهن مداهمة
سراج : هيي
.
.
سدين : تم وصلاته هي ديرن روحكن عاديات
سمر : خايفة نضحك
تالين : نخنقك بعدها
سهام : هييي حسهم قرب نهااري توترت
تالين : اهدييي
سراج يطقطق : عادي نخش ؟؟
سمر : خش خش (ودروحه تتاوب و تالين دروحه نعسانة و سهام على اللاب توب و سدين ترسم )
سراج : بكرا تخرجي
سمر : به مبروك
تالين : امم واخيرا بتتخرج
سهام : يعني المطلوب توا
سدين : تو نهديك رسمة
(سراج تعققد لين خلاااص وسامر شاد ضحكته بالسيف )
سراج : تصبحوا على خير (ومشى)
سامر : يا شريرات هههههه
البنات : ههههههههههه
تالين : فظيعة امتاع نهديك رسمة
سامر : وعلى فكرة ارقدن ورانا بكرا يووم طوييل بكل
البنات :تممم
.
(البنات هدرزن شوية ورقدن وهنا فرحانات عشان يشوفن ردة فعل سراج )
ثاني يوم الساعة 8 :
سامر يطقطق على البنات بالشوية : هييي يا فرخات نوضن نبيكن
سدين : نضت الهم هاا
سامر : عصااا نوضيهن نبيكن
سمر : خش نضنا
سامر : اولا صباح الخير ثانيا تغيرت الخطة
البنات : صباح النور ، كييف
سامر : توا هو قاعد راقد تمام هاتن اللبسة و الساعة والعطر انسدفوهن ليه واكتبله ورقة ان آسفين مش حنقدروا انجوا واسفين على مقلب امبارح
سمر : فكرة عبقرية وانردوا نرقدوا عشان يفقد الامل
تالين : سامر بابا...
سامر : ماشي لصاحبه في الجبل المهم ما علينا توا هي كيف ماقلتلكن
سدين : هاتي نكتب الورقة
(كتبت سدين الرسالة وخشن يتسلسن عشان ميفطنش وحطن اللبسة على السرير وسامر كان محظرله مفاجأة حتى البنات انصدمن لما شافنها وطلعن )
سامر : احم عارفكن تفاجأتن هذي هدية بسيطة مني ليه (بدلة التخرج مطرز عليها اسمه وتاريخ تخرجه و الطاقية مطرز عليها كابتن سراج )
الساعة 8:45 :
تالين : اووف امتى بينوض الهم
سهام واقفة تتصنت بلكي ناض : حييي يا بنات حسه يفركش في الهدايا ارقدن (البنات مثلن ان بيرقد وحتى سامر رد رقد )
سراج بإبتسامة : ربيييي ما يحرمني منكم وووه بنطير (سامر متابع معاه وفرح ان عجباته الهدية) ، خلي انشوفهن بلكي نايضات ...، سدين تالين سهام سمر !! اكيد رقدن المهم ماعلي (مشى وتى روحه ولبس اللبسة والساعة الجدد و بخ برفانه وخدى بدلة التخرج ومشى )
سامر : نوووضن هي طلع
سهام : نوتوا روحنا هي
سامر : اه خطرها جدي حاجز في شاليه لمدة ثلاثة ايام هدية لسراج
سدين : امتى نمشوله !!!
سامر : بكرا ، هيي توا امشن وتن روحكن
(مشن البنات وتن رواحهن و انطلقوا خدوا الكيك ومشوا للكلية وسامر قال لخواله محد يخش لين هما يوصلوا)
حليمة : هالفرخ طول
منصور : كلمته قريب يوصل (طبعا خواله بتراب الدار جايين حاولوا يفرحوه بأي طريقة )
مهند : اهو وصل
سامر : سامحوني طولت عليكم
خاله عيسى : كيف حالكن يا بنات
البنات : كويسيين
(المهم البنات سلمن على جدتهن و جدهن و خوالهن بالختصر العيلة كلها)
سامر : هي نخشوا قريب تبدأ الحفلة
العيلة : هي (سراج كاين حاط رأسه بين يديه كان يتمنى حد يجي بس تأخر الوقت وفقد الامل وكان يالاه صاحبه بس وصاحبه يعرفش هله )
صاحبه مؤيد : هههه شوف العيلة سعدوده يلي جايينله حتى الجد والجدة جايين
سراج يبيش يشوف وينقهر : مؤيد اسكت
مؤيد : والله حسدته هيي باين يحبوه
سامر بصوت عالي : سراااج
(سراج رفع رأسه ولقى خواته سامر خواله مشالهم يجري وحضن سامر وخواته وسلم على باقي العيلة والابتسامة كانت على وجوه الكل و بدأ الحفل و عطوه شهادته وهو مروح مشى لامه ببدلة التخرج و قعد يبكي وروح قريب المغرب )
تالين بحزن  : سراج اكيد ماشي لماما ااه الله يرحمها
سامر : كلمني مروح في الطريق
سهام : سامر خاطري نمشي معاك للعيادة
سامر : تو انشيلك يوم من الايام
سمر : هي تفضلوا قهوة من تحت يدياتي من زيكم
سدين : يا ارض اشتدي محدا ادي
سامر : حسه سراج وصل
(فجأة خش فرج ومعاه وحدة )
كلهم في حالة صدمةةة على اساس ماشي لصاحبه في الجبل
فرج : نعرفكم نرجس بنت عمي .....
.
.
#يتبع
هل حيجتمعوا محمد و اسامة من جديد ؟؟
فرج شن قصة بنت عمه ؟؟
#رواية_المجهول
#rwayat_br0o